ახალ რომანში ბრიჯიტ ჯონსი დაქვრივდება

ბრიჯიტ ჯონსის ისტორიის მესამე ნაწილში, რომელსაც "ბიჭუნაზე გაგიჟებული" ჰქვია, მწერალმა ჰელენ ფილდინგმა საკუთარი გმირი ქვრივად აქცია. ახალი წიგნის ნაწყვეტი გაზეთმა The Sunday Times-მა გამოაქვეყნა.

ახალ წიგნში ბრიჯიტი ორ შვილს ზრდის, ის 51 წლისაა, მაგრამ თავს 32 წლის ქალად ასაღებს. მისი მეუღლის, ადვოკატ მარკ დარსის გარდაცვალებიდან ხუთი წელია გასული. ასევე ცნობილია, რომ მთავარ გმირს 30 წლის ახალგაზრდა მამაკაცთან აქვს რომანი, რომელიც "ტვიტერში" გაიცნო.

"ბიჭუნაზე გაგიჟებული" (Mad About the Boy) დიდ ბრიტანეთში 2013 წლის 10 ოქტომბერს გამოვა. წიგნი, ისევე, როგორ ორი წინა ნაწილი, დღიურის ჟანრშია დაწერილი.

ლონდონელ ჟურნალისტზე, ბრიჯიტ ჯონსზე დაწერილი რომანის პირველი ნაწილი "ბრიჯიტ ჯონსის დღიური" 1996 წელს გამოვიდა, მეორე - სამი წლის შემდეგ. ორივე წიგი ბესტსელერად იქცა და 15 მლნ-იანი ტირაჟით გაიყიდა. მის საფუძველზე ორი ფილმი გადაიღეს, რომლებშიც მთავარ როლებს რენე ზელვეგერი, ჰიუ გრანტი და კოლინ ფერტი ასრულებენ. ამჟამად მესამე ფილმის გადაღებები მიმდინარეობს.

იხილეთ ფოტოგალერეა: ბრიჯიტ ჯონსის 11 სახალისო კინოკადრი

მომზადებულია The Sunday Times-ის მიხედვით.