მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
ორშაბათი, მთვარის ოცდამეშვიდე დღე დაიწყება 02:18-ზე, მთვარე ტყუპში გადავა 06:57-ზე –
რეკომენდებულია საიდუმლო ცოდნის მიღება. რთული სიტუაციიდან გამოსავლის პოვნა. იყავით ყურადღებიანი ყველა ფინანსურ საკითხზე. გადაიხადეთ ვალები. შუადღის შემდეგ გააფორმეთ კონტრაქტები და დაიწყეთ ახალი საქმე. მოაგვარეთ პრობლემები პარტნიორებთან, კოლეგებთან და უფროსებთან. გამოიჩინეთ ტოლერანტობა, გაგება, დიპლომატია. დრო დაუთმეთ სწავლას. არ დალიოთ ალკოჰოლი. მოერიდეთ ხორცის კერძებს. კარგი დღეა რომანტიკული პაემნისთვის. ასევე ხელსაყრელი პერიოდია ჩხუბისა და კონფლიქტის შემდეგ შერიგებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
საკეისრო კვეთასთან დაკავშირებით ახალი ბრძანება გამოიცემა
10:01 / 12-09-2013
საკეისრო კვეთების ყველაზე მაღალი მაჩვენებელი სამეგრელოში ფიქსირდება და იგი საერთო მშობიარობის 56%-ს შეადგენს. ამის შესახებ დღეს, დაავადებათა კონტროლის ეროვნულ ცენტრში გამართულ შეხვედრაზე ჯანდაცვის მინისტრის მოადგილემ მარიამ ჯაშმა განაცხადა.
მან სამშობიარო სახლებისა და პერინატალური სამსახურების ხელმძღვანელებს საკეისრო კვეთებთან დაკავშირებით ჯანდაცვის სამინისტროს სტატისტიკა გააცნო. მისი თქმით, საკეისრო კვეთის თანაფარდობა საერთო მშობიარობის მაჩვენებლებთან შედარებით 38% შეადგენს და იგი სულ მცირე ორჯერ აღემატება ჯანდაცვის მსოფლიო ორგანიზაციის და სხვა საერთაშორისო ორგანიზაციების მიერ მოწოდებულ რეკომენდაციებს.
მარიამ ჯაშის განცხადებით, ზოგიერთ რეგიონში საყოველთაო ჯანდაცვის პროგრამის ფარგლებში, 50%-ზე მეტი საკეისრო კვეთა ფიქსირდება, სამეგრელოში - 56%, იმერეთი - 43%, შიდა ქართლი - 42%. ამასთან, არსებობს სამშობიარო სახლების ჩამონათვალი, სადაც ეს მაჩვენებელი 70%-საც კი აღემატება.
მინისტრის მოადგილის თქმით, მსოფლიო გამოცდილება აჩვენებს, რომ საკეისრო კვეთების მაღალი მაჩვენებელი როგორც დედის, ასევე ახალშობილის ავადობისა და სიკვდილიანობის რისკს ზრდის და საერთაშორისო რეკომენდაციებთან მიმართებაში აღნიშნული მონაცემების შემცირება აუცილებელია.
ამასთან, შეხვედრაზე მეან-გინეკოლოგებს "საკეისრო კვეთების ეროვნული პროტოკოლი" გააცნეს. პროტოკოლი დაავადებათა კონტროლის ცენტრში შეკრებილ საზოგადოებას ჯანდაცვის დეპარტამენტის წარმომადგენელმა ნინო ბერიძემ წარუდგინა. მისივე თქმით, ამ პროტოკოლით განსაზღვრულია, თუ რა სამედიცინო ჩვენებების შემთხვევაში არის გასაკეთებელი საკეისრო კვეთა. საკეისრო კვეთის ეროვნული პრტოკოლი მეან-გენეკოლოგთა და პერინატალოგთა ასოციაციების მიერ მომზადდა. ნინო ბერიძემ აღნიშნა, რომ პროტოკოლი მინისტრის ბრძანებით დამტკიცდება და შესასრულებლად სავალდებულო გახდება.
აღნიშნულ პროტოკოლთან დაკავშირებით კომენტარი გააკეთა ჯანდაცვის მინსტრმა დავით სერგეენკომ. მან ჟურნალისტებს განუცხადა, რომ საკეისრო კვეთის ახალი ეროვნული პროტოკოლი არ ნიშნავს, რომ სამშობიარო სახლებში საკეისრო კვეთა აიკრძალება. მისი თქმით, მშობიარეებს უნდა განემარტოთ იმ რისკების შესახებ, რაც საკეისრო კვეთას გააჩნია. ასევე, ფიზიოლოგიური გზით ბავშვის დაბადების უპირატესობის შესახებ მათ კონსულტაცია უნდა გაუწიონ. მინისტრის ცნობით, "საკეისრო კვეთების ეროვნული პროტოკოლი" სექტემბრის ბოლოდან შევა ძალაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
