მნიშვნელოვანი ინფორმაცია
5
ივნისიდღის ზოგადი ასტროლოგიური პროგნოზი
პარასკევი, მთვარის მეთერთმეტე დღე დაიწყება 17:02-ზე, მთვარე სასწორშია – ერთ-ერთი ყველაზე ენერგიული, წარმატებული და ძლიერი დღეა. ნებისმიერი დავალების შესრულებისას საჭიროა სიფრთხილე და ყურადღება. იმოქმედეთ გადამწყვეტად, ბიზნესში თუ სამსახურში. განხორციელდეთ ის, რაც ჩაფიქრებული გქონდათ. გააფორმეთ კონტრაქტები, დაიკავეთ ახალი პოზიცია. დაასრულეთ რაც დაიწყეთ. დღის საუკეთესო საკვებად ითვლება წვენები და ხილი. გამოიჩინეთ მზრუნველობა და სიყვარული საყვარელი ადამიანის მიმართ, მიართვათ საჩუქარი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ირაკლი ღარიბაშვილი - ე.წ. ჯიჰადის ვიდეოს საქმის გახსნაში ქართველ სამართალდამცავებს აშშ დაეხმარა
12:50 / 03-10-2013
ე.წ. ჯიჰადის ვიდეოს საქმის გახსნაში ქართველ სამართალდამცავებს ამერიკის შეერთებული შტატები დაეხმარა, - ამის შესახებ შინაგან საქმეთა მინისტრმა ირაკლი ღარიბაშვილმა "TV 3"-ის ეთერში, გადაცემაში "დიდი პოლიტიკა" განაცხადა.
მინისტრის თქმით, ეს იყო ძალიან მძიმე საქმე, რადგან კიბერდანაშაული 21-ე საუკუნის გამოწვევაა და ისეთი დანაშაულია, რომელიც შეიძლება ვერც გაიხსნას და ასეთი მაგალითებიც ყოფილა.
"მაგრამ, მე მინდა სიამაყით განვაცხადო, რომ ჩვენი სამინისტროს თანამშრომლებმა ძალიან მაღალი პროფესიონალიზმი გამოავლინეს და ეს ურთულესი საქმე გახსნეს. ამერიკული მხარე გვეხმარებოდა აქტიურად აღნიშნული დანაშაულის გამოძიების საქმეში. დანარჩენი დეტალებისგან თავს შევიკავებ, რადგან გამოძიება გრძელდება, სანამ არ გავარკვევთ რეალურ მიზეზებს, თუ რატომ იქნა ეს ვიდეო დამზადებული, რატომ იქნა ატვირთული, რას ემსახურებოდა, რა მოტივაცია ჰქონდა ამ ადამიანს და ვინ იყო მისი მხარდამჭერი. ამ ეტაპისთვის მე ვფიქრობ, რომ საკმარისი ინფორმაცია მივაწოდეთ საზოგადოებას", - აღნიშნა ირაკლი ღარიბაშვილმა.
კითხვაზე, სამარ ჩოკუტაევმა დაშიფრული ხაზით თბილისში მდებარე რომელ ორ კერძო სტრუქტურათა ოფისების ინტერნეტ-ქსელში შეძლო შეღწევა, ღარიბაშვილმა განაცხადა, რომ ეს იყო ორი უცხოური კომპანიის მისამართი, რომელიც საქართველოში საქმიანობს. დეტალები კი მინისტრმა არ დააკონკრეტა.
ირაკლი ღარიბაშვილი ასევე გამოეხმაურა "ნაციონალური მოძრაობის" წევრების განცხადებას, რომ ისინი უნდობლობას უცხადებენ გამოძიებას.
"ნაციონალების განცხადებები ჩემი აზრით არ უნდა იყოს ავტორიტეტული. ყველაზე ჯანსაღი პოზიცია გიგი უგულავამ დააფიქსირა. სამწუხაროდ, "ნაციონალები" კიდევ ცდილობენ საზოგადოებსი ნაწილი შეიყვანონ შეცდომაში, მაგრამ ეს მათი მცდელობა უშედეგოდ დასრულდება. მინდა დავამშვიდო "ნაციონალური მოძრაობა", რომ არც ისინი იკვეთებიან ამ დანაშაულში",- განაცხადა შს მინისტრმა.
ირაკლი ღარიბაშვილი არ გამორიცხავს, რომ სამარ ჩოკუტაევს შეეძლო მარტოც ემოქმედა.
"ვინც ერკვევეა კლიპის დამზადების ტექნოლოგიებში, ეს მარტივი დასამზადებელი იყო. ჩვენ ვთქვით, რომ კლიპში ღია წყაროებიდან მოპოვებული მასალაა. შესაბამისად, შეიძლება ვივარაუდოთ რომ მხოლოდ მის მიერ იყო გაკეთებული",-განაცხადა ღარიბაშვილმა. მისივე თქმით, ჯერჯერობით გამოძიებას სხვა ეჭვმიტანილი არ ჰყავს, თუმცა რამდენიმე ვერსია მუშავდება.
კითხავზე, ხომ არ ხედავს რუსეთსი სპეცსამასახურების კვალს, მინისტრმა განაცხადა, რომ ის ფაქტი, რომ ჩოკუტაევი ორჯერ იყო მოსკოვში, არ აძლევს იმის თქმის საშუალებას, რომ ამის უკან ამა თუ იმ ქვეყნის სპეცსამსახური დგას.
მინისტრმა განმარტება გააკეთა იმაზეც, რატომ არ გახმაურდა ამდენი ხანი ეს ინფორმაცია, როდესაც საქმე ერთი თვის წინ იყო გახნილი.
"ეს ძალიან მარტივია, იმიტომ, რომ ეს საქმე იყო ოპერატიულ დონეზე გახსნილი, მაგრამ არ ეს ნიშნავდა, რომ ჩვენ გვქონდა სათანადო მტკიცებულებები მოპოვებული და მზად ვიყავით, რომ ამ პიროვნებისთვის ბრალი წარგვედგინა. ზოგჯერ საქმე არსი 2-3 თვის გახსნილი და გამოძიება აგრძელებს მტკციებულებების მოგროვებას",-განაცხადა ღარიბაშვილმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქართულ კომერციულ ბანკებში დაახლოებით 2 მილიარდი რუსული რუბლი ინახება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
