მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
დიმიტრი ტატიშვილი - "ჩემს ცოლზე ლამაზი ქალი რომ ვნახო, მასთან ხომ არ უნდა წავიდე?"
23:17 / 27-09-2013
ჩვენი სტუმარი მსახიობი დიმიტრი ტატიშვილია. რამდენიმე დღის წინ "ღამის შოუს სტუდიამ" ტელეკომპანია "იმედის" ეთერში ახალი იუმორისტული სერიალი წარმოგვიდგინა, სადაც მთავარ როლს დიმიტრი ტატიშვილი ასრულებს. მსახიობს ახალ სერიალში "ჩვენი ამბავი" ჯარისკაცის როლი ხვდა წილად.
- კმაყოფილი ხართ ახალი სერიალით "ჩვენი ამბავი"?
- ეს სერიალი "შუა ქალაქისგან" რადიკალურად განსხვავდება, ესეც სიტუაციური კომედიაა, მაგრამ ყველაფერი სხვანაირად ხდება, ხშირად გვხვდება წარსულის ჩართვები, შედარებები და მთელ ისტორიას მთხრობელი გვიყვება. ამბავი მხიარულად არის გადმოცემული. წინა სერიალიდან თითქმის ყველა მსახიობი გაუშვეს, მხოლოდ მე მხვდა წილად აქ მოხვედრის პატივი (იცინის). დათო გოგიჩაიშვილს ადრეც ვიცნობდი, მაგრამ გადაღებებზე უფრო დავახლოვდით. ამ ხალხმა იცის თავისი საქმე, ყველაფერს სწორად აკეთებენ, პროფესიონალებთან მუშაობა მომწონს და შემოთავაზებასაც დავთანხმდი. სერიალი ხალხმა დადებითად შეაფასა.
- ეთერში სერიალის გასვლისას "რუსთავი 2"-ზე "ჩემი ცოლის დაქალები" გავა, როგორ ფიქრობთ, გაუწევთ კონკურენციას?
- ამის შიში უფრო სტუდიის ხელმძღვანელებს უნდა ჰქონდეთ, მსახიობი ვარ და ვცდილობ, პირნათლად შევასრულო ჩემი საქმე. თუ ჩემს მეგობრებს მაღალი რეიტინგი ექნებათ, "ჩემი ცოლის დაქალების" სახით, კარგი იქნება. არ ვთვლი უბედურებად კონკურენციას, პირიქით შეიძლება გავუწიოთ კონკურენცია, ამის პირობები არის. "ჩემი ცოლის დაქალებში" დემნას ვასახიერებდი, ვეღარ განავითარა სცენარისტმა ჩემი პერსონაჟი და "ფორმულა კრეატივიდან" წამოვედი. ნებისმიერ დროს სიამოვნებით ვითანამშრომლებ "ჩემი ცოლის დაქალების" შემქმნელებთან. მერე დათო გოგიჩაიშვილისგან მივიღე შემოთავაზება და დავთანხმდი. ძალიან ცუდი სტრატეგია აქვთ საქართველოში, ერთი არხის სერიალში დაკავებულ მსახიობს მეორე არხზე რომ არ ათამაშებენ. სადაც კარგი პირობები და ანაზღაურება იქნება, იქ წავალ. ცოლქმრობაში არ მოსულა ღალატი, ჩემს ცოლზე ლამაზი ქალი რომ ვნახო, მასთან ხომ არ უნდა წავიდე (იცინის)?
- არასდროს გაგქცევიათ თვალი სხვისკენ?
- ოჯახის ერთგული ადამიანი ვარ და, არ ვიცი, ოჯახი რატომ უნდა დამენგრეს.
- შემოთავაზებულ როლებზე ხშირად გიწევთ უარის თქმა?
- ჩემთვის მთავარია, თემა იყოს ნორმალური და საქმეს ნიჭიერი ადამიანები აკეთებდნენ. ამას თუ დავინახავ, არაპროფესიონალებთანაც სიამოვნებით ვითანამშრომლებ, მაგრამ არაპროფესიონალებს ნაკლებად გამოსდით საქმე კარგად. როცა როლს მთავაზობენ, ჯერ ვცდილობ, გავიგო, პროფესიონალები მთავაზობენ თუ არა ამას. იშვიათად ხდება, როცა ადამიანი არ არის რეჟისორი და ფილმი კარგი გამოსდის. ყოფილა შემთხვევა, როცა სიტყვაზე ვენდე ან სათანადოდ არ დავინტერესდი სხვადასხვა დეტალით და მერე თავბედი ვიწყევლე (იცინის). დიდი კონფლიქტები არ მომსვლია, მაგრამ სიამოვნება არ მოაქვს ასეთ პროექტებში მუშაობას. ხშირად ყოფილა ანაზღაურების პრობლემა, მაგრამ არის პროექტები, როცა ანაზღაურებით არ ვინტერესდები. ხანდახან თვეობით არ მიმიღია ჰონორარი, გარანტიები, სამწუხაროდ, ნაკლებად გვაქვს მსახიობებს, რომ დავდოთ კონტრაქტები და მერე ვიჩივლოთ, ეს დიდ ხარჯებს უკავშირდება, ამიტომ დამკვეთი სარგებლობს ამით (იცინის).
- ცხოვრებაში განსხვავდებით თქვენი პერსონაჟებისგან?
- ბევრს ჰგონია, რომ მსახიობობა იოლია, ტაშ-ფანდურა ცხოვრება გვაქვს, მაგრამ საკმაოდ რთული პროფესიაა.
- სატელევიზიო შოუების იუმორი მოგწონთ?
- ხალხს რომ არ მოსწონდეს, შოუები არ იარსებებდა. ვისაც არ მოსწონს, სხვა არხზე გადართოს. ყველაფერს თავისი ადგილი აქვს. შეიძლება ვიღაცას მურაბა უყვარს ძალიან, მაგრამ დღედაღამე მურაბას ხომ არ შეჭამს? ასეა ეს სერიალებიც.
- უახლოეს მომავალში რა გეგმები გაქვთ?
- ეკა პაპიაშვილი იღებს მოკლემეტრაჟიან მხატვრულ ფილმს, კიდევ დამამტკიცეს მეორე ფილმზე, რომლის გადაღებებიც ნოემბერში დაიწყება. თეატრში იხსნება ახალი სეზონი და ვნახოთ, ახალ სპექტაკლზე თუ დავიწყებთ მუშაობას.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
