მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მეთიუ ბრაიზა - აშშ საქართველოს ზოგჯერ უხეშადაც კი ეუბნებოდა, რომ რუსეთთან სამხედრო დაპირისპირება აზრადაც კი არ უნდა გაივლოს
13:00 / 20-09-2013
შეერთებული შტატები უწყვეტად, გარკვევით და მკაცრად ეუბნებოდა საქართველოს, რომ თბილისმა აზრადაც კი არ უნდა გაივლოს რუსეთთან სამხედრო დაპირისპირება, - ამის შესახებ ევროპისა და ევრაზიის საკითხებში აშშ-ის სახელმწიფო მდივნის მოადგილის ყოფილმა თანაშემწემ
მეთიუ ბრაიზამ "ამერიკის ხმის" ვაშინგტონის ბიუროს მიერ სპეციალურად "იმედისთვის" ჩაწერილ ექსკლუზიურ ინტერვიუში განაცხადა. ბრაიზამ აგვისტოს ომთან დაკავშირებული მოვლენები გაიხსენა და შეაფასა.
"მახსოვს, რომ შეერთებული შტატები უწყვეტად, გარკვევით და მკაცრად ეუბნებოდა საქართველოს, რომ თბილისმა აზრადაც კი არ უნდა გაივლოს რუსეთთან სამხედრო დაპირისპირება. ეს გზავნილი იყო მკაცრი და ზოგჯერ უხეშიც კი. ჩვენ ვეუბნებოდით, რომ თუ წამოიწყეთ სამხედრო დაპირისპირება, წააგებთ. საქართველოს მოგების არანაირი შანსი არ აქვს. მთლიანად განადგურდება ის დანაყოფები, რომლებიც ჩვენ აღვჭურვეთ და გავწვრთენით, გაქრება ნატოში გაწევრიანების უმცირესი შანსიც კი და ჩვენ ვერ დაგეხმარებით. თვეების, წლების განმავლობაში ვაგზავნიდით ამ მესიჯებს საქართველოში. ასევე ვესაუბრებოდით რუსებსაც და ვეუბნებოდით, რომ რაც უფრო ინტენსიური იქნებოდა მათი მხრიდან ზეწოლა თბილისზე, მით უფრო ნაკლები საშუალება ექნებოდა ამერიკას საქართველო თავის შეკავებაზე დაეყოლიებინა",-აცხადებს ბრაიზა და მიიჩნევს, რომ ყველაზე დიდი შეცდომა ქართულმა მხარემ მაშინ დაუშვა, როდესაც რუსებმა და ოსებმა ქართული სოფლების დაბომბვა დაიწყეს და საქართველომ ცეცხლი დაუბრუნა.
"2008 წლის ივლისი იყო, როცა ჩემმა რუსმა კოლეგამ მითხრა, რომ მომდევნო თვენახევრის განმავლობაში მთავრობაში არავის ეცალა საქართველოსთან დაკავშირებული სამშვიდობო გეგმის განსახილველად. აი მაშინ, უკვე ვიცოდი, რომ არაფრის გაკეთება არ უნდოდათ იმიტომ, რომ ომის დაწყება გადაწყვეტილი ჰქონდათ. საქართველოს არაფრის გაკეთება შეეძლო ამის თავიდან ასაცილებლად.
7 აგვისტოს, როცა საქართველოს მთავრობა უკვე დარწმუნებული იყო იმაში, რომ რუსეთს ჯარი შემოჰყავდა როკის გვირაბიდან, ქართულმა შენაერთებმა უკან არ დაიხიეს, როგორც ამას ჩვენ ვეუბნებოდით. ამ შემთხვევაში მთელს მსოფლიოს ეცოდინებოდა, რომ რუსეთი საქართველოს დაესხა თავს. დიდი შეცდომა კი ის იყო, რომ მას შემდეგ, რაც რუსებმა და ოსებმა ქართული სოფლების დაბომბვა დაიწყეს, საქართველომ ცეცხლი დაუბრუნა. საქართველოს რომ არ დაეწყო იერიში და დაეხია უკან, ქვეყანა ომის შემდგომ პოლიტიკურ ომს მოიგებდა. ყველაზე დიდი შეცდომა კი ის იყო, რომ სრულიად არასწორად იყო გაგებული ჩვენი განზრახვები. ჩვენ სრულიად გასაგებად ვეუბნებოდით, რომ თქვენ არ ხართ ნატოში, თუ სროლაზე მიდგა საქმე, ვერ დაგეხმარებით",-განაცხადა ბრაიზამ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
