3
მაისიდღის ზოგადი ასტროლოგიური პროგნოზი
საქართველოში მომდევნო ერთი კვირის განმავლობაში ტემპერატურის კლება მოსალოდნელი არაა. როგორც "ინტერპრესნიუსს" გარემოს ეროვნული სააგენტოს ჰიდრომეტეოროლოგიურ სამსახურში განუცხადეს, 8 ოქტომბრამდე, როგორც დასავლეთ, ისე აღმოსავლეთ საქართველოში მცირე ნალექი შენარჩუნდება, თუმცა 9 ოქტომბრიდან ისევ გამოიდარებს და ტემპერატურაც მოიმატებს.
"8 ოქტომბრამდე როგორც დასავლეთ, ისე აღმოსავლეთ საქართველოს ზოგიერთ რაიონში შენარჩუნდება წვიმები. ტემპერატურა იქნება 11-16 გრადუსის ფარგლებში, 9 ოქტომბრიდან 12 ოქტომბრამდე კი უნალექო ამინდებია მოსალოდნელი. შესაბამისად, მოიმატებს ტემპერატურაც", - აცხადებენ ჰიდრომეტეოროლოგიურ სამსახურში.
მათივე ინფორმაციით, აღნიშნული პერიოდიდან დასავლეთ საქართველოში ტემპერატურა შესაძლოა 27-29 გრადუსამდე ავიდეს, აღმოსავლეთში კი დაახლოებით 20-25 გრადუსის ფარგლებში იქნება.
