მუსულმანი მამაკაცი კომიდან გამოსვლის შემდეგ გაქრისტიანდა

მუსულმანი მამაკაცი კომიდან გამოსვლის შემდეგ გაქრისტიანდა. ქერიმ შამსი-ბაშა კომაში 1992 წელს ჩავარდა, მას თავის ტვინის სისხლძარღვთა ანევრიზმა ჰქონდა. კომიდან გამოსვლის შემდეგ კი 20 წელი მოგზაურობაში გაატარა და ბოლოს გაქრისტიანდა. ახლახან ქერიმმა წიგნი გამოსცა, სადაც 20 წლიანი მოგზაურობის შესახებ არის მოთხრობილი.

მისი თქმით, როდესაც რეანიმაციაში კომიდან გამოვიდა, გონზე მოსვლის შემდეგ ნეიროქირურგმა უთხრა, - შენს მდგომარეობაში მყოფი პაციენტებიდან მხოლოდ რამდენიმე მახსოვს, ვინც სიკვდილთან ბრძოლა შეძლო და გამოკეთდა. გაარკვიე, რატომ ხარ ასეთი იღბლიანი და რატომ გადაურჩი სიკვდილსო.

ქერიმი სირიაში დაიბადა და მისი ოჯახი სხვა რელიგიების მიმართ ყოველთვის ტოლერანტული იყო. ჰყავდათ ქრისტიანი მეგობარი, რომელსაც როგორც ოჯახის წევრს, ისე ეპყრობოდნენ. თუმცა, ქერიმს ავადმყოფობამდე სარწმუნოების შეცვლაზე არასდროს უფიქრია.

"დღეში ხუთჯერ ვლოცულობდი. მზის ჩასვლამდე მეჩეთში დავდიოდი. რამადანის დროს ვმარხულობდი", - ამბობს ის.

მართალია მისი აღმსარებლობა და ცხოვრების წესი რადიკალურად შეიცვალა, მაგრამ ქერიმს ოჯახთან ძველებურად თბილი ურთიერთობა აკავშირებს.

მომზადებულია dailymail.co.uk-ის მიხედვით.