თე­ატ­რა­ლუ­რი ლე­გენ­დის თა­ნახ­მად, მსა­ხი­ო­ბე­ბის­გან გულ­მოკ­ლულ­მა კოტე მარ­ჯა­ნიშ­ვილ­მა, წას­ვლი­სას, დღეს უკვე მისი სა­ხე­ლო­ბის თე­ატ­რი და­წყევ­ლა. არ ვიცი, ვინ და­წყევ­ლა სა­ზო­გა­დო­ებ­რი­ვი მა­უ­წყე­ბე­ლი, მაგ­რამ რა­ღაც რომ სჭირს, ფაქ­ტია. ეს არხი, ნაც­ვლად იმი­სა, რომ ქვე­ყა­ნა­ში მიმ­დი­ნა­რე მოვ­ლე­ნებს პი­რუთ­ვნე­ლად აშუ­ქებ­დეს, რაც თავი მახ­სოვს, თვი­თო­ნაა გა­სა­შუ­ქე­ბე­ლი. მოვ­ლე­ნე­ბის ეპი­ცენ­ტრში კი არაა, თა­ვა­დაა ეპი­ცენ­ტრი.

ეს ეპო­პეა 90-იანი წლე­ბი­დან და­ი­წყო, ტე­ლე­ვი­ზი­ის კი­ბე­ე­ბი­დან, პრო­ტეს­ტის ად­რე­სა­ტი მა­შინ ზვი­ად გამ­სა­ხურ­დია იყო. მას შემ­დეგ ბევ­რმა წყალ­მა ჩა­ი­ა­რა, ბევ­რი ხე­ლი­სუფ­ლე­ბა ჩა­ბარ­და წარ­სულს, მაგ­რამ ხმა­უ­რი და მძვინ­ვა­რე­ბა არ მოკ­ლე­ბია იქა­უ­რო­ბას. ყვე­ლა ხე­ლი­სუ­ფა­ლი სა­თა­ვი­სოდ ცდი­ლობ­და ამ არ­ხის­თვის აღ­ვი­რის ამო­დე­ბას, ცდი­ლობ­და რა, წარ­მა­ტე­ბით ახერ­ხებ­და კი­დეც, მაგ­რამ მო­ა­ხერ­ხეს რა? თავი მოგ­ვა­ბეზ­რეს თა­ვი­ან­თი ში­დაპ­რობ­ლე­მე­ბით, ში­და­და­პი­რის­პი­რე­ბე­ბით. ჩვე­ნი ჯი­ბე­ე­ბი­დან ფი­ნანსდე­ბა არხი, რო­მე­ლიც ჩვენ არ გვემ­სა­ხუ­რე­ბა, ლა­მის, მნიშ­ვნე­ლო­ბა აღარ აქვს, ვის ემ­სა­ხუ­რე­ბა - ფაქ­ტია, მო­სახ­ლე­ო­ბა არ იყე­ნებს მათ მომ­სა­ხუ­რე­ბას და სხვა არ­ხებს უყუ­რებს - ამას მოწ­მობს რე­ი­ტინ­გე­ბი, მარ­ტო ბო­ლოდ­რო­ინ­დე­ლი კი არა, სა­ერ­თოდ მთე­ლი ამ წლე­ბის. ამ არხზე გა­და­ცე­მე­ბის უმე­ტე­სო­ბა იმ­დე­ნად და­ბალ­რე­ი­ტინ­გუ­ლია, ვგო­ნებ, ზოგ ტე­ლე­წამ­ყვანს სა­კუ­თა­რი ოჯა­ხის წევ­რე­ბიც აღარ უყუ­რე­ბენ.

ამ არ­ხის ბოლო 20 წლის ის­ტო­რი­ას რომ ჩა­უღ­რმავ­დე, ტვი­ნი აგეთ­ქვი­ფე­ბა, ბერ­ძნულ მი­თო­ლო­გი­ა­ში უფრო იო­ლად გა­ერ­კვე­ვი, ვიდ­რე ამ ტე­ლე­ვი­ზი­ის ამ­ბებ­ში. აქ ერ­თმა­ნეთს ენაც­ვლე­ბო­და წმინ­და პო­ლი­ტი­კუ­რი და პო­ლი­ტი­კუ­რად მო­ტი­ვი­რე­ბუ­ლი პრო­ფე­სი­უ­ლი კონ­ფლიქ­ტე­ბი. საბ­ჭო­თა პრო­პა­გან­დის მან­ქა­ნამ და­მო­უ­კი­დებ­ლო­ბის გა­რიჟ­რაჟ­ზე ისე და­ი­წყო ბრძო­ლა დე­მოკ­რა­ტი­ი­სა და სი­ტყვის თა­ვი­სუფ­ლე­ბის ეგი­დით, გე­გო­ნე­ბა, რამ­დე­ნი­მე თვის უკან იგი­ვე ჟურ­ნა­ლის­ტე­ბი, წამ­ყვა­ნე­ბი მუხლჩა­უხ­რე­ლად არ აშუ­ქებ­დნენ ცე­კას სხდო­მებ­სა თუ ჩაის კრე­ფას. ტე­ლე­ვი­ზია ორად გა­იხ­ლი­ჩა - ოპო­ზი­ცია "შუ­შის სა­სახ­ლე­ში" გა­მაგრდა, ზვი­ად გამ­სა­ხურ­დი­ას მხარ­დამ­ჭერ­მა დიქ­ტო­რებ­მა ავ­ტო­ბუ­სი­დან გა­აგ­რძე­ლეს მა­უ­წყებ­ლო­ბა, მაგ­რამ სულ მოკ­ლე ხან­ში, ბურ­თი და მო­ე­და­ნი პუტ­ჩის იდე­ო­ლოგ ჟურ­ნა­ლის­ტებს დარ­ჩათ. ახა­ლი ხე­ლი­სუფ­ლე­ბის დიქ­ტა­ტი უკვე აღარ გა­უპ­რო­ტეს­ტე­ბი­ათ - თა­ვა­დაც ამ ახალ ძა­ლა­ში მო­ი­აზ­რებ­დნენ თავს. პრაქ­ტი­კუ­ლად, წმინ­და სამ­თავ­რო­ბო არ­ხად ჩა­მო­ყა­ლიბ­დნენ და ასეც აგ­რძე­ლებ­დნენ საქ­მი­ა­ნო­ბას წლე­ბის მან­ძილ­ზე. მო­ნას­ტე­რი მოგ­ვი­ა­ნე­ბით აი­რია, რო­დე­საც აუ­ცი­ლე­ბე­ლი გახ­და ევ­რო­საბ­ჭოს წი­ნა­შე ნა­კის­რი ვალ­დე­ბუ­ლე­ბე­ბის შეს­რუ­ლე­ბა - სამ­თავ­რო­ბო ტე­ლე­ვი­ზი­ის სა­ზო­გა­დო­ებ­რივ მა­უ­წყებ­ლო­ბად ქცე­ვა. მო­სამ­ზა­დე­ბე­ლი სა­მუ­შა­ო­ე­ბის შეს­რუ­ლე­ბის პა­ტი­ვი წი­ლად გა­მოც­დილ "ტე­ლე­ვი­ზი­ონ­შიკ" ზაზა შენ­გე­ლი­ას ხვდა, თუმ­ცა რამ­დე­ნად იყო ეს პა­ტი­ვი, ძნე­ლი სათ­ქმე­ლია - ტე­ლე­ვი­ზი­ი­დან კად­რე­ბი უნდა გა­ეშ­ვა, აქე­დან და­ი­წყო აყალ­მა­ყა­ლი, სკან­და­ლე­ბი, მძაფ­რი და­პი­რის­პი­რე­ბე­ბი, წას­ვლა არა­ვის უნ­დო­და, არა­და, ვი­ღაც აუ­ცი­ლებ­ლად უნდა წა­სუ­ლი­ყო. ბევ­რი, მარ­თლაც, ისე­თი წა­ვი­და, ვინც არ უნდა წა­სუ­ლი­ყო - იმი­ტომ, რომ ვინც წას­ვლას იმ­სა­ხუ­რებ­და, პატ­რო­ნე­ბი გა­მო­უჩ­ნდა "ზე­მოთ". ეს პრო­ცე­სი საკ­მა­ოდ მტკივ­ნე­უ­ლად წა­რი­მარ­თა. გარ­კვე­უ­ლი პე­რი­ო­დის შემ­დეგ დღის წეს­რიგ­ში ამორ­ტი­ზი­რე­ბუ­ლი შე­ნო­ბის გა­ყიდ­ვი­სა და ამ ფუ­ლით სხვა ად­გილ­ზე ახა­ლი შე­ნო­ბის აგე­ბის სა­კი­თხი დად­გა, ახლა ამა­ზე ატყდა სკან­და­ლი. ამორ­ტი­ზი­რე­ბუ­ლი შე­ნო­ბა, ლა­მის, კულ­ტუ­რუ­ლი მემ­კვიდ­რე­ო­ბის ძეგ­ლად, სიმ­ბო­ლოდ გა­მო­ა­ცხა­დეს, ალა­პა­რაკ­დნენ მის დიად წარ­სულ­ზე, არა­და, მარ­თლაც გა­უ­გე­ბა­რი იყო, რო­მელ წარ­სულ­ზე ლა­პა­რა­კობ­დნენ - საბ­ჭო­თა პრო­პა­გან­დის წარ­სულ­ზე, რო­მელ­მაც თა­ვი­სი წვლი­ლი შე­ი­ტა­ნა ძმა­თამ­კვლელ ომში და დვ­რი­ტად და­ე­დო სა­მო­ქა­ლა­ქო და­პი­რის­პი­რე­ბას? ან არ­ქი­ტექ­ტუ­რუ­ლად რა ფა­სე­უ­ლო­ბას წარ­მო­ად­გენ­და ეს "აკ­ვა­რი­უ­მი"?

მოკ­ლედ, ეს პრო­ექ­ტი ჩა­ვარ­და და სა­ზო­გა­დო­ებ­რივ­მა მა­უ­წყე­ბელ­მა საბ­ჭო­თა ის­ტო­რი­ის კედ­ლებ­ში და­ი­დო ბინა. ამა­ვე კედ­ლებ­ში, უკვე ამ­ჟა­მინ­დელ­მა ხე­ლი­სუფ­ლე­ბამ სავ­ლეს პავ­ლედ გა­დაქ­ცე­ვა გა­იხ­სე­ნა, ცხა­დია, კონ­კრე­ტუ­ლი ჟურ­ნა­ლის­ტის კონ­ტექ­სტში, მაგ­რამ თვი­თონ საბ­ჭო­თა ის­ტო­რი­ით დამ­ძი­მე­ბუ­ლი ტე­ლე­ვი­ზია - სავ­ლე რომ პავ­ლედ - სა­ზო­გა­დო­ებ­რივ მა­უ­წყებ­ლად ვერ იქცა, უკვე ფაქ­ტია. ან რა­ტომ გვქონ­და იმე­დი, რომ უწყებ­რი­ვი კუდი გას­წორ­დე­ბო­და და მთავ­რო­ბე­ბის მსა­ხუ­რე­ბის­გან დახ­ლარ­თუ­ლი კირჩხი­ბი და­ი­წყებ­და მარ­თლადსვლას? სამ­თავ­რო­ბო არ­ხმა ინერ­ცი­ით გა­აგ­რძე­ლა სამ­თავ­რო­ბო არ­ხად ფუნ­ქცი­ო­ნი­რე­ბა, მცი­რე­დი ცვლი­ლე­ბე­ბით - თუ ადრე პირ­და­პირ, ლე­გა­ლუ­რად კონ­ტროლ­დე­ბო­და, ახლა კონ­ტროლ­მა ირი­ბი სახე მი­ი­ღო, შე­ი­ფუ­თა, შე­ი­ნიღ­ბა და რაც მთა­ვა­რია, ჩვე­ნი ჯი­ბი­დან და­სა­ფი­ნან­სე­ბე­ლი იყო კვლა­ვაც. სკან­და­ლე­ბით კი კვლა­ვაც გვა­მა­რა­გებ­და, კვლა­ვაც პო­ლი­ტი­კურ ძალ­თა შერ­კი­ნე­ბის ას­პა­რე­ზი იყო. პრე­ზი­დენტ სა­ა­კაშ­ვი­ლის ხე­ლი­სუფ­ლე­ბი­დან ჩა­მო­სა­შო­რებ­ლად შე­ღე­რე­ბულ­მა ოპო­ზი­ცი­ამ მა­ნამ არ და­ი­ცხრო ვნე­ბე­ბი, სა­ნამ თა­მარ კინ­წუ­რაშ­ვი­ლი არ წა­ვი­და თა­ნამ­დე­ბო­ბი­დან.

არც კინ­წუ­რაშ­ვი­ლის წას­ვლით დამ­თავ­რე­ბუ­ლა მიეთ-მო­ე­თი. ხან ბორდ-ში იყო აყალ­მა­ყა­ლი, ხან შე­ნო­ბა­ში, ხან შე­ნო­ბის წინ. მი­ლი­ო­ნე­ბი მი­დი­ო­და და მი­დი­ო­და.

ობი­ექ­ტუ­რო­ბის­თვის უნდა ით­ქვას, რომ რამ­დე­ნი­მე გა­და­ცე­მა, მარ­თლაც, აკ­მა­ყო­ფი­ლებ­და მო­თხოვ­ნებს, ისევ და ისევ პი­როვ­ნუ­ლი პრო­ფე­სი­ო­ნა­ლიზ­მის ხარ­ჯზე, იქ­ნე­ბო­და ეს გოგი გვა­ხა­რი­ას, ეკა კვე­სი­ტა­ძი­სა თუ დათო პა­ი­ჭა­ძის გა­და­ცე­მე­ბი და იგი­ვე და­ბა­ლან­სე­ბუ­ლი სა­ინ­ფორ­მა­ციო გა­მოშ­ვე­ბე­ბი. თუმ­ცა, ამ გა­და­ცე­მე­ბის პა­რა­ლე­ლუ­რად, არხზე იყო გა­და­ცე­მე­ბი, არა­ნა­ირ მო­თხოვ­ნებს რომ არ აკ­მა­ყო­ფი­ლებ­და - არც პრო­ფე­სი­ულს, არც კო­მერ­ცი­ულს, არც ხალ­ხს აინ­ტე­რე­სებ­და, არც არა­ვის. აინ­ტე­რე­სებ­დათ მხო­ლოდ მათ, ვინც იმ იდო­ტო­ბე­ბის კე­თე­ბა­ში კაი მსუ­ქან ხელ­ფასს იღებ­და და და­ნე­ბივ­რობ­და. რა იყო ეს? ნა­ცი­ო­ნა­ლებს ემ­სა­ხუ­რე­ბოდ­ნენ? არა­ნა­ი­რად, თუ მათ არა­ვინ უყუ­რებ­და? ეს უფრო იმ ვა­იპრო­ფე­სი­ო­ნა­ლე­ბის სათ­ბურს ჰგავ­და, რომ­ლე­ბიც სხვა, პო­ლი­ტი­კის წარმ­მარ­თველ არ­ხებ­ზე ვერ ივარ­გებ­დნენ, მაგ­რამ მა­ინც უნდა შე­ე­ნა­ხათ. ინა­ხავ­დნენ კი­დეც.

შე­იც­ვა­ლა ხე­ლი­სუფ­ლე­ბა და ახლა ახალ­მა მო­ი­წა­დი­ნა სხვე­ბის შე­ნახ­ვა. არ­ჩევ­ნე­ბის შემ­დეგ სა­ხე­ლი­სუფ­ლე­ბო რყე­ვამ ტე­ლე­პო­ლი­გონ­ზე გა­და­ი­ნაც­ვლა. იმ­თა­ვით­ვე ცხა­დი იყო, რომ საზ­მა­უ­წყე­ბე­ლი შტურ­მის ობი­ექ­ტი გახ­დე­ბო­და, რომ დღეს და ხვალ ბი­ძი­ნა ივა­ნიშ­ვილს აღარ დას­ჭი­დე­ბო­და ის "მე­ცხრე არხი", რო­მე­ლიც არ­ჩევ­ნე­ბამ­დე სჭირ­დე­ბო­და. გა­მოთ­ქვა კი­დეც მო­საზ­რე­ბა, რომ საზ­მა­უ­წყე­ბე­ლი და "მე­ცხრე არხი" და­ე­ქორ­წი­ნე­ბი­ნათ. "მე­ცხრე არხს" მზით­ვად აპა­რა­ტუ­რა­საც ატან­და, მაგ­რამ სა­ზო­გა­დო­ე­ბა კარ­გად მიხ­ვდა, რაც მოხ­დე­ბო­და - და­ხუ­რუ­ლი "მე­ცხრე არ­ხის" კად­რე­ბი მა­ყარ­ში გა­მოყ­ვე­ბოდ­ნენ ამ მზითვს და, პრაქ­ტი­კუ­ლად, სა­ზო­გა­დო­ე­ბას მო­უ­წევ­და ივა­ნიშ­ვი­ლის არ­ხის შე­ნახ­ვა. ეს გეგ­მა ჩა­ვარ­და. იე­რი­შებ­მა უკვე პერ­სო­ნი­ფი­ცი­რე­ბუ­ლი სახე მი­ი­ღო. გია ჭან­ტუ­რია გა­დად­გა. შემ­დეგ არხი და­ა­ტო­ვე­ბი­ნეს სა­ინ­ფორ­მა­ციო სამ­სა­ხუ­რის უფ­როსს ხა­თუ­ნა ბერ­ძე­ნიშ­ვილს, რო­მე­ლიც თეა წუ­ლუ­კი­ა­ნის უდიპ­ლო­მო­ბის სკან­დალს შე­ე­წი­რა. მი­უ­ხე­და­ვად იმი­სა, რომ ბერ­ძე­ნიშ­ვი­ლის აქ­ტივ­ში და­ბა­ლან­სე­ბუ­ლი გა­და­ცე­მე­ბი იყო, რაც ევ­რო­პულ დას­კვნებ­ში აი­სა­ხა, სწო­რედ მისი ხელ­მძღვა­ნე­ლო­ბი­სას მოხ­და გა­უ­გო­ნა­რი რამ - სა­ჯა­რო ბიბ­ლი­ო­თე­კა­ში მიმ­დი­ნა­რე ამ­ბე­ბის "ლა­ივ­ში" გაშ­ვე­ბა მხო­ლოდ საზ­მა­უ­წყე­ბელ­მა მო­ა­ხერ­ხა. მოკ­ლედ, ბერ­ძე­ნიშ­ვი­ლი გა­უშ­ვეს. ამ ფაქ­ტმა ცხად­ყო, რომ და­ბა­ლან­სე­ბუ­ლი გა­და­ცე­მე­ბი არა­ვის აწყობ­და! შე­იძ­ლე­ბა, ვინ­მე არ და­მე­თან­ხმოს ამა­ში, მაგ­რამ თუ აწყობ­დათ, რა მნიშ­ვნე­ლო­ბა ჰქონ­და, ამ და­ბა­ლან­სე­ბულ გა­და­ცე­მებს ნა­ცი­ო­ნა­ლე­ბის მე­გო­ბა­რი ბერ­ძე­ნიშ­ვი­ლი გა­ა­კე­თებ­და თუ "ოც­ნე­ბის" ფა­ვო­რი­ტი რო­მე­ლი­მე "ტე­ლე­ვი­ზი­ონ­ში­კი"? ჯერი ტე­ლე­წამ­ყვა­ნებ­ზე მიდ­გა და ახლა ეკა კვე­სი­ტა­ძე და დათო პა­ი­ჭა­ძე გა­უშ­ვეს - გა­და­ცე­მე­ბი და­უ­ხუ­რეს. მა­ნამ­დე შე­იც­ვა­ლა სა­მე­ურ­ვეო საბ­ჭოს თავ­მჯდო­მა­რე, გე­ნე­რა­ლუ­რი დი­რექ­ტო­რი, სკან­და­ლი მოჰ­ყვა სა­ინ­ფორ­მა­ციო სამ­სა­ხუ­რის უფ­რო­სის, სოფო მო­სი­ძის Facebook-ის სტა­ტუსს.

რა პრო­ცეს­თან გვაქვს საქ­მე? "მე­ცხრე არხი" მზით­ვით არ ვინ­დო­მეთ და ხელ­ში უმ­ზით­ვოდ შეგ­ვრჩა - მა­ყა­რი მა­ინც გა­მო­ა­ყო­ლეს - არხი ნელ-ნელა იწ­მინ­დე­ბა ძვე­ლი კად­რე­ბის­გან და მათ "მე­ცხრე­არ­ხე­ლე­ბი" ენაც­ვლე­ბი­ან. ეკა კვე­სი­ტა­ძეს ბრა­ლი დას­დეს, მხა­რე ხარო და არხზე სხვა მი­კერ­ძო­ე­ბუ­ლი ჟურ­ნა­ლის­ტე­ბი მიჰ­ყავთ. თუნ­დაც მი­კერ­ძო­ე­ბულ რამ­დე­ნი­მე პრო­ფე­სი­ო­ნალს, თან მიჰ­ყვე­ბა მთე­ლი ლაშ­ქა­რი და­ბალკ­ვა­ლი­ფი­ცი­უ­რე­ბის, თა­ნაც მი­კერ­ძო­ე­ბუ­ლე­ბის - ანუ ახლა ისი­ნი უნდა შე­ვი­ნა­ხოთ.

დღე­ვან­დე­ლი ხე­ლი­სუფ­ლე­ბა მათ არ­ჩევ­ნე­ბამ­დე გა­წე­ულ ამაგს უფა­სებს, მერე რა, რომ ეს ყვე­ლა­ფე­რი ჩვენს ხარ­ჯზე ხდე­ბა, და მერე რა, რომ საზ­მაუ კი­დევ და­მა­ტე­ბით 4 მი­ლი­ონს ითხოვს ბი­უ­ჯე­ტი­დან და ეს ფული ჩვე­ნი ჯი­ბი­და­ნაა გა­და­სახ­დე­ლი. საზ­მა­უ­წყე­ბე­ლი ახა­ლი ხე­ლი­სუფ­ლე­ბის სამ­სა­ხურ­ში დგე­ბა და თან არ­ცთუ სა­სი­ა­მოვ­ნო ფორ­მით - ქვეყ­ნის წამ­ყვან ჟურ­ნა­ლის­ტებს, ვი­თომ­ცდა სა­ზო­გა­დო­ე­ბის მო­თხოვ­ნით, უშ­ვე­ბენ არ­ხი­დან. ამაზ­რზე­ნია იმის მოს­მე­ნა, თუ რო­გორ სა­უბ­რობს მთე­ლი სა­ზო­გა­დო­ე­ბის სა­ხე­ლით სა­ზო­გა­დო­ე­ბის ერთი მუჭა ნა­წი­ლი. სა­ვა­რა­უ­დოდ, ეს ის ნა­წი­ლია, ვინც 41 შე­მო­ხა­ზა, თუმ­ცა სა­კი­თხა­ვია, ვინც შარ­შან 41 შე­მო­ხა­ზა, ახლა რა ხა­სი­ათ­ზე აყე­ნებს ციფ­რი 41, და მე­ო­რეც - რას ეუბ­ნე­ბი­ან ან იმას, ვინც 5 შე­მო­ხა­ზა, ან იმას, ვინც სა­ერ­თოდ არ მი­ვი­და არ­ჩევ­ნებ­ზე? სა­ზო­გა­დო­ე­ბა­ში აღარ არი­ან? რო­დის გან­ხორ­ცი­ელ­და მოკ­ვე­თა? ან რო­დის გა­ვუ­ფორ­მეთ ირაკ­ლი კა­კა­ბა­ძეს და კორ­კო­ტას მინ­დო­ბი­ლო­ბე­ბი, ყველ­გან რომ ჩვე­ნი სა­ხე­ლით ლა­პა­რა­კო­ბენ? ან მა­შინ რა გუ­ნე­ბა­ზე უნდა დად­გე, როცა უყუ­რებ ხალ­ხს, რო­მელ­საც "თხა და გი­გოს" მერე რომ არა­ფე­რი აქვს წა­კი­თხუ­ლი და კვე­სი­ტა­ძე­სა და პა­ი­ჭა­ძეს უვი­ცე­ბად იხ­სე­ნი­ებს? ან მა­შინ, როცა ფუ­ნას ეს­ვრი­ან საზ­მა­უ­წყე­ბელს? ან ეს ცრუ­ე­პა­ტა­ჟი რის სიმპტო­მია და მერე კი­დევ ვინ ის­ვრის ამ ფუ­ნას, რას ეს­ვრის და რაც მთა­ვა­რია - რა­ტომ? ან ვინ იღებს გა­და­წყვე­ტი­ლე­ბებს დღეს სა­ზო­გა­დო­ებ­რივ არხზე, ვინ არი­ან და რას უნდა ვე­ლო­დეთ მათ­გან?

სა­მე­ურ­ვეო საბ­ჭოს ემ­ზარ გო­გუ­ა­ძე ხელ­მძღვა­ნე­ლობს, რომ­ლის ჟურ­ნა­ლის­ტურ აქ­ტივ­ში "სა­ხალ­ხო გა­ნათ­ლე­ბის" კო­რეს­პონ­დენ­ტო­ბა (1985-1990 წწ.) და გა­ზეთ "ერის" სტი­ლისტ-ლიტ­მუ­შა­კო­ბაა (1992-2002 წწ.). ამ გა­მოც­დი­ლე­ბით ვა­პი­რებთ არ­ხის აღორ­ძი­ნე­ბას? გენ­დი­რექ­ტო­რი თა­მაზ ტყე­მა­ლა­ძეა, ის თა­მაზ ტყე­მა­ლა­ძე, რო­მე­ლიც სწო­რედ საზ­მა­უს რე­ფორ­მებს შე­ე­წი­რა - 2004 წელს გა­უშ­ვეს. მა­ნამ­დე კი - 1998-2000 წლებ­ში რე­დაქ­ტო­რობ­და ას­ლან აბა­ში­ძის და­ფი­ნან­სე­ბულ გა­ზეთს "ახა­ლი ქარ­თუ­ლი გა­ზე­თი", რო­მელ­მაც 2 წე­ლიც ვერ იარ­სე­ბა, მი­უ­ხე­და­ვად გვა­რი­ა­ნი და­ფი­ნან­სე­ბი­სა. მა­შინ ვერ უპა­სუ­ხა მის­მა ნაღ­ვაწ­მა სა­ზო­გა­დო­ე­ბის მო­თხოვ­ნებს და ახლა რა­ტომ გვგო­ნია, რომ სუ­პე­რრე­ი­ტინ­გულ არხს გაგ­ვი­კე­თებს, სა­ზო­გა­დო­ე­ბის მო­თხოვ­ნებს რომ უპა­სუ­ხებს?

ამ­დე­ნი სკან­და­ლის შემ­დეგ, ისევ გა­აქ­ტი­ურ­და სა­უ­ბა­რი იმა­ზე, რომ სა­ერ­თოდ გა­სა­უქ­მე­ბე­ლია სა­ზო­გა­დო­ებ­რი­ვი მა­უ­წყე­ბე­ლი. საპრლა­მენ­ტო უმ­რავ­ლე­სო­ბი­დან ეს პო­ზი­ცია ზვი­ად კვა­ჭან­ტი­რა­ძემ გა­ახ­მო­ვა­ნა Facebook-ში ("საზ­მა­უს და­ხურ­ვის მომ­ხრე ვარ, დიახ, სა­ერ­თოდ უნდა დავ­ხუ­როთ, რად­გა­ნაც წურ­ბე­ლე­ბად იქ­ცნენ და ვერა და ვერ გახ­დნენ მი­უ­კერ­ძო­ებ­ლე­ბი და ნე­იტ­რა­ლუ­რე­ბი. იქ დღე­საც მო­კა­ლა­თე­ბუ­ლე­ბი არი­ან ნა­ცე­ბის ხე­ლი­სუფ­ლე­ბის მან­ქურ­თე­ბი და ათას­გვარ ინ­ტრი­გებს ხლარ­თა­ვენ. ჩვნ კი მათ ხელ­ფა­სებს ვუხ­დით"). საზ­მა­უს და­ხურ­ვის მო­თხოვ­ნას სხვა პი­რე­ბის გვერ­დებ­ზეც ნა­ხავ­დით ნაც-ქო­ცო­ბის მი­უ­ხე­და­ვად.

ამ ინი­ცი­ა­ტი­ვით კოკა ყან­დი­აშ­ვი­ლი ჯერ კი­დევ შე­მოდ­გო­მით გა­მო­ვი­და. მას მი­აჩ­ნდა, რომ "საზ­მო" - უნდა გა­უქ­მდეს და არ უნდა ფი­ნანსდე­ბო­დეს ხალ­ხის მიერ, რომ ქო­ნე­ბა და ლი­ცენ­ზია უნდა გა­ი­ყი­დოს ძა­ლი­ან ძვი­რად და მი­ღე­ბუ­ლი თან­ხა მოხ­მარ­დეს ხალ­ხს! "თუ არ გა­უქ­მდე­ბა", მა­შინ პირ­ვე­ლი: უნდა შე­იქ­მნას ისე­თი კა­ნო­ნი, რო­მე­ლიც სრუ­ლი და­მო­უ­კი­დებ­ლო­ბის გა­რან­ტი­ას მი­ა­ნი­ჭებს. - მე­ო­რე: ნე­ბის­მი­ერ სხვა შემ­თხვე­ვა­ში, ეს ტე­ლე­ვი­ზია ისევ მთავ­რო­ბის ჯი­ბის ტე­ლე­ვი­ზია იქ­ნე­ბა! ლაკ­მუ­სის ქა­ღალ­დი­ვით არის ამ არ­ხე­ბის მო­მა­ვა­ლი - იქ გა­მოჩ­ნდე­ბა, რე­ა­ლუ­რად, რა სა­ხის მთავ­რო­ბა მი­ი­ღო სა­ქარ­თვე­ლომ", - წერ­და მა­შინ ყან­დი­აშ­ვი­ლი; დღეს კი, ნა­ცი­ო­ნა­ლე­ბის გან­ცხა­დე­ბით, სწო­რედ კოკა ყან­დი­აშ­ვი­ლი ახორ­ცი­ე­ლებს კონ­ტროლს საზ­მა­უ­ში.

რა ხდე­ბა? ამ კი­თხვის ად­რე­სა­ტი მხო­ლოდ კოკა ყან­დი­აშ­ვი­ლი არაა. ად­რე­სა­ტი ყვე­ლაა - დი­დი­ან-პა­ტა­რი­ა­ნად: წინა და ახა­ლი ხე­ლი­სუფ­ლე­ბა, სა­ზო­გა­დო­ე­ბა. მარ­თლაც­და, გვინ­და ეს ტე­ლე­ვი­ზია? კი­დევ რამ­დე­ნი წელი უნდა ვი­ხა­დოთ ჯი­უ­ტად ამ არ­ხის­თვის ფული? ერთი ანეკ­დო­ტის არ იყოს, ხო ხე­დავთ რომ გვწყენს? ხომ ხე­დავთ რომ და­წყევ­ლი­ლია?

რეზო შა­ტა­კიშ­ვი­ლი

გა­ზე­თი "ვერ­სია"