ლეიკემიით დაავადებული გოგონას დედა დახმარებას ითხოვს

ახალციხის მუნიციპალიტეტის სოფელ წყორძაში მცხოვრებ 28 წლის მარინა გიორგაძეს ექიმებმა ლეიკემიის დიაგნოზი ერთი თვის წინ დაუსვეს და მას შემდეგ სამედიცინო ცენტრში მკურნალობს. მიუხედავად იმისა, რომ საყოველთაო დაზღვევა მკურნალობის ხარჯების 80 პროცენტს ანაზღაურებს, უკიდურესად გაჭირვებულ ოჯახს დარჩენილი 20 პროცენტის გადახდის საშუალებაც არ აქვს. ამას ისიც ემატება, რომ მათ გოგონას მისახედად თბილისში ბინის ქირაობაც მოუწიათ.

"ერთი წამალი 1200 ლარი ღირს, ყოველდღიურად კი უამრავი წამლის ყიდვა გვჭირდება. სანამ საყოველთაო დაზღვევის ფურცელი მოგვივიდა, 4 000 ლარი მანამდე დავხარჯეთ. მევალეები ყოველდღიურად გვაკითხავენ. შვიდსულიან ოჯახში მარტო მე ვმუშაობ. ასეთი მძიმე დაავადება აქვს და ავადმყოფს კვება უნდა. ორი ძროხა მყავს, ისიც რომ გავყიდო, რაღა ვაჭამო შვილებს. თბილისში ქირით ცხოვრება და ასეთი ავადმყოფის მკურნალობა ადვილი არ არის", - ამბობს მარინა გიორგაძის დედა, ციალა გიორგაძე.

იხილეთ ვრცლად

”სამხრეთის კარიბჭე”