მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
პირველად საქართველოში: პოლიტიკური შეხედულებების გამო ცემის ფაქტებზე საქმე აღიძრა
03:56 / 10-09-2013
პოლიტიკური სიმპათიების გამო ნაცემი ადამიანები, ზეწოლა თვითმმართველობებზე და თავმჯდომარის გარეშე დარჩენილი ცესკო - ამ ეტაპისათვის საპრეზიდენტო არჩევნების მოსამზადებელი პერიოდის დამახასიათებელი სურათია.
წინასაარჩევნოდ სოფელ საყუნეთში ერთ-ერთ ქალბატონს იმის გამო სცემეს, რომ "ნაციონალური მოძრაობის" მხარდამჭერია. ამ ფაქტის გარდა, პროკურატურა კიდევ ერთ საქმეზე მუშაობს, რომელიც ასევე პოლიტიკური სიმპათიის გამო ადამიანის ცემას ეხება.
წინასაარჩევნო პერიოდში "ქრისტიან-დემოკრატები" ადმინისტრაციული რესურსების გამოყენების ფაქტებზე საუბრობენ, "ნაციონალურ მოძრაობაში" კი არათანაბარი საარჩევნო გარემოს მაგალითად საკრებულოებში არსებული სიტუაცია მოჰყავთ. მათი განმარტებით, ბოლნისში, ადიგენში, ვანში, ონში, მარტვილში საკრებულოს "ნაციონალ" წევრებზე ზეწოლა და შანტაჟი ხორციელდება.
უწყებათაშორისი კომისია თავისუფალი და სამართლიანი საარჩევნო გარემოსათვის რეგიონებსა და ადგილობრივ თვითმართველობებში დასაქმებულ პირებს წინასაარჩევნოდ სიმშვიდის შენარჩუნებისაკენ მოუწოდებს.
"მივესალმები პროკურატურის გადაწყვეტილებას, რომელმაც ორ საქმეზე დაიწყო ძიება. მათ შორის არის "ნაციონალი" აქტივისტი ქალბატონის გელაშვილის ცემის ფაქტი. არ შეიძლება ერთი ქართველი მეორეს იმიტომ ურტყამდეს, თუ რატომ უჭერს მხარს სხვა კანდიდატს. ასეთ ინციდენტებზე ძიების დაწყება უპრეცედენტოა, რადგან წინა ხელისუფლება ყოველთვის აფარებდა ხელს იმ ადამიანებს, რომლებიც ოპონენტებს და მათ მხარდამჭერებს ფიზიკურად უსწორდებოდნენ.
ამ მხრივ ჩვენ გვაქვს პროგრესი და თბილისიდან ადგილზე საკმაოდ მკვეთრ გზავნილს ვაგზავნით. ადგილობრივ დონეზე, რა თქმა უნდა, არის გარკვეული ნერვული ფონი. როგორც კომისიის თავმჯდომარემ, მინდა მოვუწოდო ადგილობრივ თვითმმართველობაში დასაქმებულ ყველა ადამიანს, რომ შეინარჩუნონ მაქსიმალური სიმშვიდე, რომელი პოლიტიკური ძალის წარმომადგენლებიც უნდა იყვნენ ისინი და მისცენ საშუალება ჩვენი პარტიების კანდიდატებს, რომლებიც თანასწორუფლებიანები არიან, რომ პოლიტიკური შეჯიბრი ამ ორი თვის განმავლობაში მაქსიმალურად მშვიდ გარემოში წარმართონ.
ჩვენ ამ კვირაში ვესტუმრებით ბოლნისს, რომ ადგილზე ვნახოთ, რა პროცესები მიმდინარეობს იქ", - განაცხადა იუსტიციის მინისტრმა და უწყებათაშორისი კომისიის თავმჯდომარე თეა წულუკიანმა.
"უნდათ აჩვენონ, რომ უწყებათაშორისი კომისია არის ეფექტური, ის იძლევა გარკვეულ რეკომენდაციებს, თუმცა, ფაქტი ფაქტად რჩება - ადამიანები თავისუფლდებიან სამუშაო ადგილებიდან, ხდება გამგებლის, საკრებულოს წევრების დაკავება. ამის შეჩერება ფაქტობრივად არ ხდება და ამით სურთ რეზონანსული საქმეების მიფუჩეჩება", - ამბობს საპარლამენტო უმცირესობის წევრი სერგო რატიანი.
"ქრისტიან-დემოკრატიული მოძრაობის" წევრი ლევან ვეფხვაძე საარჩევნოდ ადმინისტრაციული რესურსების გამოყენებაზე საუბრობს და განმარტავს, რომ არსებული კანონმდებლობით ამ რესურსით ორი ძალა - "ქართული ოცნება" და "ნაციონალური მოძრაობა" სარგებლობენ.
ანაკლიაში ჩატარდა სპორტისა და ახალგაზრდობის საქმეთა სამინისტროს მიერ დაფინანსებული ღონისძიება, სადაც რატომღაც მხოლოდ "ქართული ოცნების" წარმომადგენლები შეხვდნენ ახალგაზრდებს. როგორც გავიგეთ, შეხვედრაზე საპრეზიდენტო არჩევნების შესახებაც ყოფილა საუბარი. საბოლოო ჯამში მივიღეთ სიტუაცია, რომ ეს იყო ბიუჯეტით დაფინანსებული ღონისძიება, სადაც აგიატაციას ატარებდნენ კონკრეტული საპრეზიდენტო კანდიდატის სასარგებლოდ.
"უწყებათაშორისმა კომისიამ ფორმალურად გვთხოვა წერილის გადმოგზავნა, რომ შემდეგ გადაამოწმონ. მაგრამ წერილი რად უნდა, ერთი ზარია საჭირო სამინისტროში, რომ გაარკვიონ, რა მოხდა", - უთხრა ვეფხვაძემ "რეზონანსს".
"ეს პირველი შემთხვევა არ იყო, როცა ადმინისტრაციული რესურსის გამოყენებას წავაწყდით. მანამდე იყო ტურიზმის სააგენტოს ხელმძღვანელის მონაწილეობა მარგველაშვილის კამპანიაში. უფრო ადრე იყო ახმეტაში ცნობილი ფაქტი, როცა მუნიციპალიტეტის მიერ დაფინანსებულ ღონისძიებაზე მივიდა "ოცნების" კანდიდატი.
არის კონკრეტული ფაქტები, მაგრამ არის ასევე თემები, რომლებიც ფორმალურად დარღვევას არ გულისხმობს, თუმცა, გარკვეულ პოლიტიკურ ძალებს აძლევს ადმინისტრაციული რესურსით სარგებლობის საშუალებას. 2008 წელს "ნაციონალური მოძრაობის" მიერ საარჩევნო კოდექსში განხორციელებული ცვლილებებით, მინისტრების მოადგილეები, გამგებლები და გუბერნატორები პოლიტიკური თანამდებობის პირებად გამოცხადდნენ, რის გამოც აგიტაციაში შეუზღუდავად მონაწილეობის საშუალება მიეცათ.
ჩვენ მოვითხოვეთ ამ ნორმის შეცვლა, მაგრამ მაშინ ელემენტარული პასუხიც კი არ გაგვცა ზაქარია ქუცნაშვილმა. დღეს ვხედავთ, რომ მინისტრები, მათი მოადგილეები, გამგებლები და გუბერნატორები არიან ჩართულები კონკრეტულად ორი კანდიდატის კამპანიაში. გუბერნატორები ბაქრაძეს დაჰყვებიან, გამგებლები და მოადგილეები - მარგველაშვილს.
კიდევ უფრო ცუდი არის ის, რომ უწყებათაშორის კომისიაში უნდა იყვნენ მიუკერძოებელი ადამიანები, რომლებიც პარტიების მიერ წარდგენილ საჩივრებს განიხილავენ. კომისიაში არის ბატონი თენგიზ შერგელაშვილი, რომელიც მარგველაშვილის საარჩევნო კამპანიაში მონაწილეობდა. ქალბატონმა თეა წულუკიანმა თქვა, რომ თავად აპირებს, ჩაერთოს საარჩევნო კამპანიაში. მინისტრებს შეიძლება კანონი არ უკრძალავს, მაგრამ როდესაც უწყებათაშორისი კომისიის ხელმძღვანელი ხარ, კამპანიაში ეთიკური მოსაზრებების გამო არ უნდა ჩაერთო", - დასძენს ლევან ვეფხვაძე.
თამთა ვირსალაძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
