ვინ ჩააცმევს "ცეკვავენ ვარსკვლავების" კონკურსანტებს
ამ გოგოებმა სამხატვრო აკადემიის დიზაინის ფაკულტეტის დამთავრების შემდეგ მუშაობა ერთად გადაწყვიტეს და საზოგადოებას თავი, როგორც "ზენკა და მარი" გააცნეს. ამავე სახელწოდების კომპანიაც დააარსეს. რეალურად კი ერთი ნინო ზენაიშვილი გახლავთ და მეორე - მარი მაკრახიძე. ფსევდონიმები "დოლჩე და გაბანასავით" კი გამოუვიდათ, მაგრამ ამაზე სხვა დროს, ფაქტია, რომ დიზაინერების ნამუშევრებით ქართველი მომხმარებელი თავიდანვე დაინტერესდა. დიდი მოთხოვნა გაჩნდა მათ პროდუქციაზე, თუმცა ამაზე საგანგებოდ არც უზრუნიათ, ყველაფერი თავისით მოხდა. მოკლედ, აქტიური და გამალებული მუშაობა გააჩაღეს...
ზენკა:
- თავიდან ფეხსაცმელებს ვკერავდით, მერე ტანსაცმელზე გადავედით. სამხატვრო აკადემიის დამთავრების შემდეგ, ფაბრიკა "ისანში" ვმუშაობდით, სადაც იტალიელები იყვნენ ჩამოსულები და მათთან სერიოზული პრაქტიკა გავიარეთ.
"ზენკა და მარი" დღესდღეობით საქართველოს მასშტაბით მუშაობს. მათ კლიენტებს შორის არიან უცხოელებიც, რომლებიც საქართველოში მუშაობენ და ცხოვრობენ, თუმცა ისეც ხდება, რომ კლიენტები სპეციალურად უცხოეთიდანაც ჩამოდიან და უკვეთავენ. კომპანია "ზენკა და მარი" თითქმის ჩვენში გამართული ყველა "ფეშენვიკის" მონაწილეა. "შოურუმებსაც" ატარებენ, მაგრამ წელს "ცეკვავენ ვარსკვლავების" პროდიუსერისგან, ძალიან საინტერესო შეთავაზება მიიღეს - მათ "ვარსკვლავების" მონაწილე ყველა კონკურსანტისა და მოცეკვავის, ასევე წამყვანების შემოსვა მოუწევთ.
ზენკა:
- ძალიან გაგვიხარდა, რომ ასეთი შემოთავაზებაsalesland.ge - ფასდაკლებების სამყარო! მივიღეთ. უნდა ჩავაცვათ თითოეულ მოცეკვავესა და ვარსკვლავს იმ ცეკვებისა და დადგმების გათვალისწინებით, რა ნომერიც ექნებათ შესასრულებელი.
- და ეს ყველაფერი ერთ კვირაში უნდა მოასწროთ?
- კი, საოცარ რეჟიმში უნდა ვიმუშაოთ, სტრესულად, მაგრამ უკვე 13 წელიწადია, ასე ვმუშაობთ. რთულია, მაგრამ ეს ძალიან სასიამოვნოც არის. იმედი გვაქვს თვითონ ვარსკვლავების, რომლებიც მუშაობაში ხელს შეგვიწყობენ. გვინდა, რომ შოუ ძალიან ეფეტური გამოვიდეს, რაშიც სერიოზულ მონაწილეობას მივიღებთ. ეს პროექტი მოგვწონს და ვიმეორებ, რომ გვიხარია მასში მონაწილეობა. საქმეს, როგორც ყოველთვის, მთელი გულით მივუდგებით.
ლალი ფაცია
სპეციალურად "ამბები.გე"-სთვის.
სალომე ჭაჭუა უცხოეთში მიემგზავრება - რომელი ქვეყნის "ცეკვავენ ვარსკვლავებში" გამოჩნდება მოცეკვავე
"სადაც არ უნდა ყოფილიყო, ყოველთვის სახლში ბრუნდებოდა... თბილისში..." - რას წერს გენიალურ კომპოზიტორზე ხელოვნებათმცოდნე
