მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
აჩრდილი აბაშიძის ქუჩაზე - "ამ სახლში ახალგაზრდა კაცმა მოიკლა თავი"
23:13 / 03-10-2013
ჩვენი ყურადღების ცენტრში ამჯერად აბაშიძის ქუჩაზე მდებარე ერთ-ერთი არასამთავრობო ორგანიზაციის ყოფილი ოფისი მოექცა, რომლის სახელწოდებასაც მისი თანამშრომლების თხოვნიდან გამომდინარე არ დავასახელებთ. ამ ოფისში ადამიანის უფლებების დამცველი არასამთავრობო ორგანიზაცია, დაახლოებით, ერთი წელი მუშაობდა, მაგრამ უცნაური მოვლენების გამო იძულებული შეიქნენ, იქაურობა დაეტოვებინათ.
ლევან კობაიძე: - ჩვენს ყოფილ ოფისში მოჩვენება პირველად გოგონებმა შეამჩნიეს. ის-ის იყო ვიქირავეთ და ვარემონტებდით, როცა გოგონებმა შენიშნეს, როგორ დადიოდა ოთახში მამაკაცის ლანდი. მეორე დღეს რომ გვითხრეს ეს ამბავი, არ დავუჯერეთ, როგორი დასაჯერებელია? მაგრამ მერე საკუთარი თვალით ვნახე ყველაფერი და დავიჯერე. თავისით იღებოდა ოთახის კარი და მესმოდა მამაკაცის მძიმე ნაბიჯების ხმა. იმ დროს, როცა არავინ ეწეოდა, მთელ ოთახში სიგარეტის კვამლი დგებოდა, ვინც იმ ხანად ნამყოფია იმ ოფისში, ყველას საკუთარი თვალით აქვს ნანახი ეს ყველაფერი და მიხვდებიან, რომელ არასამთავრობო ორგანიზაციაზეა ლაპარაკი, თუმცა მე მაინც თავს შევიკავებ მისი დასახელებისგან, რადგან იქ აღარ ვმუშაობ.
თეონა კალმახელიძე: - ჩვენს ოფისში მუდმივად უამრავი ხალხი დადიოდა, ამიტომ დღისით ძნელი იყო იმ ყველაფრის შემჩნევა რაც იქ ხდებოდა. საღამოობით, როცა ოფისში სიწყნარე ისადგურებდა, ვგრძნობდით, როგორ დადიოდა ცარიელ ოთახებში მამაკაცის აჩრდილი. აღებდა და კეტავდა კარებს, ეწეოდა სიგარეტს, ერთხელ აჩრდილს ხველა აუვარდა და მაშინ შეგვეშინდა ყველაზე მეტად. ზოგჯერ პატარა ბავშვის ტირილის ხმაც ისმოდა.
- თქვენც გინახავთ ოფისში მამაკაცის აჩრდილი?
- პირადად არ მინახავს, მხოლოდ ხმები მესმოდა. ბევრჯერ სტუმრებთან ამის გამო უხერხულად ვგრძნობდით თავს. ბიჭები ამბობდნენ, რომ ხედავდნენ მამაკაცის შავ აჩრდილს, რომელიც ოთახებში დადიოდა. ერთ საღამოს ერთ-ერთი თანამშრომელი სავარძელში იჯდა და ტელევიზორს უყურებდა, ამ დროს ოთახში იატაკი აჭრაჭუნდა, უცებ ეს ჩვენი თანამშრომელი ბიჭი აყვირდა, წამოხტა და ოფისიდან გავარდა. დიდი ხანი აღარ მოდიოდა, რამდენიმე დღის შემდეგ დავუკავშირდით და გვითხრა, რომ დაინახა, როგორ მიდიოდა მისკენ კაცის შავი აჩრდილი.
- ადრეც უნახავთ აქ მოჩვენება?
- როგორც გავიგეთ, ამ სახლში ახალგაზრდა კაცმა მოიკლა თავი. ამბობენ, რომ რაღაც პრობლემები ჰქონდა და იძულებული გახდა, სიცოცხლე თვითმკვლელობით დაესრულებინა. როცა ამ სახლის მეპატრონეს დავუკავშირდით და ვუამბეთ მოჩვენების შესახებ, არც გაჰკვირვებია, გვითხრა, როცა გარდაცვლილი ახალგაზრდის წლისთავი ახლოვდება, მისი აჩრდილი დადის სახლში და ბავშვის ტირილის ხმა ისმისო. ნამდვილად ვერ დავრჩებოდით იქ და ყოველ წლისთავზე ვერ ვუყურებდით ამ ყველაფერს. ოფისი ვაკურთხებინეთ. მერე ხატები მოვაბრძანეთ ოფისში. ყოველ დილით, სამსახურში მისვლისთანავე საკმეველს ვაკმევდით. რამდენიმე ხნის შემდეგ იქ მოჩვენება აღარ გვინახავს.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
