მნიშვნელოვანი ინფორმაცია
22
ივლისიდღის ზოგადი ასტროლოგიური პროგნოზი
სამშაბათი, მთვარის ოცდამეშვიდე დღე დაიწყება 01:23-ზე, მთვარე კირჩხიბში გადავა 16:28-ზე –
რეკომენდებულია მედიტაცია, საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. გაზრდილია ემოციურობა, კარგია დიპლომატიის დემონსტრირება. გამოიძინეთ. აქტიური ორგანოებია გულმკერდი, ფილტვები, კუჭი, ღვიძლი, ნაღვლის ბუშტი, ნერვული სისტემა. დალიეთ სითხეები მცირე რაოდენობით. არ დალიოთ ალკოჰოლი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ლუკა მეტრეველის უცნაური ტატუ - რატომ დაამახინჯა მომღერალმა მერილინ მონრო
23:03 / 05-10-2013
უკვე ცნობილი მომღერალი - ლუკა მეტრეველი "ფეისბუკის" საკუთარ გვერდზე დებს ისეთ ფოტოებს, სადაც მისი ტატუები კარგად ჩანს. ლუკასთან ინტერვიუს ჩაწერა ქუჩაში მომიხდა და სიმართლე გითხრათ, გამიკვირდა, გამვლელების უმეტესობა მის სვირინგს - მერილინ მონროს დამახინჯებულ სახეს, რომელიც კისერზე აქვს დახატული, დიდი ინტერესით რომ აკვირდებოდა.
- ლუკა, რას ნიშნავს შენთვის ტატუ?
- ეს ძალიან მაგარი ხელოვნებაა, ამავდროულად - ძნელი და სარისკო არა მარტო იმისთვის, ვინც აკეთებს, არამედ იმისთვისაც, ვინც სხეულზე რაღაცის დახატვას გადაწყვეტს. სვირინგი, რომელსაც გაიკეთებ, მთელი ცხოვრება უნდა ატარო. სხვათა შორის, მისი მოშორება ბევრად უფრო მტკივნეული ყოფილა, ვიდრე - გაკეთება.
- და თან, როგორც ვიცი, ამ პროცესს სირთულეებიც ახლავს...
- ასეა! მაგრამ გარისკვა ღირს...
- ტატუს, რომელიც კისერზე გაქვს, "ფეისბუკელების" არაერთგვაროვანი შეფასება მოჰყვა; ზოგი იმასაც ვერ მიხვდა, რა გაქვს ამოსვირინგებული...
- მახატია მერილინ მონრო, უფრო სწორად - მისი ნახევარი სახე მაქვს ამოსვირინგებული.
- მეორე ნახევარი კი ცოტა არ იყოს, უცნაურად გამოიყურება...
- ჰო, მეორე მხარეს დახატულია ხორცგამოცლილი სახე ანუ ფაქტობრივად, ჩონჩხი.
- მერილინ მონრო შენთვის ქალის ეტალონია? თუ ასეა, რატომ დაამახინჯე?
- მერილინ მონრო აღიარებულია ქალის სილამაზის ეტალონად და ალბათ, სამყაროს დასასრულამდე დაუვიწყარ, ყველა მამაკაცისთვის სასურველ ქალბატონად დარჩება. ჩემს მონროს სახის ერთი მხარე ლამაზი აქვს, მეორე მხრიდან - ტერმინატორს ჰგავს და სხვათა შორის, ცალი თვალიც წითელი აქვს. ასე რატომ დავამახინჯე? ამით მინდოდა მეთქვა, რომ ყველაზე ლამაზ ადამიანშიც შეიძლება იმალებოდეს ცუდი პიროვნება, დემონი. ხშირად სწორედ გარეგნულად ლამაზი ადამიანები გვიცრუებენ იმედს თავიანთი სიმახინჯით. ასე მაშინ ხდება, როდესაც საკუთარ შინაგან სამყაროს გვიჩვენებენ, რომელიც ხშირად, იმდენად ცუდია, რომ ყველანაირ სილამაზეს აქრობს, აუფასურებს. მოკლედ, ჩემთვის ადამიანის ხასიათი, მისი შინაგანი სამყარო ბევრად მნიშვნელოვანია, ვიდრე გარეგნული მომხიბვლელობა.
- გაცნობიერებული გაქვს, რა ამოისვირინგე? ხომ შეიძლება, ოდესმე მისი მოშორების სურვილი გაგიჩნდეს?
- მოგატყუებ, რომ გითხრა, ბოლომდე გაცნობიერებული მაქვს-მეთქი. უბრალოდ მომინდა, "ავტყდი" და ღამის 12 საათზე დავადექი მეგობარს, ვუჩვენე ნახატი და ვუთხარი: - ასეთი ტატუ გამიკეთე-მეთქი... აი, პირველი ტატუ რომ გავიკეთე, გაცნობიერებული მქონდა, რა მინდოდა და მზად ვარ, ის ცხოვრების ბოლომდე ვატარო.
- რომელ ტატუს გულისხმობ?
- უკან, კისერზე კელტური სამკუთხედი მახატია.
- და რას ნიშნავს შენთვის კელტური სამკუთხედი?
- ეს ნიშანი ძალიან დიდი დატვირთვის მატარებელია როგორც რელიგიაში, ისე მაგიაში, ფიზიკაში, ოკულტიზმში. ეს არის ბევრი რამის ერთიანობა. სულ რაღაც, სამი განშტოებაა, რომელიც ქრისტიანობაში აღნიშნავს: მამა ღმერთს, ძე ღმერთსა და სულიწმიდას, მათ ერთიანობას. კელტებისთვის ის არის სიმბოლო, რომელიც აერთიანებს სიყვარულს, ერთგულებასა და ღირსებას. ჩემთვის მას მარადიულობის დატვირთვა აქვს; ყველაფერი ერთი წრის გარშემო ტრიალებს, გარდაიქმნება, მაგრამ ბოლოს, ერთ სივრცეში კონცენტრირდება. კელტური სამკუთხედი ჩემთვის არის სულის, სხეულისა და გონების ერთიანობა.
ლიკა ქაჯაია
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
თბილისის საკრებულოსთან ავტომობიკებისა და ბაიკების მძღოლებმა საპროტესტო აქცია გამართეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
