მნიშვნელოვანი ინფორმაცია
3
ივნისიდღის ზოგადი ასტროლოგიური პროგნოზი
სამშაბათი, მთვარის მერვე დღე დაიწყება 13:13-ზე, მთვარე ქალწულშია – დღეს დაწყებული და დაგეგმილი ყველაფერი გაცილებით ნელა მიმდინარეობს, ვიდრე ჩვენ გვსურს. შესაძლებელია მოვლენების მოულოდნელი შემობრუნება, კონფლიქტები და საგანგებო სიტუაციები. რეკომენდებულია კრეატიული მიდგომები ძველი პროექტების განსახორციელებლად. მოაგვარეთ მხოლოდ მცირე ფინანსური საკითხები. მოძებნეთ ახალი პარტნიორები. ინდივიდუალურად იმუშავეთ. შეზღუდეთ კოლექტიური მუშაობა. შეგიძლიათ დაიცვათ მარხვა, შესაფერისია მსუბუქი საკვები, მარცვლეული და თევზი. ალკოჰოლი და ნიკოტინი უკუნაჩვენებია.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ირმა გიგანის გარდა, უმაღლესი განათლების კანონში ცვლილების შეტანას მომღერალ ბორის ბედიას გამოც ითხოვენ
10:22 / 27-09-2013
საპარლამენტო უმცირესობის წევრმა, სერგო რატიანმა ის პირები დაასახელა, რომელთა გამოც უმაღლესი განათლების შესახებ კანონში ცვლილებების შეტანა იგეგმება. როგორც რატიანმა "ინტერპრესნიუსს" განუცხადა, მათ შორის არიან პიანისტი ირმა გიგანი და მომღერალი ბორის ბედია.
"ამ კანონპროექტზე მუშაობა მას შემდეგ დაიწყო, რაც კომიტეტს ვანო სარაჯიშვილის სახელობის სახელწმიფო კონსერვატორიამ და აპოლონ ქუთათელაძის სახელობის სამხატვრო აკადემიამ მომართეს. სამხატვრო აკადემია თამაზ დონაძის, დავით თომაშვილის, დავით მამაგულიშვილისა და ანა შანიანის მოხვედრას ითხოვს უმაღლეს სასწავლებელში, ხოლო კონსერვატორია - ირმა გიგანის, ბორის ბედიას, ხატია კიკნაძისა და დავით დარბანიანის. რაც შეეხება ივანე კიღურაძის განცხადებას, რომ ამ მოსწავლეთა რაოდენობა 17-ს შეადგენს, არვიცი და ამას მოვიკითხავ", - აღნიშნა რატიანმა.
ამასთან, როგორც "ინტერპრესნიუსს" დეპუტატმა, სერგი რატიანმა განუცხადა, კანონპროექტის მიღების კატეგორიული წინააღმდეგია. დეპუტატი მიიჩნევს, რომ ამ შემთხვევაში გამონაკლისის დაშვება ანგრევს განათლების სისტემას და ქმნის კორუფციის საფუძველს.
სერგო რატიანის აზრით, კანონპროექტი აბსრუდულია, რადგან ქმნის თეორიულ შესაძლებლობას, რომ უმაღლეს სასწავლებელში ჩაირიცხოს ადამიანი, რომელიც არა თუ ვერ გადალახავს მინიმალურ ზღვარს, არამედ საერთოდ არ იცის ქართული ენა.
განსაკუთრებული ნიჭის მქონე ახალგაზრდები, უმაღლეს საგანმანათლებლო დაწესებულებებში ერთიანი ეროვნული გამოცდების გარეშე ჩაირიცხებიან, თუ მათ საერთაშორისო ოლიმპიადაში ან სახელოვნებო-შემოქმედებით კონკურსში უმაღლესი შეფასება აქვთ მიღებული.
ამასთან დაკავშირებით ცვლილებები "უმაღლესი განათლების შესახებ" კანონში შედის, რომელიც განათლების და მეცნიერების საპარლამენტო კომიტეტმა მოამზადა.
კანონპროექტის მიხედვით, მთავრობის მიერ დადგინდება სასწავლო გრანტით დაფინანსების წესი, რომელსაც განათლებისა და მეცნიერების სამინისტრო განსაზღვრავს.
გარდა ამისა, კანონს უკუძალა მიეცემა და სასწავლებლებში სწავლის უფლება შეუნარჩუნდებათ 2013 წელს ერთიან ეროვნულ გამოცდებში მონაწილე იმ პირებს, რომლებმაც ვერ გადალახეს ამა თუ იმ საგანში მინიმალური კომპეტენციის ზღვარი და, მათი განსაკუთრებული ნიჭის მიუხედავად, სწავლის უფლების გარეშე დარჩნენ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აფეთქება, ამჯერად წყალქვეშ - თავდასხმა ყირიმის ხიდზე
კვირის კითხვადი სტატიები
მნიშვნელოვანი ინფორმაცია
მკითხველის რჩევით
