ადელი დასტი სპრინგფილდს განასახიერებს

ადელი ლეგენდალურ პოპ-მომღერალს, დასტი სპრინგფილდს განასახიერებს, წერს დასავლური პრესა.

ჰოლივუდში დასტი სპრინგფილდზე ბიოგრაფიულ ფილმს გადაიღებენ, ვარსკვლავის როლის შემსრულებელზე კასტინგია გამოცხადებული. თუმცა, როგორც ამბობენ, ადელი ამ როლზე უკვე დაამტკიცეს და ამჯერად მის აგენტსა და სცენარისტებს შორის მოლაპარაკებები მიმდინარეობს.

როგორც ადელის წარმომადგენელი ჟურნალისტებთან საუბარში აცხადებს, მომღერალი ამ როლით შეპყრობილია. როლზე პრეტენზია ჰოლივუდის მსახიობმა, ნიკოლ კიდმანმაც გამოთქვა. უცნობია, ვინ გადაიღებს ფილმს. გადაღებები 2014 წელს დაიწყება.

მომზადებულია hollyscoop.com-ის მიხედვით.