მნიშვნელოვანი ინფორმაცია
2
აპრილიდღის ზოგადი ასტროლოგიური პროგნოზი
ოთხშაბათი, მთვარის მეხუთე დღე დაიწყება 07:57-ზე, მთვარე ტყუპშია
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ.ცუდი დღეა ნიშნობისა და ქორწინებისთვის. მოერიდეთ ცხოველური საკვებს. ნაკლები დრო გაატარეთ უჰაერო ოთახში, მოერიდეთ ე.წ. მოწევის ადგილებს. გაანიავეთ ოთახი. შეამცირეთ დატვირთვა ხელებსა და მხრებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სასამართლომ ჯგუფურ გაუპატიურებაში მონაწილე ოთხ დამნაშავეს სიკვდილით დასჯა მიუსაჯა
07:20 / 13-09-2013
ინდოეთის სასამართლომ სიკვდილით დასჯა მიუსაჯა ჯგუფურ გაუპატიურებაში მონაწილე ოთხ დამნაშავეს, რომელთაც გასული წლის დეკემბერში, 23 წლის სტუდენტ გოგონას სასტიკ გაუპატიურებაში ედებათ ბრალი. ამის შესახებ "ბიბისი"იუწყება.
მოსამართლის განცხადებით, სასამართლომ ასეთი განაჩენი იმიტომ გამოიტანა, რომ დამნაშავეთა მიერ ჩადენილმა დანაშაულმა მთელ ინდოეთში საერთო ვნებათაღელვა გამოიწვია და სასამართლო თვალს ვერ დახუჭავდა.
"ეს შემთხვევა დანაშაულის უიშვიათეს კატეგორიას მიეკუთვნებოდა და სიკვდილით დასჯას იმსახურებდა", - აღნიშნა მოსამართლე ხანამ.
"ბედნიერები ვართ განაჩენით. სამართალი აღსრულდა", - განაცხადა გარდაცვლილი გოგონას მამამ.
გასული წლის დეკემბერში ექვსმა მამაკაცმა დელიში, მიმავალ ავტობუსში 23 წლის სტუდენტი გოგონა გააუპატიურა, რომელიც მეგობარ ბიჭთან ერთად იმყოფებოდა. მოგვიანებით, თავდამსხმელებმა გოგონაც და სასტიკად ნაცემი ბიჭიც ავტობუსიდან გადმოაგდეს. შემთხვევიდან რამდენიმე კვირაში გაუპატიურებული გოგონა სინგაპურის კლინიკაში გარდაიცვალა.
მომხდარს საყოველთაო პროტესტი მოყვა ინდოეთის დიდ ქალაქებში, სადაც დემონსტრანტები ქვეყნის ხელისუფლებისგან ასეთი სახის მოძალადეების სასჯელის ყველაზე მკაცრი ზომით დასჯას მოითხოვდნენ.
მიმდინარე წლის მარტში 23 წლის გოგონას გაუპატიურებაში მონაწილე ერთ-ერთი მოძალადე პოლიციამ საკანში გარდაცვლილი აღმოაჩინა. გავრცელებული ინფორმაციით, მან თავი ჩამოიხრჩო. ამავე დანაშაულში მონაწილე არასრულწლოვანი, რომელიც დანაშაულის ჩადენის პერიოდში 17 წლის იყო, აგვისტოში გაასამართლეს და ასაკიდან გამომდინარე, სამი წლით თავისუფლების აღკვეთა მიუსაჯეს.
"ბიბისის" ინფორმაციით, ინდოეთში ყოველ 20 წუთში ერთ ქალს აუპატიურებენ. მარტში ქვეყნის ხელისუფლებამ გაუპატიურების ყველაზე შემზარავ შემთხვევებში დამნაშავეთა სიკვდილით დასჯის კანონი მიიღო.
მომზადებულია bbc.co.uk-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
