მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კვესიტაძე-პაიჭაძის მხარდამჭერები და მოწინააღმდეგეები ერთმანეთს ფიზიკურად დაუპირისპირდნენ
07:38 / 18-09-2013
საზოგადოებრივ მაუწყებელში ეკა კვესიტაძისა და დავით პაიჭაძის პრესკონფერენცია ხმაურით მიმდინარეობდა. პრესკონფერენციის დაწყებისას, საკონფერენციო დარბაზში გია კორკოტაშვილი და ირაკლი კაკაბაძე შევიდნენ. გადაცემის წამყვანებსა და მათ შორის მცირე შეკამათება მოხდა.
როგორც კორკოტაშვილი და კაკაბაძე ამბობენ, კვესიტაძის და პაიჭაძის ადგილი საზოგადოებრივ მაუწყებელში აღარ არის. გია კორკოტაშვილმა გადაცემის წამყვანები პოლიციური რეჟიმის მხარდაჭერაში დაადანაშაულა, თუმცა ინციდენტი მალევე ამოიწურა.
კორკოტაშვილმა და კაკაბაძემ საკონფერენციო ოთახი მალევე დატოვეს. მოგვიანებით საზოგადოებრივ მაუწყებელთან მიმდინარე აქციაზე კვესიტაძე-პაიჭაძის მხარდამჭერები და მოწინააღმდეგეები ერთმანეთს ფიზიკურად დაუპირისპირდნენ.
როგორც "ინტერპრესნიუსის" კორესპონდენტი იუწყება, აქციის მონაწილეთა ერთმა ჯგუფმა ერთმანეთს ჯერ სიტყვიერი შეურაცხყოფა მიაყენეს, შემდეგ კი - ფიზიკური.
ადგილზე საპატრულო პოლიციის წარმომადგენლები არიან მობილიზებული, რომლებმაც დაპირისპირებული პირები ერთმანეთს დააშორეს. ადგილზე ამ დრომდე დაძაბული ვითარებაა.
საზოგადოებრივ მაუწყებელთან ერთმანეთის პარალელურად, ორი საპროტესტო აქცია მიმდინარეობს. ახლად დაფუძნებული საზოგადოება "თბილისელების" წარმომადგენლები კვესიტაძე-პაიჭაძის წინააღმდეგ გამოდიან და აცხადებენ, რომ მათი გადაცემები ეთერში არ უნდა გავიდეს. აქციაზე იმყოფებიან კაფე "ლა ტრუფეს" ინციდენტში მონაწილე პირები - მანანა გიორგობიანი და მამუკა ბაკურია.
რაც შეეხება მეორე აქციას, მას სოციალურად დაუცველები მართავენ. ისინი ფართების დაკანონებას მოითხოვენ. აქციაზე იმყოფებიან 142-ე სკოლიდან გამოსახლებული სოციალურად დაუცველები. ისინი აცხადებენ, რომ ხელისუფლება სოციალურად დაუცველებს ატყუებს.
იხილეთ ფოტოგალერეა
იხილეთ ვიდეო: "კრაკადილზე" ბებიაშენია" - შელაპარაკება ირაკლი კაკაბაძესა და აქციის მონაწილეებს შორის
ასევე იხილეთ: "ჩაიკმინდე ხმა" - კვესიტაძეს და პაიჭაძეს კაკაბაძე და კორკოტაშვილი დაუპირისპირდნენ
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
