დავით ბაქრაძე: "ჩვენ ვისწავლეთ წარსულის შეცდომებზე"

მინდა გულწრფელად გითხრათ, ჩვენ ვისწავლეთ წარსულის შეცდომებზე, - ამის შესახებ "ნაციონალური მოძრაობის" პრეზიდენტობის კანდიდატმა დავით ბაქრაძემ გუშინ სპორტის სასახლეში პარტიის ყრილობაზე განაცხადა.

მან მადლობა გადაუხადა მოსახლეობის იმ ნაწილს, რომელმაც მას პრეზიდენტობის კანდიდატის შესარჩევ პრაიმერში მხარი დაუჭირა და ნდობა გამოუცხადა.

"ჩვენ ვაგრძელებთ პოლიტიკურ ბრძოლას, ამის მიზანი უკეთესი საქართველოა, პარტია იცვლება და ვითარდება, ითვისებს ყველა გაკვეთილს, დღეს ჩვენ ვახორციელებთ ცვლილებებს, რომელთა შედეგად ჩვენი პოლიტიკური ძალა უფრო ძლიერი ხდება. ფართოვდება ადამიანების რიცხვი, მკვიდრდება კოლექტიური მართვის პრინციპი, რამდენიმე თვის წინ წარმატებულად დავასრულეთ ახალი ეტაპი ჩვენი პარტიული დემოკრატიის განვითარებაში, როდესაც საპრეზიდენტო კანდიდატი არჩეული იქნა არა ერთი ადამიანის გადაწყვეტილებით, არამედ თითოეული თქვენგანის მხარდაჭერით ღიად და გამჭვირვალედ, ამით ჩვენ დავადასტურეთ, რომ "ნაციონალური მოძრაობა" სწავლობს, ვითარდება და თითოეული თქვენგანის აზრს პატივს ვცემთ," – განაცხადა ბაქრაძემ.

მისივე თქმით, "ნაციონალური მოძრაობის" ძალა ეფუძნება პრინციპებსა და ღირებულებს, რომელიც ყოველი ჩვენგანის შეხედულებასა და მიზნებს უნდა გამოხატავდეს.

"ჩვენი პარტია განახლებას განიცდის და ამავდროულად, ახალი პოლიტიკური ბრძოლისთვის ემზადება. რაც უფრო გუნდურები ვიქნებით ამ პროცესში, მით უფრო მეტ წარმატებას მივაღწევთ ჩვენი ქვეყნის საკეთილდღეოდ. ჩვენი წარმატება ამ ქვეყნის წარმატებაა. ჩვენ დამაჯერებლად და მყარად უნდა ვიმოძრაოთ ახალი გამარჯვებისკენ, იმიტომ რომ ჩვენი გამარჯვება ქვეყნის წინსვლის და ევროპული გზის გამარჯვებაა. ამის ალტერნატივა არის გაჩერებული ეკონომიკა, გაზრდილი კრიმინალი და დაკარგული სამუშაო ადგილები. დღეს ხალხს აღარაფერს პირდებიან გარდა ერთისა, რომ არჩევნების შემდეგ კოჰაბიტაცია დასრულდება, ანუ იქნება არა ურთიერთკონტროლი, არა საზოგადოების კონსოლიდაცია, არამედ ის, რითაც მთავრობა ერთი წელია დაკავებულია, დაპირსპირება და კიდევ უფრო მეტი დაპირისპირება," – აღნიშნა "ნაციონალური მოძრაობის" პრეზიდენტობის კანდიდატმა.

დავით ბაქრაძის თქმით, პოლიტიკური დაპირისპირება უნდა დასრულდეს, "ნაციონალური მოძრაობა" კი არასდროს დაადგება რევანშიზმისა და სამაგიეროს გადახდის გზას.

"ხალხი დაიღალა მუდმივი დაპირისპირებით, შუღლისა და დაძაბულობისგან შევწყვიტოთ ეს დაპირისპირება და ენერგია მოვახმაროთ ქვეყნის განვითარებასა და ხალხის უკეთ ცხოვრებას, მაშინ როდესაც ჩვენ პოლიტიკოსები დაკავებულები ვართ ერთმანეთთან ჩხუბით, გვავიწყდება, რომ ხალხს სჭირდება დახმარება. გთავაზობთ, რომ ვიმუშაოთ ერთად ქვეყნის განვითარებისთვის და თუ დღევანდელ მთავრობას არ ყოფნის გამოცდილება და კომპეტენცია, რომ თავიდან აიცილოს ეკონომიკური კრიზისი, ჩვენ მზად ვართ ვიმუშაოთ მასთან ერთად და ვაკონტროლოთ მთავრობა ხალხის ინტერესებიდან გამომდინარე. სწორედ ეს უნდა იყოს ქვეყნის მომავალი პრეზიდენტის ძირითადი ამოცანა, რომ აკონტროლოს მთავრობა ხალხთან ერთად, რომ საკუთარი ენერგია და რესურსი მთავრობამ დაპირებების შესასრულებლად, ხალხის დასასაქმებლად დახარჯოს. რატომ უნდა ვაკონტროლოთ მთავრობა? იმიტომ რომ ერთი წლი წინ, ეს მთავრობა მოვიდა დაპირებით, რომ გააუმჯობესებს ხალხის ცხოვრებას, ააშენებს ახალ ქარხნებს, ღირსეული დასაქმების საშუალებას მისცემს მოქალაქეებს, გაანახევრებს ტარიფებს და 250 ლარამდე გაზრდის პენსიას, ერთი წელია მოთმინებით ვუყურებთ და ვხედავთ, რომ არსებული საწარმოები იხურება, ბიზნესი გაჩერებულია, ბოლო 3 თვეში 42 ათასი სამუშაო ადგილი დაიკარგა, 84 საჯაროდ გაცემული დაპირებიდან 76 დღემდე შეუსრულებელია, "ოცნება" არ მუშაობს, დაპირებები არ სრულდება და დღეს ამას ყველა ხედავს," – განაცხადა ბაქრაძემ.

მისივე თქმით, მომავალმა პრეზიდენტმა არ უნდა დაუშვას, რომ მთავრობამ დაივიწყოს ის, რისთვისაც ხალხმა ხმა მისცა.

"პრეზიდენტმა ხალხთან ერთად უნდა აიძულოს მთავრობა, რომ ამოცანად გაიხადოს არა პოლიტიკური დაპირპისრება, არამედ ხალხზე ზრუნვა და ხალხის მდგომარეობის გაუმჯობესება და თვითონაც უნდა შეძლოს მთავრობასთან მუშაობა და მისი დახმარება ამ მიზნების მისაღწევად. ჩვენი ფუნქცია მხოლოდ კრიტიკა არ არის, ჩვენ უნდა გვქონდეს რეალური გეგმა ჩვენი ხალხის დასახმარებლად. ჩვენი მოქალაქეების ცხოვრების დონის გაუმჯობესებისთვის, სამუშაო ადგილების შექმნისთვის, ბიზნესის წინსვლისთვის და ეკონომიკისთვის, ამით განვსხვავდებით ჩვენ ყველა სხვა ოპოზიციური ძალისგან, ჩვენ საქმეს ვაკეთებთ და კონკრეტულ საქმეს ვთავაზობთ ჩვენს ხალხსა და ჩვენს ქვეყანას," – განაცხადა პრეზიენტობის კანდიდატმა.

დავით ბაქრაძემ მთავრობას სამი ნაბიჯის ერთობლივად გადადგმა შესთავაზა.

"მე, როგორც პრეზიდენტობის კანდიდატი, მთავრობას ვთავაზობ სამი ნაბიჯი ერთად გადავგდათ ეკონომიკის გაჯანსაღებისთვის, პირველი- გავაგრძელოთ გადასახდების შემცირება, მეორე - უარი ვთქვათ ახალი რეგულაციების შემოღებაზე, მესამე- მოვახდინოთ ეკონომიკური ამნისტრება და შევქნათ ახალი სამუშაო ადგილები. ალტეტნატიული გეგმა მთავრობას არ გააჩნია, ჩვენი გეგმაა ურთიერთთანამშრომლობა ხალხის საკეთილდღეოდ. მზად ვარ ვიმუშაო მთავრობასთან ერთად," – აცხადებს ბაქრაძე.

მისივე თქმით, აუცილებელია მთავრობის კონტროლი და ქვეყნის დასავლური და ევროპული კურსის შენარჩუნება.

"დღეს რუსეთთან ურთიერთობის დალაგებაზე ბევრს საუბრობენ. მინდა ურთიერთობის გაუმჯობესება, მაგრამ არა საქართველოს ეროვნული ინტერესების ხარჯზე. რუსეთთან ურთიერთობის გაუმჯობესება კარგია, მაგრამ რუსეთი უნდა მივხდეს, რომ საქართველოს დამორჩილება შეუძლებელია. ვიცი როგორი უნდა იყოს შედეგზე ორიენტირებული დიალოგი. რაც მეტს დაუთმობ, მეტად დაგახრჩობს, სწორედ ამის დასტურია ახალი მავთულხლართები. დათმობების გზა ჩიხია, რუსეთთან ურთიერთბის ისეთი მოდელი უნდა შევქნათ, რომელიც არ გვქონია," – აღნიშნა ბაქრაძემ.

მისივე თქმით, "ნაციონალური მოძრაობის" ხელისუფლებაში ყოფნის დროს უამრავი რამ გაკეთდა.

"ჩვენ უნდა ვიამაყოთ ჩვენი წარსულით, თვალი უნდა გავუსწოროთ წარსულის შეცდომებს. უცვლელად და ობიექტურად უნდა შევაფასოთ ყველაფერი. დღეს ბევრი მეკითხება, რომ მოგცეთ ხმა დაბრუნდება ძველი "ნაციონალური მოძრაობა"? "ნაციონალური მოძრაობის" ძალა განახლების სურვილსა და პოლიტიკურ ნებაშია. ჩვენ მოგვაქვს წარსულიდან გამოცდილება, ენერგია, პატრიოტიზმი. ამასთან ერთად წარსულში ვტოვებთ ყველაფერს, რაც საზოგადოებას შეცდომად მიაჩნია. ერთად დავაბრუნოთ ეკონომიკური განვითარება ჩვენს ქვეყანაში. სამართალდამცავების ჩარევა და უსამართლო ჯარიმები წარსულში დავტოვოთ. მაგრამ წარსულს უნდა ჩავაბაროთ მკაცრი სისხლის სამართლის პოლიტიკა. მინდა დღეს გულწრფელად გითხრათ ჩვენ ვისწვალეთ წარსულის შეცდომებზე. ჩვენ ყველამ უამრავი კარგი გავაკეთეთ ამ ქვეყანაში, შევქმენით ჯარი და პოლიცია, აშენდა და განვითარდა ქალაქები, გაკეთდა გზები. მოქალაქეებს აღარ ძალავდნენ ქრთამს. გაჩნდა განცდა, რომ ვცხოვრობთ სახელმწიფოში. ჩვენ ვერ შევძელით ეკონომიკური განვითარების მიტანა ყველა ოჯახში, ადამიანთა უფლებების დარღვევების ბოლომდე აღკვეთა. ჩვენ ვისწავლეთ წარსულზე, განახლებული, გაძლიერებული პოლიტიკური ძალა ვართ. დღეს, საქართველოს სჭირდება ლიდერები, რომლებიც ორიენტირებულია გაერთიანებაზე, შენებაზე და არა ნგრვეაზე, ხალხის კეთილდღეობაზე. საქართველოს ვერ გამთლიანდება მანამ, სანამ არ გამთლიანდება ერი", – აღნიშნა ბაქრაძემ.

"ინტერპრესნიუსი"