მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
დავით ბაქრაძე - პოლიტიკიდან წასვლის შესახებ ივანიშვილის განცხადება ქვეყნისთვის სერიოზულ რისკებს შეიცავს
10:59 / 02-09-2013
პოლიტიკიდან და დაკავებული თანამდებობიდან წასვლის შესახებ ბიძინა ივანიშვილის სურვილი და მის მიერ გაკეთებული განცხადება ქვეყნისთვის სერიოზულ რისკებს შეიცავს , - ამის შესახებ, დღეს გამართულ საგანგებო ბრიფინგზე "ნაციონალური მოძრაობის" პრეზიდენტობის კანდიდატმა, საპარლამენტო უმცირესობის ლიდერმა დავით ბაქრაძემ განაცხადა. იგი დარწმუნებულია, რომ პრემიერ-მინისტრის ეს განზრახვა ქვეყანასა და მოსახლეობას სიკეთეს ვერ მოუტანს.
"პირველი, ქართული ეკონომიკისათვის, რომელიც ისედაც ღრმა კრიზისის მდგომარეობაშია, ასეთი ტიპის განცხადება ძალიან სერიოზულ საფრთხეს წარმოადგენს, რადგან არასტაბილურობის განცდას აძლიერებს და ნებისმიერი უცხოელი ინვესტორის ან ქართველი ბიზნესმენისთვის, რომელიც ქვეყანაში ბიზნესის დაწყებას გეგმავს, ასეთი ტიპის განცხადება რამდენიმეთვიან გაურკვევლობას ნიშნავს. ასეთი ტიპის განცხადება ქვეყნისთვის ეკონომიკური კრიზისის საფრთხის შემცველია. მეორე ფაქტორი "ქართული ოცნების" მიერ გაცემულ წინასაარჩევო დაპირებებს უკავშირდება. დასამალი არ არის, რომ ქართველი ხალხის თვალში ეს დაპირებები და მათი შესრულება პირველ რიგში ბიძინა ივანიშვილის სახელს უკავშირდება. ამ დაპირებების დიდი ნაწილი დღემდე შეუსრულებელია. მაგალითისთვის მე დავასახელებდი ასი გადამამუშავებელი საწარმოს შექმნას, 230 ლარიან პენსიას, იპოთეკარების დახმარებასა და კრედიტების დაფარვას. პრემიერ-მინისტრის წასვლა ნიშნავს იმას, რომ ეს დაპირებები დაპირებად დარჩება და მოსახლეობა ვერ მიიღებს იმას, რის გამოც ხმა კოალიცია "ქართულ ოცნებას" მისცა. კიდევ ერთი ფაქტორი გახლავთ ხელისუფლების დეფიციტის საფრთხე, რადგან ქვეყანა ძალიან სერიოზული საგარეო გამოწვევის წინაშე დგას. ნუ დაგვავიწყდება, რომ რუსეთის მხრიდან მცოცავი ოკუპაცია გრძელდება. ორი რეგიონი ოკუპირებულია, ნუ დაგვავიწყდება, რომ სირიის კრიზისს შესაძლოა სერიოზული გავლენა ჰქონდეს რეგიონზე და ქვეყანაზე, ნუ დაგვავიწყდება, რომ საქართველოში არსებობს შიდა სტაბილურობის პრობლემა. იმ პირობებში, როცა კოალიციაში შემავალ პარტიებს გააჩნიათ ძირეულად განსხვავებული ხედვა მთელ რიგ საკითხებთან დაკავშირებით, ამ ყველაფრის გარანტორი ლეგიტიმურად ყველაზე მაღალი მხარდაჭერით არჩეული პრემიერ-მინისტრია. მისი წასვლის შემთხვევაში, ვშიშობ, რომ ქვეყანაში გადაწყვეტილების მიღების დეფიციტი შეიქმნება, რაც ქვეყანაზე უარყოფითად აისახება და არასტაბილურობას და ქაოსის განცდას გააძლიერებს", - აღნიშნა დავით ბაქრაძემ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
