7
აპრილიდღის ზოგადი ასტროლოგიური პროგნოზი
პატიმრის ცოლობა ან ქმრობა იოლი არ უნდა იყოს, თუმცა სიყვარულს გისოსებიც რომ ვერ იჭერს, ფაქტია. მას შემდეგ, რაც პენიტენციური სისტემის მესვეურებმა პრიორიტეტულად გამოაცხადეს "არა ნგრევა, არამედ ოჯახების შექმნა და შენება", უჩვეულო გარემოში დაქორწინებული წყვილების რაოდენობამ საოცრად იმატა. თუმცა სასჯელაღსრულების დაწესებულების კედლები მანამდეც არაერთხელ გამხდარა, თქვენ წარმოიდგინეთ, პომპეზური ქორწილის მომსწრეც კი...
სამოდელო სააგენტო "ლიკა ყაზბეგის" მფლობელმა ვალენტინობა დღეს მართლაც უჩვეულო გარემოში იქორწინა. ლიკა ყაზბეგმა და პატიმარმა გიორგი ჯელაძემ რუსთავის სასჯელაღსრულების დეპარტამენტის მე-16 დაწესებულებაში მოაწერეს ხელი. ახლადშეუღლებულმა წყვილმა თაფლობის თვე საპატიმროში გაატარა.
ისეც ხდება, რომ პატიმრისა და მისი ადვოკატის ურთიერთობა კლიენტისა და დამცველის ფარგლებს სცილდება და "თავსდატეხილი" სიყვარული ხშირად ქორწინებით გვირგვინდება. უფლებადამცველი გიორგი თევზაძე პენიტენციურ სისტემაში გამართულ პირველ და ყველაზე პომპეზურ ქორწილს იხსენებს, რომელიც სასჯელაღსრულების მე-5 დაწესებულებაში გაიმართა:
- 2001 წელს, ადამიანის უფლებათა დაცვისა და პატიმართა სოციალური საერთაშორისო ორგანიზაციის ხელმძღვანელობის პერიოდში, პატიმარმა კოტე მიროტაძემ მოგვმართა განცხადებით, მისი უფლებების დასაცავად ორგანიზაციიდან ადვოკატი გამოგვეყო. მიროტაძის ინტერესების დაცვა დავავალეთ ადვოკატ ლიკა მელაძეს. პატიმარს საკმაოდ მძიმე, ყაჩაღობისა და იარაღის უკანონოდ ტარების მუხლები ჰქონდა წაყენებული. ადვოკატი ლამაზი გოგონა იყო, პატიმარს მოეწონა და ერთ თვეში სიყვარულში გამოუტყდა. ადვოკატსაც გაუჩნდა მის მიმართ გრძნობა და შეუღლება გადაწყვიტეს. ქართული ტრადიციისამებრ, რაიონიდან ჩამოვიდნენ ბიჭის ოჯახის წევრები, ლიკას ოჯახში მივიდნენ,ხელი სთხოვეს და გადაწყდა მათი დაქორწინება. ეს იყო უპრეცედენტო შემთხვევა - არა უბრალოდ ხელის მოწერა, არამედ სერიოზული საქორწინო რიტუალი, რომელიც მე-5 დაწესებულებაში (ორთაჭალაში) გაიმართა. ქორწილში გაიჭრა ტორტი, იყო ცეკვა და მოლხენა (სხვათა შორის, იუსტიციის მინისტრი იმხანად მიშა სააკაშვილი იყო). მსგავსი პომპეზური ქორწილი არც მანამადე და არც მას შემდეგ, ციხეში არ ყოფილა...
თუმცა, ყოველთვის "ჰეფი ენდით" როდი მთავრდება წყვილთა იზოლატორში გადაწყვეტილი თანაცხოვრება... წყვილმა 2008 წელს ქსნის დაწესებულებაშიც დაიწერა ჯვარი. გოგას ყაჩაღობა, ქურდობა, ძარცვა, გატაცების შეკვეთა (იგულისხმება ყოფილი მერის, ვანო ზოდელავას ვაჟის გატაცების დაგეგმვა) და სხვა დანაშაულები ედებოდა ბრალად და 23 წელი ჰქონდა მისჯილი. ოჯახის წინააღმდეგობის მიუხედავად, შეყვარებულმა ადვოკატმა ლელამ მისი დაცვის ქვეშ მყოფზე უარი არ თქვა და პატიმრის რიგით მესამე ცოლი გახდა. თუმცა ქორწინება უიღბლო გამოდგა - გოგამ მეუღლეს ციხეში ნარკოტიკის შეტანა აიძულა, ადვოკატს ბრალი 160-ე მუხლის 1 ნაწილით წაუყენეს, საბოლოოდ კი გირაოს საფუძველზე გამოუშვეს. პატიმრის ცოლს განქორწინებაზე აქვს განაცხადი შეტანილი.
ყოველკვირეული გაზეთი "ყველა სიახლე"
(გამოდის ოთხშაბათობით)
