ჩინელმა საკუთარ Porsche-ს დაკრძალვის ცერემონია გადაუხადა

ჩინეთში მამაკაცმა საკუთარ Porsche Cayenne-ს მარკის ავტომობილს დაკრძალვის ცერემონია გადაუხადა. ამის მიზეზი, ავტომობილის მფლობელის თქმით, დილერის მხრიდან კომპენსაციის გადახდაზე უარია.

ჰაო განმა საკუთარი ავტომობილი დაამტვრია და შემდეგ "დაასაფლავა". "ძალიან ბედნიერი ვიყავი, როდესაც შევიძინე, მაგრამ როდესაც მეუღლესთან ერთად ვმგზავრობდი, მუხრუჭებმა მიმტყუნა",- ყვება განი.

მექანიკოსმა, რომელმაც ავტომობილი ავარიის შემდეგ შეამოწმა, დაადგინა, რომ მუხრუჭებმა იმის გამო არ იმუშავა, რომ ძრავი არასწორად იყო დამონტაჟებული. მაგრამ სერვისცენტრმა კომპენსაციის გადახდაზე უარი თქვა, ჰაომ კი საჩვენებელი დასაფლავების გადახდა გადაწყვიტა.

"ავტომობილის დასაფლავების" დახმარებით სხვა ავტომფლობელების გაფრთხილება მინდოდა, რომ შეიძლება ეს მათაც დაემართოთ",- განაცხადა ჰაომ და დასძინა, რომ სანამ კომპენსაციას არ მიიღებს, დამტვრეულ ავტომობილს დილერის პარკის გარეთ დატოვებს (სწორედ იქ გაიმართა ცერემონია).

როგორ გამოეხმაურა სერვის ცენტრი ჩატარებულ ცერემონიას, უცნობია.

მომზადებულია Orange News-ის მიხედვით.