მნიშვნელოვანი ინფორმაცია
29
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჯეოსელის" დამფუძნებელმა კომპანია "თელიასონერამ" შესაძლოა, საქართველო დატოვოს
05:34 / 24-09-2013
"თელიასონერა" საქართველოდან გასვლისა და ინვესტიციების გატანის საკითხს განიხილავს, - შესაბამისი განცხადება კომპანია "ჯეოსელის" წარმომადგენელმა, ლევან გიორგაძემ პარლამენტში, კონუმიკაციების მარეგულირებელი კომისიის საქმიანობის შემსწავლელ საგამოძიებო კომისიის სხდომაზე გააკეთა.
გიორგაძემ კომისიის სხდომაზე ლიცენზიის მოქმედების ვადის გაგრძელებასთან დაკავშირებულ საკითხებზე, ლიცენზიის გაგრძელებისას საფასურის გამოთვლის წესსა და ამ მიმართულებით კომისიის მიერ მიღებულ გადაწყვეტილებაზე გაამახვილა ყურადღება.
კერძოდ, როგორც კომპანია "ჯეოსელის" წარმომადგენელმა განმარტა, კონუმიკაციების მარეგულირებელმა კომისიამ მიმდინარე წლის 17 ივლისს აუქციონის გამართვის დებულებაში ცვლილება შეიტანა და იმგვარი ფორმულა მიიღო, რომ თუკი "ჯეოსელს" მთელი წლების განმავლობაში, თავდაპირველი ფორმულის გამოყენებით, ერთი კონკრეტული ლიცენზიის გასაგრძელებლად 34 მილიონი გადახდა უწევდა, ახალი ფორმულით 48 მილიონი გადაიხადა.
"როგორც ახსნეს, ეს არის დაზუსტება და როგორი დაზუსტებაა, როცა ერთი და იგივე მუხლის ინტერპრეტაცია 14-მილიონიან სხვაობას იძლევა?! ყველაზე საინტერესო არის ის, რომ ვცდილობდი, ამ ხალხისთვის მარტივი ლოგიკა ამეხსნა - დავუშვათ, ჩვენ ვართ სუბიექტურები, არ გვინდა ზედმეტი თანხის გადახდა, არ ვზრუნავთ სახელმწიფოზე და ასე შემდეგ, რაც მათი მხრიდან ერთ-ერთ მოტივაციად იყო გაჟღერებული, ვეუბნები, რომ თუ თქვენ მართლები ხართ, გამოდის რომ, მთელი ამ პერიოდის განმავლობაში, კომისიის ყველა წევრი კანონს არღვევდა და სახელმწიფო ბიუჯეტს დიდი ოდენობით ზიანს აყენებდა. მე მათი ლოგიკა ვერ ავხსენი, მაგრამ ფაქტად მივიღეთ ის, რომ ცალსახად უკანონოდ 48 მილიონს ვიხდით, რომელიც მძიმე ტვირთია და ოთხი ასეთი ლიცენზია გვაქვს, რომელიც დაახლოებით ორი წლის ინტერვალით უნდა გავაგრძელოთ და დამფუძნებლების მხრიდან - როგორც მოგეხსენებათ, ჩვენი დამფუძნებელი "თელიასონერაა", უკვე სერიოზულად მიდის საუბარი, რომ ქვეყნიდან გავიდეს და ინვესტიციები გამოითხოვოს", - განაცხადა ლევან გიორგაძემ კომისიის დღევანდერლ სხდომაზე.
ამასთან, მან ხაზი გაუსვა იმასაც, რომ კომისიამ ამგვარი გადაწყვეტილება მიიღო იმ პერიოდში, როცა მათ საქმიანობას პარლამენტის საგამოძიებო კომისია სწავლობს.
გარდა ამისა, ლიცენზიების გაცემის ფასთან დაკავშირებით "მაგთიკომის" გენერალური დირექტორის მოადგილემ, გია კოჟორიძემ კომისიას მიაწოდა ინფორმაცია, რომ 2004 წელს, ე.წ. პროკურატურის ფონდში აკუმულირებული 70 მილიონით შეძენილ იქნა ფიქტიური ლიცენზია, არასაჭირო სიხშირეზე და შემდგომში კომპანიებისთვის ლიცენზიის ფასი აქედან დგინდებოდა.
საგამოძიებო კომისია მარეგულირებელი კომისიის მიმართ ფიჭური კომპანიების საჩივრებს ისმენს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შინაგან საქმეთა მინისტრად გელა გელაძე დაინიშნა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
