მნიშვნელოვანი ინფორმაცია
17
ივნისიდღის ზოგადი ასტროლოგიური პროგნოზი
სამშაბათი, მთვარის ოცდამეერთე დღე დაიწყება 01:23-ზე, მთვარე თევზებშია – რეკომენდებულია ფინანსური საკითხების მოგვარება. კონტაქტი უფროსებთან და საზოგადო მოღვაწეებთან. იმუშავეთ როგორც ინდივიდუალურად, ასევე გუნდურად, ერთობლივად გადაჭერით საინტერესო საკითხები. იყავით ყურადღებიანი კრეატიული იდეების მიმართ. კარგია ხელშეკრულებებისა და კონტრაქტების გაფორმება, მივლინებაში წასვლა. ჩაერთეთ შემოქმედებით საქმიანობაში მოაწყვეთ შემოქმედებითი საღამო, კონცერტი, გამოფენა. ყველაფერი შეიძლება მიირთვათ, მთავარია ღვიძლი არ გადაიტვირთოთ, აი, ტკბილეულს კი მოერიდეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ქეთი მელუა: "ყველაზე მეტად ის მაწუხებს, რომ 155 სანტიმეტრი ვარ”
06:48 / 07-10-2013
ბრიტანეთში მოღვაწე ქართველი მომღერლის, ქეთი მელუას ვრცელი ინტერვიუ ბრიტანულ გამოცემა Daily Mail-ში დაიბეჭდა.
- ბავშვობის ყველაზე ძველი მოგონება...
- ეს იყო საქართველოში, ბაბუასთან ერთად ბინაში ცეკვა. ეს კომუნიზმის დღეები იყო. 3 წლის ვიყავი და მის ფეხებზე ვცეკვავდი. ეს საუკეთესო მოგონებაა. თუმცა, იმავე ბინაში წლების შემდეგ ბაბუას გულის შეტევა დაემართა - ნამდვილი საშინელება იყო.
- როგორი ხასიათის ბავშვი იყავით?
- თავდაჯერებული და ენერგიული ვიყავი. სხვადასხვა შოუებს ვდგამდი და მშობლებს ვაჩვენებდი. ისინი ბილეთებს ტკბილეულით ყიდულობდნენ. კორპუსის ბინაში მეოთხე სართულზე ვცხოვრობდით. მეზობლად უამრავი ბავშვი ცხოვრობდა. ბავშვისთვის ძალიან თბილი და ბედნიერი გარემო იყო, მიუხედავად იმისა, რომ ქვეყანაში სამოქალაქო ომი ბობოქრობდა და დენი არ გვქონდა.
- ბოლოს თავი ბედნიერად როდის იგრძენით?
- დღეს, როდესაც რეპეტიცია ქართულ გუნდთან ერთად გავიარე. ისეთი შეგრძნება მქონდა, თითქოს წარსული და აწმყო გაერთიანდა.
- ყველაზე მეტად რა გაწუხებთ?
- სიმაღლე. 155 სანტიმეტრი ვარ. კარგი იქნებოდა, ცოტა მაღალი ვყოფილიყავი.
- თქვენი ყველაზე ცუდი თვისება?
- გადაწყვეტილების მიღება მიჭირს. კომუნისტურ საქართველოში გავიზარდე და პოლიტიკოსობა მინდოდა.
- რაზე ოცნებობთ?
- დღემდე მაქვს აუსრულებელი ოცნება - ყოველთვის მინდოდა სკოლაში გაკვეთილებზე დამეგვიანა, მაგრამ ვერ ვახერხებდი. კლასის საუკეთესო მოსწავლე ვიყავი, განსაკუთრებით ფიზიკაში, ქიმიასა და ისტორიაში.
- ვინმესთვის ბოდიშის მოხდა ხომ არ გინდათ?
- როდესაც 15 წლის ვიყავი, ჩემს მეგობარ რეიჩელთან ერთად Ouija-ს (სულების სეანსის დაფა) ვთამაშობდი. მოვატყუე, რომ დაფაზე ასოები თავისით შეიცვალა. მას ძალიან შეეშინდა და ამის გამო ძალიან აღელდა. მოგვიანებით ვუთხარი, რომ ყველაფერი მოვიგონე. ის დღემდე არ მელაპარაკება. რეიჩელ, მაპატიე.
მომზადებულია Daily Mail-ის მიხედვით.
იხილეთ ფოტოგალერეა: ქეთი მელუა პარაშუტით გადმოხტა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
