მნიშვნელოვანი ინფორმაცია
26
აპრილიდღის ზოგადი ასტროლოგიური პროგნოზი
კვირა, მთვარის ოცდამეცხრე დღე დაიწყება 05:27-ზე; ხოლო მთვარის პირველი დღე 23:30-ზე, მთვარე 11:16-ზე ესტუმრება კუროს
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბათუმში წუხანდელ ინციდენტში ჩეჩენი მოქალაქე მონაწილეობდა
03:29 / 14-09-2013
ბათუმში, ლერმონტოვის და პუშკინის ქუჩების გადაკვეთაზე წუხელ მომხდარი ინციდენტის რამდენიმე ახალი დეტალი გახდა ცნობილი. - როგორც "ინტერპრესნიუსის" კორესპონდენტი იუწყება, მოჭიდავე ფირუზ წულუკიძე და მისი მწვრთნელი თემურ ბახუნდარიძე ჩეჩენ მეგობართან ერთად ბათუმის ქუჩებში მსუბუქი ავტომობილით გადაადგილდებოდნენ. პოლიციის თანამშრომლებმა შემოწმების მიზნით საბუთების წარდგენა მოსთხოვეს, რა დროსაც ჩეჩენმა პირმა ცეცხლსასროლი იარაღიდან რამდენჯერმე გაისროლა.
გასროლის შედეგად ბრმა ტყვიით მუცლის არეში დაჭრილია მოქალაქე, რომელიც პუშკინის ქუჩაზე იმყოფებოდა, ხოლო პოლიციის თანამშრომელს ჭრილობა ხელის არეში აქვს მიყენებული. ჩეჩენი მოქალაქის მიერ ცეცხლის გახსნის შემდეგ საპასუხო გასროლა განახორციელეს პოლიციის თანამშრომლებმა, რა დროსაც დაიჭრა ჩეჩენი მოქალაქე.
სამივე დაჭრილი შემთხვევის ადგილიდან ბათუმის რესპუბლიკურ საავადმყოფოში გადაიყვანეს და ქირურგიული ოპერაცია ჩაუტარეს. ფირუზ წულუკიძე და თემურ ბახუნდარიძე დაკავებული არიან.
ამასთან, მოჭიდავე ფირუზ წულუკიძე ევროპის ჩემპიონია, თუმცა წელს, როგორც თავად აცხადებდა ერთ-ერთ პრესკონფერენციაზე, მსოფლიო ჩემპიონატზე გამგზავრების უფლება სამართალდამცველებმა არ მისცეს.
ფირუზ წულუკიძე რელიგიური ნიშნით დისკრედიტაციაზე საუბრობდა და ბრალდებებს შინაგან საქმეთა სამინისტროს უყენებდა: "ვემზადებოდით მსოფლიო ჩემპიონატისათვის. 10 აგვისტოს, ბულგარეთში უნდა გავფრენილიყავით. მივედით აეროპორტში, ბარგი ჩავაბარეთ, ჩასხდომის დროს მივაწოდე პასპორტი, ერთი საათი მალოდინეს. მოვიდა პოლიციელი და მითხრა, რომ საზღვარზე ვერ გავიდოდი, მიზეზი ასეთი იყო, რომ საქართველოსთვის საშიშ პიროვნებებთან გაქვთ ურთიერთობაო", - განაცხადა ფირუზ წულუკიძემ თბილისში 21 აგვისტოს გამართული პრესკონფერენციის დროს.
ამასთან, როგორც "ინტერპრესნიუსისთვის" გახდა ცნობილი, წუხელ პოლიციის თანამშრომლები შემოწმების შემდეგ სამივე ზემოაღნიშნული დაპატიმრებას აპირებდნენ.
ამასთან, შს სამინისტროს გუშინდელი ოფიციალური ინფორმაციით, კონტრტერორისტული ცენტრის თანამშრომლებს ჰქონდათ ოპერატიული ინფორმაცია, რომ პიროვნება საქართველოში არალეგალურად იყო შემოსული. გადამოწმების მიზნით ის სამართალდამცველებმა შეაჩერეს და საბუთები მოსთხოვეს, რომლის დროსაც აღნიშნულმა პირმა ხელჩანთიდან ამოიღო იარაღი და პოლიციელის მისამართით მოახდინა რამდენიმე გასროლა. გასროლის შედეგად დაიჭრა პოლიციელი და გამვლელი მოქალაქე. პოლიციამ გახსნა საპასუხო ცეცხლი თავდამსხმელის მისამართით. თავდამსხმელი დაჭრილია, იგი დაკავებულია თავის ორ თანმხლებ პირთან ერთად. დაჭრილები მოთავსებული არიან საავადმყოფოში და მათ სიცოცხლეს საფრთხე არ ემუქრება. სხვა დეტალებს საზოგადოებას მოგვიანებით ვაცნობებთ", - განუცხადა "ინტერპრესნიუსს" შსს-ს საზოგადოებასთან ურთიერთობის სამსახურის უფროსმა ნინო გიორგობიანმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
