მნიშვნელოვანი ინფორმაცია
22
ივნისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 02:01-ზე, მთვარე კუროში – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. მოერიდეთ მძიმე საკვების მიღებას. გამოირიცხეთ პარკოსნები, მარცვლეული და მცენარეული ზეთები. ნებადართულია კარტოფილი, თევზი და მწვანილი. დაიცავით მარხვა. არ არის რეკომენდებული სერიოზული გადაწყვეტილებების მიღება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
შალვა ფიფია - გლეხს ჩაუბარებელი ყურძენი არ დარჩება
04:49 / 11-09-2013
საქართველოს სოფლის მეურნეობის მინისტრის, შალვა ფიფიას განცხადებით, მიმდინარე წელს გლეხს ჩაუბარებელი ყურძენი არ დარჩება.
პროექტ "საქართველოს მთავრობა ღია მმართველობის" ფარგლებში სოფლის მეურნეობის მინისტრი შალვა ფიფია ჟურნალისტებს შეხვდა და სოფლის მეურნეობის სექტორში მიმდინარე პროექტებზე ესაუბრა.
მინისტრის ინფორმაციით, რთველი 22 აგვისტოს დედოფლისწყაროს რაიონიდან დაიწყო და წარმატებით მიმდინარეობს.
მისი თქმით, წლევანდელ რთველზე გლეხს არ დარჩება ჩაუბარებელი ყურძენი, დარგს კი გრძელვადიანი განვითარებისთვის მნიშვნელოვანი მხარდაჭერა ექნება.
შალვა ფიფიას განმარტებით, გასულ წლებში, წინა ხელისუფლება პოპულისტური ინტერესებიდან გამომდინარე, რთველს აგროვადებზე ადრე იწყებდა, რის გამოც, პრობლემა ექმნებოდა გლეხს, ვინაიდან, დაუმწიფებელ ყურძენს ღვინის მწაროებელი კომპანიები არ იღებდნენ. მისი თქმით, წელს მსგავსი პრეცედენტი აღარ მოხდება და მეღვინეებიც კმაყოფილები დარჩებიან და გლეხებიც. 1 კილოგრამი ყურძნის ფასი 1 ლარიდან იწყება. გურჯაანში კი სპეციალური შტაბი მუშაობს, სადაც რთველის მიმდინარეობის დაკვირვება ხდება.
მინისტრის ინფორმაციით, 2013 წლის იანვარიდან 5 სექტემბრამდე მონაცემებით, ქართული ღვინის ექსპორტმა 22,243974 მილიონ ბოთლს მიაღწია. 2012 წლის აღნიშნული თარიღის მიხედვით, ღვინის ექსპორტი 43%-ით აღემატება წინა წლის ანალოგიური პერიოდის მონაცემებს.
მიმდინარე წლის იანვარიდან 5 სექტემბრამდე მონაცემების თანახმად, ღვინის ექსპორტი 42 ქვეყანაში განხორციელდა: აქედან, 7 მილიონ 300 ათასი ბოთლი ღვინო რუსეთში გაიგზავნა.
ასევე საუბარი, სურსათის უვნელობის მიმართულებით გატარებულ ღონისძიებებზე და საგაზაფხულო პროგრამის შედეგებზეც გამახვილდა.
შალვა ფიფიამ ჟურნალისტებს "შეღავათიანი აგროსესხების პროექტის" ფარგლებში დაფინანსებული პროექტების შესახებ დეტალური ინფორმაცია წარუდგინა. მისი განცხადებით, დღეის მდგომარეობით სულ დაფინანსებულია 6000-მდე სესხი. აქედან 2685 სესხი მიიღეს ფერმერებმა მცირე მოცულობის უპროცენტო სესხები, 2474 სესხი გაცემულია საშუალო მოცულობის მცირე წარმოებისთვის და მსხვილი ფერმერული მეურნეობებისთვის (სესხები მოცულობა 100 000 ლარამდეა).
მინისტრმა ხაზი გაუსვა ე.წ. მესამე კომპონენტის სესხებზე, რომელიც წარმოებისთვისაა განკუთვნილი.
მინისტრის ინფორმაციით, ამ კომპონენტში (1 მილიონ ლარამდე სესხები) გაცემულია 205 სესხი. მათ შორის 49 სრულიად ახალი ბიზნესის დასაფინანსებლადაა განკუთვნილი.
ახალი საწარმოების გასახსნელად და პირველი პროდუქციის მისაღებად მეწარმეებს მაქსიმუმ 12 თვის ვადა აქვთ მიცემული.
შალვა ფიფიას ინფორმაციით, 10 სექტემბრის მდგომარეობით, სამი კომპონენტის ფარგლებში უკვე გაცემულია 5,364 სესხი, ჯამური თანხით - 95,225,158 ლარი.
მინისტრის თქმით, იგეგმება ახალი ღვინის საწარმოების, მესაქონლეობის, პროდუქციის შესანახი, რძის გადამუშავების, სამაცივრე მეურნეობებისა და მეფრინველეობის კომპანიების გახსნა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ისტორიული გამარჯვება - საქართველოს ძიუდოისტთა ნაკრები მსოფლიო ჩემპიონია!
კვირის კითხვადი სტატიები
მნიშვნელოვანი ინფორმაცია
მკითხველის რჩევით
