მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
Euobserver - საქართველოს პრემიერი ევრაზიულ კავშირში გაწევრიანებას არ გამორიცხავს
05:04 / 05-09-2013
"საქართველოს პრემიერი ევრაზიულ კავშირში გაწევრიანებას არ გამორიცხავს", - ამ სათაურით აქვეყნებს გამოცემა Euobserver ენდრიუ რიტმანის სტატიას. როგორც სტატიის ავტორი აღნიშნავს, სომხეთის მიერ რუსეთის ევრაზიულ კავშირში გაწევრიანების სურვილის გამოთქმიდან მეორე დღეს, საქართველოს პრემიერ-მინისტრმა განაცხადა, რომ შესაძლოა, იგივე სურვილი თავადაც გამოთქვას.
სტატიის ავტორი ასევე ციტირებს პრემიერის კომენტარს, რომელიც მან ჟურნალისტებთან შეხვედრისას გააკეთა.
"რაც შეეხება ევრაზიულ კავშირს, ყურადღებით ვუყურებ და ვსწავლობ. ამ ეტაპზე არანაირი პოზიცია არ გაგვაჩნია, თუმცა თუ პერსპექტივაში ვნახავთ, რომ ჩვენი ქვეყნის სტარატეგიისთვის ეს საინტერესო იქნება, რატომაც არა?", - განაცხადა ბიძინა ივანიშვილმა.
როგორც ენდრიუ რიტმანი აღნიშნავს, ბიძინა ივანიშვილის ამ განცხადებას დაუყოვნებელი რეაქცია მოჰყვა საქართველოს პარლამენტში, სადაც "ნაციონალური მოძრაობის" წევრმა გიორგი გაბაშვილმა განაცხადა, რომ იმედოვნებს, პრემიერ-მინისტრი ცრუობს და სინამდვილეში საქართველოს ხელისუფლება არ განიხილავს ამ ვარიანტს.
სტატიის ავტორი ასევე წერს, რომ ამ განცხადებებიდან მოგვიანებით, პრემიერ-მინისტრის ადმინისტრაციამ გამოაქვეყნა ბრიუსელში მდებარე მისი ლობისტი კომპანია Cambre Associates-ის მიერ მომზადებული პრესრელიზი, სადაც აღნიშნული იყო, რომ ივანიშვილი არ გამორიცხავს მომავალში ევრაზიულ კავშირში გაწევრიანებას, რომელიც ეროვნული ინტერესების გათვალისწინებით უნდა მოხდეს. თუმცა, ივანიშვილი აცხადებს, რომ ამ ეტაპზე ამ საკითხთან დაკავშირებით პოზიცია არ აქვს.
"ევრაზიული კავშირი რუსეთის გეგმაა, რომლის მიხედვითაც 2015 წელს ყოფილი საბჭოთა რესპუბლიკების ახალი გაერთიანება უნდა შეიქმნას. თუმცა, საქართველოს ოფიციალური მისწრაფება ქვეყნის ევროკავშირსა და ნატო-ში გაწევრიანებაა და არა - ევრაზიულ კავშირში. ამ მისწრაფებისკენ სვლის გზაზე, პირველი ნაბიჯის გადადგმას საქართველო ნოემბერში აპირებს ევროკავშირთან თავისუფალი სავაჭრო ხელშეკრულების გაფორმებით", - წერს ენდრიუ რიტმანი და აღნიშნავს, რომ 2008 წლის აგვისტოს ომის შემდეგ რუსეთის ჯარებს დღემდე ოკუპირებული აქვთ საქართველოს ორი რეგიონი, რუსეთთან ურთიერთობა კი მწვავე თემაა.
სტატიის ავტორი ასევე აღნიშნავს, რომ მასთან საუბრისას საქართველოს უშიშროების საბჭოს მდივანმა გიგა ბოკერიამ განაცხადა, ივანიშვილის განცხადება საუკეთესო შემთხვევაში მის არაკომპეტენტურობას შეიძლება მივაწეროთ.
"ვიმედოვნებ, რომ მისი ხელისუფლების არც ერთი წევრი სერიოზულად არ განიხილავს ევრაზიულ კავშირში გაწევრიანების საკითხს. ევრაზიული კავშირი პუტინის ინსტრუმენტია, აღკვეთოს თავისი მეზობლების ევროინტეგრაცია და მოაქციოს ისინი რუსეთის შემოგარენში, როგორც სატელიტი სახელმწიფოები. საგანგაშოა ივანიშვილის ნათქვამი, რომ ამასთან დაკავშირებით პოზიცია არ გააჩნია. როგორ შეუძლია დემოკრატიულად არჩეულ მთავრობას მკაციო პოზიცია არ გააჩნდეს იმ ინსტრუმენტზე, რომელიც ხელს უშლის ქვეყნის სუვერენიტეტს?", - ციტირებს სტატიის ავტორი გიგა ბოკერია კომენტარს.
"ივანიშვილის განცხადება სომხეთის პრეზიდენტის სერჟ საგსიანის სამშაბათს გაკეთებულ განცხადებას მოჰყვა, რომელმაც განაცხადა, რომ ნაცვლად ევროკავშირთან ხელშეკრულების გაფორმებისა, მისი ქვეყანა რუსეთის ბლოკს შეუერთდება, რამაც ევროკავშირის ლიდერთა გაოცება გამოიწვია. რუსეთი, სომხეთის უსაფრთხოების მთავარი გარანტორია აზერბაიჯანთან მის გაყინულ კონფლიქტში. მეზობლებზე ზეწოლის ნიშნად, ამასწინათ, მოსკოვი მოლდოვასა და უკრაინას სავაჭრო სანქციებით დაემუქრა, თუ ისინი ევროკავშირის შეთანხმებების პარაფირებას მოახდენდნენ", - წერს ენდრიუ რიტმანი.
სტატიის ავტორი ასევე ციტირებს ივლისში Euobserver-თან გაკეთებულ საქართველოს პრემიერის კომენტარს, რა დროსაც მან განაცხადა, რომ მისი ოცნება საქართველოს ტიპიურ ევროპულ საზოგადოებად გარდაქმნაა.
"მაგრამ ივანიშვილის მმართველი კოალიცია მემარჯვენე ელემენტებს შეიცავს, რომელიც აცხადებს, რომ ევროპული ლიბერალური ფასეულობები, როგორიც ჰომოსექსუალთა უფლებების დაცვაა, შეუთავსებელია ორთოდოქსული საქართველოსთვის", - წერს ენდრიუ რიტმანი და დასძენს, რომ ივანიშვილმა ქონება 90-იანი წლებში რუსეთში დააგროვა. თუმცა, როგორც საქართველოს პრემიერ-მინისტრმა Euobserver-თან საუბრისას განაცხადა, კრემლში ფარული წყაროები არ ჰყავს.
მომზადებულია Euobserver-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
