მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გიორგი მარგველაშვილი - რუსეთთან ურთიერთობების დამყარებას რაციონალურ საფუძველზე ვაპირებ
03:19 / 07-10-2013
საპრეზიდენტო არჩევნებში გამარჯვების შემთხვევაში, რუსეთთან ურთიერთობების დამყარებას რაციონალურ საფუძველზე ვაპირებ, - განაცხადა "ქართული ოცნების" საპრეზიდენტო კანდიდატმა გიორგი მარგველაშვილმა ტელეკომპანია МИР-სთვის მიცემულ ინტერვიუში.
"მოკლედ რომ ვისაუბრო, რუსეთთან ურთიერთობების დამყარებაზე, ამას რაციონალურ საფუძველზე, ორივე მხარეს არსებული მოჭარბებული ემოციების გვერდის ავლით ვაპირებ. თუმცა, რაციონალურ დიალოგამდე საკმაოდ რთული პროცესია და სწრაფი რეაგირების მოლოდინი არ უნდა გვქონდეს. ბოლო პერიოდს თუ გადავხედავთ, სავაჭრო და კულტურულ ურთიერთობებში გარკვეული წინსვლა გვაქვს. თუმცა, ამავდროულად, გვაქვს პრობლემები ცხინვალის რაიონში, სადაც რუსი სამხედროები მავთულხლართებს აბამენ. ეს ძალიან მტკივნეულია", - განაცხადა გიორგი მარგველაშვილმა.
მისივე თქმით, ქართული მხარე გააგრძელებს აფხაზეთისა და ე.წ. სამხრეთ ოსეთის დამოუკიდებლობის არაღიარებას. როგორც მარგველაშვილმა აღნიშნა, დაუშვებელია ქვეყნების ისეთი მიზეზებით დაპყრობა, რომლის ახსნაც თუნდაც პოლიტიკითაა შესაძლებელი და ის, რომ ერთ რესპუბლიკაში სამი დამოუკიდებელი სახელმწიფო იქმნება, ანომალიაა და ამას არც საერთაშორისო თანამეგობრობა აღიარებს.
"ჩვენ შევქმნით ისეთ საქართველოს, რომელიც საინტერესო იქნება როგორც აფხაზებისთვის, ისე ოსებისთვის. ჩვენ შევქმნით საქართველოს, სადაც თავშესაფარსა და თავისუფლებას ნებისმიერი ეთნიკური, რელგიური და სხვა უმცირესობების წარმომადგენლები იპოვნიან", - აღნიშნა გიორგი მარგველაშვილმა.
რაც შეეხება რუსეთის საბაჟო კავშირში საქართველოს შესაძლო გაწევრიანების საკითხს, გიორგი მარგველაშვილის განცხადებით, საბაჟო კავშირი არც პოლიტიკური და არც ეკონომიკური კუთხით არ იქნება მომგებიანი.
"საბაჟო კავშირის პოლიტიკური და ეკონომიკური პერსპექტივების ევროპულ გაერთიანებასთან შედარებისას, ნათელია, რომ საბაჟო კავშირი არც პოლიტიკურ და არც ეკონომიკურ ჭრილში არ არის მომგებიანი. საქართველოსთვის ევროკავშირში ახალი ბაზრები და ახალი ეკონომიკური პერსპექტივები იშლება. გარდა ამისა, ევროპა ჩვენი პოლიტიკური სახლია", - განაცხადა გიორგი მარგველაშვილმა.
მისივე თქმით, სამწუხაროდ, დსთ-მ საქართველოს არც ეკონომიკური და არც პოლიტიკური თვალსაზრისით კარგი არაფერი მოუტანა და დსთ-სკენ იმედის თვალით ყურება არარეალისტურია.
გიორგი მარგველაშვილმა ასევე აღნიშნა, რომ ევროპასთან მჭიდრო ურთიერთობების შედეგად, საქართველოს ტრანზიტული ფუნქციები გაიზრდება.
"როდესაც ევროპასთან უფრო მჭიდრო ურთიერთობებს დავამყარებთ, საქართველოს ტრანზიტული ფუნქციები გაიზრდება. ჩვენ მნიშვნელოვანი გეგმები გვაქვს – შევქმნათ თანამედროვე ევროპული სახელმწიფო, თანამედროვე დემოკრატია, რომელიც უცხო არ არის ჩვენი ქრისტიანული და ტოლერანტული კულტურის მქონე ერისთვის. და ამასთან ერთად გავხდეთ დიდი ბაზრის წევრები. ეს ჩვენთვის ძალიან საინტერესოა", - განაცხადა "ქართული ოცნების" საპრეზიდენტო კანდიდატმა.
გიორგი მარგველაშვილმა ასევე აღნიშნა, რომ საქართველოსთვის ჩრდილო-ატლანტიკური ალიანსი ამ ეტაპზე ქართული სახელმწიფოს შენარჩუნების შესაძლებლობაა.
"ჩვენ უნდა შევინარჩუნოთ ქვეყნის ტერიტორიული მთლიანობა. დამოუკიდებლობის შენარჩუნებისთვის ნატო ძალიან საინტერესო ალიანსია", - დასძინა გიორგი მარგველაშვილმა.
ტელეკომპანია МИР-სთვის მიცემულ ინტერვიუში "ქართული ოცნების" საპრეზიდენტო კანდიდატმა ასევე აღნიშნა, რომ პოლიტიკაში მოსვლამდე ფილოსოფიის შესახებ რუსულ ენაზე წიგნიც აქვს დაწერილი.
"პროფესიით ფილოსოფოსი ვარ. პოლიტიკაში მოსვლამდე რექტორი ვიყავი. ფილოსოფიის შესახებ წიგნი რუსულ ენაზეც მაქვს დაწერილი. თითოეული ქართველის მსგავსად, ძალიან მიყვარს მიწაზე მუშაობა. ამჟამად ქალაქგარეთ ვცხოვრობ და სოფლის მეურნეობით ვარ დაკავებული, მომყავს პომიდორი, ვარდები და ლობიო. მიწის დამუშავება მისტიკური პროცესია თითოეული ქართველისთვის, რომელთათვისაც ეს ენერგიისა და სწორად აზროვნების რესურსია", - განაცხადა გიორგი მარგველაშვილმა.
მომზადებულია МИР-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
