მნიშვნელოვანი ინფორმაცია
7
ივლისიდღის ზოგადი ასტროლოგიური პროგნოზი
სამშაბათი, მთვარის მეთოთხმეტე დღე დაიწყება 21:15-ზე, მთვარე მშვილდოსანშია – კარგია ნებისმიერი ბიზნესის დასაწყებად. ამ დღეს დაწყებული საქმეები თავისით გამოვა. შესაძლებელია დაწინაურება, ხელფასის მატება, ჯილდოები და დამსახურებული აღიარება. დაიწყეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კარგია კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. სასარგებლოა კუჭისა და ნაწლავების გაწმენდა. ფიზიკური აქტივობა სასარგებლოა. გაუფრთხილდით მხედველობას. ყურადღებით მოუსმინეთ ყველაფერს, რასაც გეუბნებათ საყვარელი ადამიანი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რაჭაში რთველის მიმდინარეობის პროცესს სამართალდამცავები დააკვირდებიან
09:59 / 07-10-2013
რაჭაში რთველის მიმდინარეობის პროცესზე მონიტორინგი განხორციელდება. როგორც "ინტერპრესნიუსს" საქართველოს ღვინის ეროვნული სააგენტოს ხელმძღვანელმა ლევან დავითაშვილმა განუცხადა, ჯიშების აღრევის თავიდან ასაცილებლად, კონტროლის პროცესში სამართალდამცავებიც ჩაერთვებიან.
დავითაშვილის შეფასებით, რაჭის რთველი ძალიან მნიშვნელოვანი და ყურადსაღებია, მით უმეტეს იმის გათვალისწინებით, რომ რაჭა ხვანჭკარის სამშობლოა.
"ხვანჭკარა არის ძალიან მოთხოვნადი პროდუქტი რუსეთში, უკრაინაში, დსთ-ს ქვეყნებში. ხვანჭკარა იმდენად შეზღუდული რაოდენობით მოდის, ყოველთვის იყო საუბარი იმაზე, რამდენად არის ნამდვილი საქართველოში წარმოებული ხვანჭკარა. ჩვენ შევხვდით ადგილობრივ მევენახეებს, გლეხებს, რომელთა სურვილია, დაცული იყოს ის ღირსება და სახელი, რასაც ხვანჭკარა ჰქვია. ვეცდებით, სამართალდამცავ ორგანოებთან ერთად განვახორციელოთ მკაცრი მონიტორინგი რთველის მიმდინარეობის პროცესში. ჩვენი სააგენტო აღრიცხავს ჩაბარებულ თითოეულ კილოგრამ ყურძენს, რათა არ დავუშვათ სხვა წითელი ყურძნის შემოდინება", - განაცხადა ლევან დავითაშვილმა.
მისი ინფორმაციით, მონიტორინგი რთველის მიმდინარეობის პროცესში, კვირის ბოლომდე გაგრძელდება.
"ეს კეთდება, რათა არ მოხდეს ჯიშების აღრევა, ჯიშური სიწმინდის დარღვევა და მკაცრი ადმინისტრირებით მივიღოთ ნამდვილი "ხვანჭკარა", რომელიც ყველასთვის ცნობილი და საყვარელი ღვინოა. იმისთვის, რომ პროცესი სწორად წარიმართოს, იყოს საზოგადოებრივი წესრიგი და სწორი ადმინისტრირება მაღალ დონეზე შესრულდეს, შინაგან საქმეთა სამინსიტრო იქნება ჩართული", - აღნიშნა ლევან დავითაშვილმა.
ღვინის ეროვნული სააგენტოს ხელმძღვანელი იმედოვნებს, რომ რთველი რაჭაში კვირის ბოლომდე დასრულდება.
ლევან დავითაშვილი უკვე რაჭაში იმყოფება და განმარტავს, რომ რთველის მიმდინარეობის პროცესს მთელი კვირის განმავლობაში უშუალოდ უხელმძღვანელებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
