ვინ არის ბათუმის სანაპიროზე განთავსებული ბოტასის სკულპტურის ავტორი

ბოლო პერიოდში მსოფლიოში, განსაკუთრებით ევროპაში ფეხი მოიკიდა ტენდენციამ, რომლის მიხედვითაც ხალხს ქანდაკებებთან უშუალო ''კონტაქტის'' შესაძლებლობა აქვს.

თანამედროვე ხელოვანები სულ უფრო ხშირად გაურბიან პიედესტალებს და აღარც გრანდიოზული ზომის ნამუშევრებს აქანდაკებენ.

სოციალურ ქსელში არაერთ ადამიანთან ვნახე ბათუმის სანაპიროზე გადაღებული ფოტოები, რომლებზეც ისინი დიდ ბოტასებში ფეხებწაყოფილი პოზირებენ ობიექტივის წინ.

''ბოტასების'' ავტორი 26 წლის დიზაინერი დავით გოგობერიშვილია. სამხატვრო აკადემიაში სამრეწველო დიზაინზე სწავლის შემდეგ მაგისტრატურაც გაიარა.

სერიოზულად იყო ავტომობილების დიზაინით გატაცებული, თუმცა ვინაიდან საქართველოში ავტოწარმოება არ არსებობს, პროფილი შეიცვალა.

დღეს ქმნის სხვადასხვა ნივთს, სკულპტურებს, მუშაობს არქიტექტურაში. ერთი პერიოდი თავის მეგობარ ერეკლე წულაძესთან ერთად სანათების წარმოებით იყო დაკავებული.

მათი ხელნაკეთი სანათების ხაზი რამდენიმე მაღაზიაში წარმატებით იყიდებოდა, მაგრამ ვინაიდან საკმაოდ შრომატევადი პროცესი გამოდგა, ეს საქმიანობა ვეღარ განაგრძეს და სანათების წარმოება დროებით შეჩერებულია.

იხილეთ სტატიის სრული ვერსია