სერგო ჯავახიძე დვანში საქართველოს რუკას ჩაიტანს

პრეზიდენტობის კანდიდატი სერგო ჯავახიძე დღეს სოფელ დვანში, ოკუპაციის ხაზთან ჩავა და საქართველოს რუკას ჩაიტანს.

როგორც "ინტერპრესნიუსს" ჯავახიძის პრესსამსახურიდან აცნობეს, მოძრაობა "სამართლიანი საქართველოსთვის" ლიდერი რუკას მავთულხლართებთან დაამაგრებს.

სერგო ჯავახიძე სოფელ დვანში, ოკუპირებულ ტერიტორიებთან ახლოს მდებარე სოფლებსაც დაათვალიერებს და იქ არსებულ ვითარებას გაეცნობა.

პრეზიდენტობის კანდიდატი ადგილობრივ მოსახლეობასთან შეხვედრასაც გეგმავს.

"ინტერპრესნიუსი"