მნიშვნელოვანი ინფორმაცია
5
ივლისიდღის ზოგადი ასტროლოგიური პროგნოზი
კვირა, მთვარის მეთორმეტე დღე დაიწყება 18:45-ზე, მთვარე მორიელშია – რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. თავი უნდა შეიკავოთ უხეში საკვებისგან, კვერცხისგან, თევზისა და ხორცისგან. მთლიანად გამორიცხეთ ალკოჰოლი და ნიკოტინი. ზედა სასუნთქი გზების, გულის, ფილტვების და ღვიძლის გაწმენდის დღეა. მოუსმინეთ გულს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საქართველოში უცხოელებს ბევრად მეტი აქვთ ნანახი, ვიდრე ქართველებს"
23:05 / 20-09-2013
ბოლო დროს თითქოს პოპულარული გახდა ლაშქრობები ჩვენი ქვეყნის ღირსშესანიშნავ ადგილებსა თუ ბუნების წიაღში. თუმცა ერთ-ერთი მოლაშქრე, ლაშა ბარათელი წუხს, რომ მოგზაურობის მსურველი ბევრი არ არის...
ლაშა ბარათელი: - წელიწადზე მეტია, რაც ახალი ფორუმი, ცამპ.გე შეიქმნა და ლაშქრობის ორგანიზების ხარისხიც დღითი დღე იზრდება. თუმცა, შეიძლება ითქვას, რომ უცხოელმა ტურისტებმა გაცილებით მეტი იციან საქართველოს რეგიონების შესახებ და ბევრად მეტი აქვთ ნანახი, ვიდრე თავად ქართველებს, უმეტესობა ისე იზრდება და ბერდება, არც კი გაუგია, მაგალითად, აბუდელაურის ტბები, თავკავთა, ფიტარეთი, ბირთვისი და ა.შ... ინტერნეტში ასეთ თემასაც კი წააწყდებით: "100 ადგილი, რომელიც საქართველოში უნდა ნახო, სანამ ცოცხალი ხარ". პირადად მე ძალიან მომწონს თუშეთის შესანიშნავი ბუნება, ტობავარჩხილი... მაღალმთიანი აჭარა... ულამაზესი ადგილები გვაქვს და რომელიმე მათგანის სურათი რომ ანახო, ბევრი ვერც კი მიხვდება, რომ ის საქართველოშია გადაღებული. უმეტეს შემთხვევაში ეს შეიძლება უგზოობითაც იყოს გამოწვეული, მაგრამ არსებობს გზები, სადაც გაცილებით იაფად და იოლად ივლიდა ტრანსპორტი. უგზოობა მართლაც ცუდად აისახება ტურიზმის განვითარებაზე. ვყოფილვართ ტაო-კლარჯეთსა და კაპადოკიაშიც, იქ ნებისმიერ გორაკზე, სადაც თუნდაც პატარა ქოხმახი დგას, ძალიან კარგად დაგებული გზა აგიყვანთ. გული გვწყდება, რომ ჩვენთან ასე არ არის.
- უცხოელებზე რას იტყვით, როგორ იქცევიან ტურების დროს?
- უცხოელი ტურისტები სალაშქრო ფორმებით, ზურგჩანთებით, კარვებით და პარალონებით აღჭურვილები დადიან. ერთადაც გვილაშქრია. ხშირად ავტოსტოპს იყენებენ, უმეტესობა კარგი ხალხია და წესებს იცავს. ყოფილა შემთხვევა, როცა საქართველოს ბუნებას უდიერად მოპყრობიან, მაგალითად, ნაგავი დაუყრიათ და ამის გამო ჩვენგან შენიშვნაც მიუღიათ... ეკოგასვლებსაც ხშირად ვაწყობთ, ბავშვები საკუთარი სახსრებით მოდიან ბუნებაში იმისთვის, რომ ვიღაცის დაყრილი ნაგავი წამოიღონ, ან რაც იწვება, იქვე დაწვან.
- ბუნებაში რაიმე ხიფათს ხომ არ გადაწყდომიხართ?
- როცა ადამიანების დიდი ჯგუფი ერთად ლაშქრობს, ცხოველები ფრთხილობენ და თავად ეშინიათ. ერთხელ მოლაშქრეების მცირე ჯგუფი დიდგორში ვიყავით წასული და გოგონები ტურების კივილმა ისე დააფრთხო, მთელი ღამე ვერ დაიძინეს. სერიოზულ ხიფათს კი არასოდეს გადავყრივართ.
ეკა აბაშიძე
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ ცვლის ხელოვნური ინტელექტი ჩვენი ყოველდღიური ცხოვრების წესს?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
