25
მაისიდღის ზოგადი ასტროლოგიური პროგნოზი
საქართველოს პირველი პრეზიდენტის ვაჟი, ცოტნე გამსახურდია საპრეზიდენტო არჩევნებამდე რუსეთის მხრიდან პროვოკაციების გახშირებაზე საუბრობს. მისი თქმით, რუსეთი შეეცდება რეგიონში პრორუსულ პოლიტიკურ ძალთა პოზიციები განამტკიცოს. ამის შესახებ გამსახურდია "ფეისბუქის" საკუთარ გვერდზე წერს.
"ჩემი ღრმა რწმენით, რუსეთი საპრეზიდენტო არჩევნებამდე სულ უფრო გაამძაფრებს რიტორიკას და გახშირდება პროვოკაციები... ამით ეცდება ხალხს დაანახოს ახალი მთავრობის უუნარობა ურთიერთობების აღდგენისას. ასევე, ვინაიდან არჩევნებამდე "ოცნებამ" უხვად გასცა რუსულ-ქართული კრიზისიდან გამოსვლის დაპირებები, რუსების გათვლით სიტუაციის ნებისმიერი გაუარესება მთავრობის ავტორიტეტზე აისახება და ხალხში იმედგაცრუებას გააღრმავებს. შეიძლება პარადოქსულად მოგეჩვენოთ, მაგრამ ამგვარი ქმედებებით იგი განამტკიცებს პრორუსული პოლიტიკური ძალების პოზიციებს, განსაკუთრებით რეგიონებში. იქ ნაკლებია ინფორმაცია და პოლიტიკური განსწავლულობა, მაგრამ ყველაზე მწვავედ იგრძნობა რუსეთთან ეკონომიკური კავშირის გაწყვეტა. გარდა ამისა, გენერალ ტოტლებენის ტაქტიკა (წაქცეულზე წიხლის დაჭერა) კვლავ ძალაშია...", - წერს ცოტნე გამსახურდია.
