მნიშვნელოვანი ინფორმაცია
13
ივლისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 23:31-ზე, მთვარე მერწყულშია – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. თანამშრომლებს ნაკლები შეხება უნდა ჰქონდეთ უფროსთან, მხოლოდ საჭიროების შემთხვევაში. დაიცავით ნეიტრალიტეტი კოლეგების მიმართ. არ არის რეკომენდებული შეხვედრების დანიშვნა. ხელშეკრულებების გაფორმება. ახალ სამსახურში გადასვლა. დაუფიქრებლად მოქმედება. ნუ აჰყვებით პროვოკაციებს და ნუ მოახდინეთ სხვების პროვოცირება. მოერიდეთ მთვრალ ადამიანებთან ურთიერთობა. უცნობ ადამიანებთან კონტაქტი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ფრანგებმა ცნობილი მფრინავის, როლან გაროსის მარშრუტი გაიმეორეს
05:28 / 02-10-2013
მოხალისე ფრანგებმა ცნობილი ავიატორის, როლან გაროსის მარშრუტი გაიმეორეს. ავიაციის ისტორიაში ის პირველი იყო, ვინც თვითმფრინავით ხმელთაშუა ზღვა გადაკვეთა.
100 წლის წინანდელი რეკორდის გასამეორებლად, ენთუზიასტებმა გაროსის თვითმფრინავ Morane-Saulnier G-ის ზუსტი ასლი ააწყვეს, რომელიც 1913 წელს შექმნილი ორიგინალის მსგავსად, ნაჭრისა და ხისგან იყო დამზადებული.
გადაფრენა 29 წლის ფრანგმა პილოტმა ბატისტ სალიმ შეასრულა. მოყვარული პილოტის ლიცენზია მან ჯერ კიდევ 16 წლის ასაკში მიიღო. 22 სექტემბერს, საფრანგეთის სამხრეთ ნაწილიდან აფრენის შემდეგ, სამ თანმხლებ თვითმფრინავთან ერთად ბატისტა სალის საფრენმა აპარატმა ხმელთაშუა ზღვა გადაკვეთა და ტუნისში წარმატებით დაეშვა.
თავად როლან გაროსი 1888 წლის 6 ოქტომბერს დაიბადა. პირველად საზოგადოებამ მის შესახებ სწორედ 1913 წელს თვითმფრინავით ხმელთაშუა ზღვის გადაკვეთის შემდეგ გაიგო. პირველი მსოფლიო ომის დაწყებისთანავე ის ფრანგულ არმიაში ჩაეწერა. პარალელურად, ფირმა "მორანში" მფრინავ-გამომცდელად მუშაობდა. ის პირველი იყო, რომელმაც საჰაერო ბრძოლის გასამარტივებლად, თვითმფრინავებზე საკუთარი კონსტრუქციის სინქრონიზატორი დააყენა. ამ მოწყობილობის მეშვეობით მფრინავს დაუბრკოლებლად სროლა მბრუნავი ხრახნის სიბრტყეში, ამ უკანასკნელის დაზიანების გარეშე შეეძლო.
1915 წლის თებერვალს ფრონტზე გამოჩენილმა გამანადგურებელმა რამდენიმე დღეში 3 გერმანული თვითმფრინავი ჩამოაგდო. გამანადგურებლის პილოტი როლან გაროსი გახლდათ. 18 აპრილს ფრანგი ავიატორი ტყვედ ჩავარდა და გერმანელებს მხოლოდ 1918 წელს დაუსხლტა. იმავე წლის ოქტომბერში მორიგი დავალების შესრულებისას როლან გაროსი დაიღუპა.
დღეს მის სახელს საფრანგეთის ღია საჩოგბურთო ტურნირი ატარებს, რომელსაც მეორენაირად, "როლან გაროსის ტურნირის" სახელით მოიხსენიებენ.
newsru.com-ის მიხედვით მოამზადა ნუკრი მგელაძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
