ლონდონში ქეთი მელუა და "შვიდკაცა" კონცერტს გამართავენ
დღეს, საღამოს ლონდონის ისტორიულ დარბაზ Roundhouse-ში ქეთი მელუა და "შვიდკაცა" საქველმოქმედო კონცერტს გამართავენ.
როგორც "ამბები.გე"-ს ლონდონიდან ანსამბლ "შვიდკაცას" წევრებმა აცნობეს, კონცერტზე ასევე გაიმართება ქეთის ახალი ალბომის პრეზენტაცია.
"შვიდკაცა" და ქეთი მელუა ერთად შეასრულებენ ორ ინგლისურენოვან სიმღერას the flood და I cryed for you.
კონცერტზე მისულ მაყურებელს ქართველი მომღერლები სვანურ ფერხულსაც და სულიკოსაც გააცნობენ.
როგორც ქეთი ამბობს, ქართული მრავალხმიანობის აჟღერება მის კონცერტში ოცნებად ჰქონდა ქცეული.
"ამბები.გე"-ს ინფორმაციით, გუშინდელ რეპეტიციას ქეთის პროდუსერი ესწრებოდა და "შვიდკაცას" ვოკალური შესაძლებლობებით მოხიბლული დარჩა.
დღევანდელ კონცერტზე დასასწრები ყველა ბილეთი გაყიდულია. ამ წუთებში კი გენერალური რეპეტიცია მიმდინარეობს.
გიორგი ბერიძე
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
