"თავ­და­პირ­ვე­ლი პრო­ფე­სი­ით ბი­ო­ლო­გი ვარ, თბი­ლი­სის სა­ხელ­მწი­ფო უნი­ვერ­სი­ტეტ­ში მი­ღე­ბუ­ლი სა­მა­გის­ტრო გა­ნათ­ლე­ბით კი - ეკო­ლო­გი, ასე­ვე უმაღ­ლე­სი გა­ნათ­ლე­ბა ვე­ტე­რი­ნა­რუ­ლი მე­დი­ცი­ნის სპე­ცი­ა­ლო­ბი­თაც მაქვს მი­ღე­ბუ­ლი", - აღ­ნიშ­ნავს უფ­ლე­ბა­დამ­ცვე­ლი და გა­რე­მოს­დაც­ვი­თი სა­კი­თხე­ბის ექ­სპერ­ტი ლაშა ჩხარ­ტიშ­ვი­ლი, რო­მე­ლიც სა­ქარ­თვე­ლო­ში ჩა­ტა­რე­ბუ­ლი თით­ქმის ყვე­ლა აქ­ცი­ის მო­ნა­წი­ლე ან ორ­გა­ნი­ზა­ტო­რია...

- ლაშა, მოგ­ვი­ყე­ვით თქვენ­ზე...

- 10 წელი, მე-3 კურ­სი­დან სა­ქარ­თვე­ლოს მეც­ნი­ე­რე­ბა­თა აკა­დე­მი­ის ზო­ო­ლო­გი­ის ინ­სტი­ტუ­ტში ვმუ­შა­ობ­დი, სა­დაც მეც­ნი­ერ-თა­ნამ­შრო­მე­ლი გახ­ლდით. ვარ 20-მდე სა­მეც­ნი­ე­რო პუბ­ლი­კა­ცი­ის ავ­ტო­რი, მრა­ვა­ლი სა­მეც­ნი­ე­რო კონ­ფე­რენ­ცი­ის მო­ნა­წი­ლე, ეროვ­ნუ­ლი, ასე­ვე სა­უ­ნი­ვერ­სი­ტე­ტო კონ­ფე­რენ­ცია-კონ­კურ­სის და დე­ბა­ტე­ბის კონ­კურ­სის გა­მარ­ჯვე­ბუ­ლი, ჰა­ინ­რიხ ბი­ო­ლის ფონ­დის სა­მეც­ნი­ე­რო კვლე­ვი­თი სტი­პენ­დი­ის მფლო­ბე­ლი.

- ლაშა, რა­ტომ გა­და­წყვი­ტეთ, რომ უფ­ლე­ბა­დამ­ცვე­ლი ყო­ფი­ლი­ყა­ვით? ნე­ბის­მი­ე­რი ჯგუ­ფის საპ­რო­ტეს­ტო აქ­ცია, პრაქ­ტი­კუ­ლად, თქვენ გა­რე­შე არა­სო­დეს მიმ­დი­ნა­რე­ობს...

- ჩემ მიერ რო­გორც პრო­ფე­სი­ის არ­ჩე­ვა, ასე­ვე სა­ზო­გა­დო­ებ­რი­ვი, სა­ჯა­რო საქ­მი­ა­ნო­ბის და­წყე­ბა, ბუ­ნე­ბის და ყვე­ლა ცო­ცხა­ლი არ­სე­ბის სიყ­ვა­რუ­ლით იყო გან­პი­რო­ბე­ბუ­ლი. ბავ­შვო­ბა­ში ვცდი­ლობ­დი, უსახ­ლკა­რო ცხო­ვე­ლებს, ძაღ­ლებ­სა და კა­ტებს დავ­ხმა­რე­ბო­დი, სახ­ლში მი­მეყ­ვა­ნა და გა­მო­მეკ­ვე­ბა. შემ­დეგ გა­დავ­წყვი­ტე, საქ­მი­ა­ნო­ბის სფე­როდ შე­სა­ბა­მი­სი პრო­ფე­სი­ე­ბი, - ბი­ო­ლო­გია, ეკო­ლო­გია, ზო­ო­ლო­გია, ვე­ტე­რი­ნა­რია ამერ­ჩია. ასე­ე­ვე გავმხდა­რი­ყა­ვი ვე­გე­ტა­რი­ა­ნე­ლი ანუ ეთი­კუ­რი მო­საზ­რე­ბე­ბის გამო ხორ­ცის საკ­ვე­ბად გა­მო­ყე­ნე­ბა­ზე უარი მეთ­ქვა, თუმ­ცა, მრწამ­სით მარ­თლმა­დი­დე­ბე­ლი ქრის­ტი­ა­ნი ვარ.

ასე რომ, ბუ­ნებ­რი­ვია, სა­ჯა­რო საქ­მი­ა­ნო­ბა გა­რე­მოს დაც­ვით სფე­რო­თი და­ვი­წყე, ჯერ კი­დევ მე-2 კურ­სზე სწავ­ლი­სას, 1998 წელს, ჩა­მო­ვა­ყა­ლი­ბე გა­რე­მო­სა და ცხო­ველ­თა უფ­ლე­ბე­ბის დამ­ცვე­ლი კავ­ში­რი "ლობო". მისი საქ­მი­ა­ნო­ბა სა­კი­თხთა საკ­მა­ოდ ფარ­თო სპექტრს მო­ი­ცავ­და...

ვი­ნა­ი­დან ბავ­შვო­ბი­დან ჩემ­თვის სრუ­ლი­ად მი­უ­ღე­ბე­ლი იყო უსა­მარ­თლო­ბა და ამას­თა­ნა­ვე, ყო­ველ­თვის ვცდი­ლობ­დი, დავ­ხმა­რე­ბო­დი ადა­მი­ა­ნებს, ჯერ კი­დევ თბი­ლი­სის სა­ხელ­მწი­ფო უნი­ვერ­სი­ტეტ­ში სწავ­ლი­სას, ად­მი­ნის­ტრა­ცი­ის მხრი­დან, არა­ერ­თგზის სტუ­დენ­ტთა უფ­ლე­ბე­ბის შე­ლახ­ვის ფაქ­ტებს შე­ვე­ჯა­ხე, რის წი­ნა­აღ­მდე­გაც მო­რა­ლუ­რად არ შე­მეძ­ლო, არ გა­მე­ლაშ­ქრა. ასე და­ი­წყო ჩემი ჯერ არა­ფორ­მა­ლუ­რი უფ­ლე­ბა­დაც­ვი­თი საქ­მი­ა­ნო­ბა, რა­საც შე­დე­გად სხვა­დას­ხვა სტუ­დენ­ტუ­რი ორ­გა­ნი­ზა­ცი­ის ხელ­მძღვა­ნე­ლად არ­ჩე­ვა მოჰ­ყვა. იმის მერე აქ­ტი­უ­რად ვიბ­რძო­დი სტუ­დენ­ტთა უფ­ლე­ბე­ბის­თვის, ასე­ვე კო­რუფ­ცი­ი­სა და სხვა და­ნა­შა­უ­ა­ლე­ბა­თა წი­ნა­აღ­მდეგ. სწო­რედ ადა­მი­ა­ნის უფ­ლე­ბე­ბის უხე­ში შე­ლახ­ვა და გა­რე­მოს­დაც­ვი­თი პრინ­ცი­პე­ბის უგულ­ველ­ყო­ფა გახ­ლდათ ის ძი­რი­თა­დი მი­ზე­ზე­ბი, რის გა­მოც, მწვა­ვედ და­ვუ­პი­რის­პირ­დი, რო­გორც შე­ვარ­დნა­ძის, ასე­ვე სა­ა­კაშ­ვი­ლის რე­ჟი­მებს.

- 2005 წელს რო­გორც მახ­სოვს, ტე­ლე­კომ­პა­ნია "202"-ის ეთერ­ში დე­ბა­ტებ­საც უძღვე­ბო­დით...

- რო­დე­საც ტე­ლე­კომ­პა­ნია "202"-ის და­ხურ­ვის მიზ­ნით, სა­ა­კაშ­ვი­ლის რე­ჟიმ­მა ამ ტე­ლე­კომ­პა­ნი­ა­ზე პირ­და­პი­რი შე­ტე­ვა მი­ი­ტა­ნა, მა­შინ მის გა­და­სარ­ჩე­ნად, მე იმ დრო­ის­თვის თით­ქმის ერ­თა­დერ­თი და­მო­უ­კი­დე­ბე­ლი სა­ტელ­ვი­ზიო სა­ზო­გა­დო­ებ­რივ-პო­ლი­ტი­კუ­რი თოქ-შოუს "დე­ბა­ტე­ბი 202-ზე" წამ­ყვა­ნი გავ­ხდი და 4 თვის გან­მავ­ლო­ბა­ში, პირ­და­პირ ეთერ­ში, 50-მდე ძა­ლი­ან მწვა­ვე გა­და­ცე­მა წა­ვიყ­ვა­ნე... 2006 წელს კი თა­ნა­მო­აზ­რე­ებ­თან - ირაკ­ლი კა­კა­ბა­ძეს­თან, ზუ­რაბ რთვე­ლი­აშ­ვილ­თან და ზვი­ად ბო­კუ­ჩა­ვას­თან ერ­თად, და­ვა­ფუძ­ნე იმ დრო­ი­სათ­ვის ალ­ბათ ყვე­ლა­ზე აქ­ტი­უ­რი უფ­ლე­ბა­დაც­ვი­თი არა­სამ­თავ­რო­ბო ორ­გა­ნი­ზა­ცია - "თა­ნას­წო­რო­ბის ინ­სტი­ტუ­ტი", რო­მე­ლიც წლე­ბის გან­მავ­ლო­ბა­ში, ყვე­ლა­ზე გა­ბე­დუ­ლად და პრინ­ცი­პუ­ლად ილაშ­ქრებ­და სა­ა­კაშ­ვი­ლის რე­ჟი­მის და­ნა­შა­უ­ლე­ბა­თა, უპირ­ვე­ლეს ყოვ­ლი­სა კი "სიკ­ვდი­ლის ბრი­გა­დე­ბის" საქ­მი­ა­ნო­ბის წი­ნა­აღ­მდეგ, რო­მელ­თაც შე­ე­წი­რა ბუტა რო­ბა­ქი­ძის, სან­დრო გირ­გვლი­ა­ნის, ზუ­რაბ ვა­ზა­გაშ­ვი­ლის, გი­ორ­გი გამ­ცემ­ლი­ძი­სა და კი­დევ ასო­ბით ადა­მი­ა­ნის სი­ცო­ცხლე... 2007 წლის 7 ნო­ემ­ბერს და პრაქ­ტი­კუ­ლად, 2001 წლი­დან მო­ყო­ლე­ბუ­ლი, აქ­ცი­ას არ ჩა­უვ­ლია ჩემი აქ­ტი­უ­რი მო­ნა­წი­ლე­ო­ბის, ძი­რი­თად ორ­გა­ნი­ზა­ტო­რო­ბის ან თა­ნა­ორ­გა­ნი­ზა­ტო­რო­ბის გა­რე­შე, რაც რო­გორც წესი, დარ­ბე­ვით სრულ­დე­ბო­და.

2012 წელს კონ­სერ­ვა­ტი­უ­ლი პარ­ტი­ის კო­ა­ლი­ცია "ქარ­თუ­ლი ოც­ნე­ბა­ში" გა­წევ­რი­ა­ნე­ბის შემ­დეგ, კო­ა­ლი­ცი­ის ლიდ­რე­ბის თხოვ­ნით, "ქარ­თუ­ლი ოც­ნე­ბის" გა­რე­მოს დაც­ვის თე­მა­ტუ­რი, სა­ექ­სპერ­ტო ჯგუ­ფის ხელ­მძღვა­ნე­ლი გავ­ხდი. მო­ვამ­ზა­დე კო­ა­ლი­ცია "ქარ­თუ­ლი ოც­ნე­ბის" სა­არ­ჩევ­ნო პროგ­რა­მის "გა­რე­მოს დაც­ვი­სა და ბუ­ნებ­რი­ვი რე­სურ­სე­ბის მარ­თვის" თავი, რომ­ლის მრა­ვალ და­პი­რე­ბა­საც სამ­წუ­ხა­როდ, ხე­ლი­სუფ­ლე­ბა­ში მოს­ვლის შემ­დეგ, უხე­შად არ­ღვე­ვენ აღ­ნიშ­ნუ­ლი პო­ლი­ტი­კუ­რი კო­ა­ლი­ცი­ის წარ­მო­მად­გენ­ლე­ბი და მისი ლი­დე­რი ბა­ტო­ნი ივა­ნიშ­ვი­ლი, მა­გა­ლი­თად, მათ არა­თუ არ აკ­რძა­ლეს დიდი ჰე­სე­ბის მშე­ნებ­ლო­ბა, არა­მედ ახა­ლი მე­მო­რან­დუ­მი გა­ა­ფორ­მეს ხუ­დო­ნ­ჰე­სის მშე­ნებ­ლო­ბის თა­ო­ბა­ზე და მისი მშე­ნებ­ლო­ბის აუ­ცი­ლებ­ლო­ბის თა­ო­ბა­ზე უა­პე­ლა­ციო გან­ცხა­დე­ბებ­საც კი აკე­თე­ბენ. არ­სად ჩანს სა­მარ­თლი­ა­ნო­ბის აღ­დგე­ნის ნი­შანკვა­ლიც კი და არც სხვა და­პი­რე­ბა­თა უმ­რავ­ლე­სო­ბა სრულ­დე­ბა. სა­არ­ჩევ­ნო და­პი­რე­ბე­ბის დარ­ღვე­ვის, ასე­ვე ში­და­პარ­ტი­უ­ლი დე­მოკ­რა­ტი­ის არარ­სე­ბო­ბის გამო, 2013 წლის და­სა­წყის­ში დავ­ტო­ვე, სა­ქარ­თვე­ლოს კონ­სერ­ვა­ტი­უ­ლი პარ­ტია, ასე­ვე კო­ა­ლი­ცია "ქარ­თუ­ლი ოც­ნე­ბა".

ამას­თა­ნა­ვე გა­სულ წლებ­ში რამ­დე­ნი­მე ტე­ლე­არხზე "ობი­ექ­ტი­ვი", "თრი­ა­ლე­თი" და "კვი­რი­კე" მიმ­ყავ­და გა­რე­მოს­დაც­ვი­თი, ადა­მი­ა­ნის უფ­ლე­ბე­ბი­სა და სო­ცი­ა­ლუ­რი სა­კი­თხე­ბი­სად­მი მი­ძღვნი­ლი, ასე­ვე სა­გან­მა­ნათ­ლებ­ლო მი­მარ­თუ­ლე­ბის თოქ-შო­უ­ე­ბი. "ობი­ექ­ტივ­ზე" ჩვე­ნი, დღე­ი­სათ­ვის სა­ქარ­თვე­ლო­ში ერ­თა­დერ­თი, გა­რე­მოს­დაც­ვი­თი გა­და­ცე­მა, რო­მე­ლიც დიდი პო­პუ­ლა­რო­ბით სარ­გებ­ლობ­და, აშ­კა­რად პო­ლი­ტი­კუ­რი მო­ტი­ვე­ბით, გან­სა­კუთ­რე­ბით კი დიდი ჰე­სე­ბის მშე­ნებ­ლო­ბას­თან და­კავ­ში­რე­ბუ­ლი მწვა­ვე და პრინ­ცი­პუ­ლი გა­და­ცე­მე­ბის­თვის დაგ­ვი­ხუ­რეს მე და ჩემ თა­ნა­წამ­ყვან ია სი­რა­ნაშ­ვილს.

- კმა­ყო­ფი­ლი ხართ ამ თქვე­ნი საქ­მი­ა­ნო­ბით? არ გღ­ლით მუდ­მი­ვად ამ­დე­ნი უარ­ყო­ფი­თი, ნე­გა­ტი­უ­რი ინ­ფორ­მა­ცი­ე­ბის მი­ღე­ბა?

- ვცდი­ლობ, ყო­ველ­თვის იქ ვიყო, სა­დაც ადა­მი­ა­ნებს უჭირთ და ჩემი დახ­მა­რე­ბა სჭირ­დე­ბათ, ან ბუ­ნე­ბას და სი­ცო­ცხლეს ემუქ­რე­ბა საფრ­თხე. 10-ჯერ ვი­ყა­ვი უკა­ნო­ნოდ, პო­ლი­ტი­კუ­რი ნიშ­ნით და­კა­ვე­ბუ­ლი, 3 სე­რი­ო­ზუ­ლი ფი­ზი­კუ­რი ტრავ­მა მაქვს მი­ღე­ბუ­ლი, რამ­დენ­ჯერ ვარ დარ­ბე­უ­ლი, უკვე სათ­ვა­ლა­ვიც ამე­რია... მეც­ნი­ე­რე­ბა­თა აკა­დე­მი­ის ზო­ო­ლო­გი­ის ინ­სტი­ტუ­ტში ჩემი, მეც­ნი­ერ-თა­ნამ­შრომ­ლის შტა­ტი სა­ერ­თოდ გა­ა­უქ­მეს, შვი­ლი მა­შინ შე­მე­ძი­ნა, როცა ცი­ხე­ში ვი­ჯე­ქი, იყო უამ­რა­ვი მუ­ქა­რა და მოს­ყიდ­ვის მცდე­ლო­ბა და სხვა მრა­ვა­ლი "სი­ა­მე"... ჯერ კი­დევ 24 წლის ასაკ­ში გა­რე­მოს დაც­ვის მი­ნის­ტრის მო­ად­გი­ლე­ო­ბას მთა­ვა­ზობ­დნენ... მაგ­რამ ვე­რა­ვინ შე­მა­ში­ნა და მი­ყი­და.

- ამ ყვე­ლაფ­რის კომ­პენ­სა­ცია რა არის?

- ამ ყვე­ლაფ­რის კომ­პენ­სა­ცია მხო­ლოდ ხალ­ხის, ადა­მი­ა­ნე­ბის დიდი სიყ­ვა­რუ­ლი და პა­ტი­ვის­ცე­მაა, რაც ვფიქ­რობ, უმ­ნიშ­ვნე­ლო­ვა­ნე­სია და ძა­ლი­ან სა­ა­მა­ყო! ასე­ვე არა­ნაკ­ლებ მნიშ­ვნე­ლო­ვა­ნია, რომ სა­კუ­თარ თავ­თან და სინ­დის­თან მარ­თა­ლი ვარ.…

- ბოლო დროს საგ­რძნობ­ლად შე­იც­ვა­ლეთ გა­რეგ­ნუ­ლად, - წო­ნა­ში და­ი­კე­ლით. ეს თქვე­ნი ცხოვ­რე­ბის სტილ­მა გა­მო­იწ­ვია თუ დი­ე­ტის დაც­ვა მო­გიხ­დათ?

- ჩემი ცხოვ­რე­ბის და ასე ვთქვათ, სა­მუ­შაო გრა­ფი­კის გამო (სულ გა­დარ­ბე­ნა­ზე ვარ, არა­თუ ნორ­მა­ლუ­რად სა­სა­დი­ლოდ, არა­მედ თა­ვის მო­სა­ფხა­ნა­დაც არ მრჩე­ბა დრო)... ერთი პე­რი­ო­დი ძა­ლი­ან გავ­სუქ­დი, რად­გან დღე­ში ერთხელ თუ ვიც­ლი­დი საკ­ვე­ბის მი­სა­ღე­ბად და ისიც ღა­მით, სახ­ლში მის­ვლის შემ­დგომ.... ძა­ლი­ან არ მო­მე­წო­ნა სა­კუ­თა­რი გა­რეგ­ნო­ბა და 2012 წლის და­სა­წყის­ში სა­კუ­თა­რი მე­თო­დით, დი­ე­ტა და­ვი­წყე, შე­დე­გად სამ თვე­ში 37 კი­ლოგ­რა­მი და­ვი­კე­ლი...

- მოგ­წონთ სა­კუ­თა­რი თავი ასეთ ფორ­მა­ში?

- ბუ­ნებ­რი­ვია ასეთ ფორ­მა­ში უფრო მომ­წონს, ვიდ­რე მა­შინ, გა­სუ­ქე­ბუ­ლი რომ ვი­ყა­ვი. თან ფი­ზი­კუ­რად უფრო მსუ­ბუ­ქად და ძლი­ე­რად ვგრძნობ თავს.

- ად­ვი­ლია ახალ­გაზ­რდა კა­ცის­თვის ასე­თი სტრე­სუ­ლი ცხოვ­რე­ბით ცხოვ­რე­ბა, რო­მე­ლიც ახალ­გაზ­რდა ოჯა­ხის პატ­რო­ნია?

- უკვე არც ისე ახალ­გაზ­რდაა ჩვე­ნი ოჯა­ხი. მალე ჩვე­ნი ქორ­წი­ნე­ბის 14 წლის იუ­ბი­ლე უნდა აღ­ვნიშ­ნოთ. ასე­თი სტრე­სუ­ლი გა­რე­მო, რა თქმა უნდა, საკ­მა­ოდ რთუ­ლი და დამ­ღლე­ლია, მაგ­რამ სხვა რა გზა მაქვს. ბავ­შვო­ბი­დან ვერ ვი­ტან უსა­მარ­თლო­ბას და სა­ოც­რად მიყ­ვარს ჩემი სამ­შობ­ლო, ასე­ვე ბუ­ნე­ბა, ასე რომ, ყო­ველ­თვის მზად ვი­ყა­ვი და ვიქ­ნე­ბი უკა­ნო­ნო პა­ტიმ­რო­ბე­ბიც, საკ­მა­ოდ მძი­მე ფი­ზი­კუ­რი ტრავ­მე­ბიც, ნერ­ვი­უ­ლო­ბაც ავი­ტა­ნო და პრინ­ცი­პე­ბის­თვის თა­ვიც კი გავ­წი­რო!

- მე­უღ­ლე ამ ყვე­ლა­ფერს "გა­გე­ბით ეკი­დე­ბა?"

- ეს რა თქმა უნდა, ად­ვი­ლი არ არის, მაგ­რამ ჩემს მე­უღ­ლეს - მან­ჩოს (მა­ნა­ნა გე­დე­ვა­ნიშ­ვი­ლი) მინ­და, "ჯო­მო­ლუნ­გმა­ზე" დიდი მად­ლო­ბა გა­და­ვუ­ხა­დო ჩემი და ჩემი ექ­სტრე­მა­ლუ­რად რთუ­ლი საქ­მი­ა­ნო­ბის გმი­რუ­ლად გაძ­ლე­ბი­სათ­ვის სხვა თუ არა­ფე­რი, მე­ო­რე შვი­ლი, ჩვე­ნი საყ­ვა­რე­ლი ქე­თუ­თა ერთი კვი­რით ადრე იმი­ტომ და­ი­ბა­და, რომ სა­ა­კაშ­ვი­ლის რე­ჟი­მის მიერ მე­ცხრედ ვი­ყა­ვი უკა­ნო­ნოდ და­პა­ტიმ­რე­ბუ­ლი! ქე­თუ­თა რომ და­ი­ბა­და, გო­რის დრო­ე­ბი­თი მო­თავ­სე­ბის იზო­ლა­ტორ­ში ვიხ­დი­დი მო­რიგ პო­ლი­ტი­კურ პა­ტიმ­რო­ბას, სა­ბო­ლო­ოდ უკა­ნო­ნო პა­ტიმ­რო­ბის ვა­დის ამო­წურ­ვის შემ­დეგ, მე ცი­ხი­დან, ხოლო მან­ჩო და პა­ტა­რა - სამ­შო­ბი­ა­რო­დან ერთ დღეს გა­მო­ვე­დით... ეს პა­ტიმ­რო­ბე­ბი რომ ნამ­დვი­ლად პო­ლი­ტი­კუ­რი ნიშ­ნით ხორ­ცი­ელ­დე­ბო­და, ეს მო­ქა­ლა­ქე­ებ­საც ემახ­სოვ­რე­ბათ ვი­დე­ო­კად­რე­ბი­დან და სტრას­ბურ­გის ადა­მი­ა­ნის უფ­ლე­ბა­თა სა­სა­მარ­თლო­მაც და­ა­დას­ტუ­რა თა­ვი­სი 2012 წლის 2 ოქ­ტომ­ბრის გა­და­წყვე­ტი­ლე­ბით, რო­მე­ლიც ასეთ სიმ­ბო­ლურ თა­რიღს გა­მო­ი­ტა­ნა.

- შვი­ლე­ბის­თვის თუ იც­ლით და რო­გო­რი მამა და მე­უღ­ლე ხართ?

- ადრე საკ­მა­ოდ მო­უც­ლე­ლი მამა ვი­ყა­ვი... ბოლო დროს უფრო ვა­ხერ­ხებ ოჯახ­თან, დუ­დუს­თან და ქე­თუ­თას­თან დრო­ის გა­ტა­რე­ბას და თა­მაშს, რაც ძა­ლი­ან მა­ხა­რებს... მე­უღ­ლე კი ყვე­ლა­ზე სა­უ­კე­თე­სო მყავს დე­და­მი­წა­ზე და მე ის სა­ოც­რად მიყ­ვარს.

ლალი ფა­ცია

სპე­ცი­ა­ლუ­რად "ამ­ბე­ბი.გე"-სთვის