მნიშვნელოვანი ინფორმაცია
22
მაისიდღის ზოგადი ასტროლოგიური პროგნოზი
პარასკევი, მთვარის ოცდამეექვსე დღე დაიწყება 03:27-ზე, მთვარე ვერძშია – საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. მოერიდეთ ხორციან კერძებს. სასურველია თევზისა და ბოსტნეულის. თავი შეიკავეთ მოწევისა და ალკოჰოლისგან. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სკვერებსა და პარკებში ლუდის სმა 200 ლარით დაჯარიმდება
04:53 / 19-09-2013
საქართველოს შინაგან საქმეთა სამინისტრომ "საზოგადოებრივი ზნეობის შეურაცხმყოფელ მდგომარეობაში ყოფნა" დააკონკრეტა - აღნიშნული ტერმინის გარკვეული კორექტირება მოახდინა და ამ მიმართულებით "ადმინისტრაციულ სამართალდარღვევთა კოდექსში" დაგეგმილ ცვლილებებში დამატებითი ცვლილებები შეიტანა.
კოდექსის 171-ე მუხლში იქნება ჩანაწერი: "საზოგადოებრივ ადგილებში ადამიანის ღირსებისა და საზოგადოების ზნეობის შეურაცხმყოფელი ქმედების განხორციელება", რაც თავის მხრივ ისეთ ქცევას გულისხმობს, რომელიც ადამიანის უპატივცემულობას გამოხატავს და მის შეურაცხმყოფელ გარემოში ჩაგდებას განაპირობებს. ამაში კი იგულისხმება: სექსუალური ხასიათის ქცევა, საზოგადოებრივ ადგილებში სრული ან ნაწილობრივი უხამსი გაშიშვლება, ფიზიოლოგიური მოთხოვნილებების დაკმაყოფილება.
შესაბამისი განმარტება "ადმინისტრაციულ სამართალდარღვეთა კოდექსის" ამ ნაწილთან დაკავშირებით, შსს-ს მინისტრის მოადგილემ ლევან იზორიამ დღეს იურიდიულ საკითხთა კომიტეტის სხდომაზე გააკეთა, სადაც აღნიშნა, რომ ასეთი ტიპის ქმედებები ადმინისტრაციული პასუხისმგებლობით ყველა ქვეყანაში ისჯება და ამ მხრივ კანონში ახალი არაფერი შემოდის.
რაც შეეხება ადმინისტრაციულ სანქციას, მოქმედი კოდექსისგან განსხვავებით, ის კონკრეტულ თანხაში გამოხატული იქნება. კერძოდ, იზორიას თქმით, პირველ შემთხვევაში გაფრთხილებას გამოიწვევს, თუმცა მისივე განმარტებით, გააჩნია ასეთი ქმედების ზომასა და ხარისხს, რაც იმას ნიშნავს, რომ საზოგადოებრივ ადგილებში ადამიანის ღირსებისა და საზოგადოების ზნეობის შეურაცხმყოფელი ქმედების განხორციელება შეიძლება 200-ლარიანი ჯარიმის საფუძველი გახდეს.
გარდა ამისა, შსს-მ კანონპროექტში შეცვალა 171-ე მუხლის ის ნაწილიც, რომელიც საზოგადოებრივ ადგილებში ალკოჰოლური სასმელების მიღებაზე ჯარიმის დაკისრებას ითვალისწინებს. ასეთი ადგილების ჩამონათვალს შორის არ იქნება ქუჩა და იქნება მხოლოდ სტადიონი, სკვერი, პარკი და ყველა სხვა სახის საზოგადოებრივი თავშეყრის ადგილი, თუმცა იზორიას განმარტებითვე, განისაზღვრება გარკვეული გამონაკლისებიც.
"მაგალითად ეს დასჯადი არ იქნება იქ, სადაც ლუდის ჩამოსხმა ხდება" - აღნიშნა მინისტრის მოადგილემ.
რაც შეეხება სახდელის ზომას, შსს-ს მიერ კორექტირებული პროექტის თანახმად, ეს პირველ რიგში - გართხილებას, ასევე 200 ლარით დაჯარიმებას გამოიწვევს, რაც იზორიას თქმით, პოლიციელის დისკრეციული უფლება იქნება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
