მნიშვნელოვანი ინფორმაცია
8
ივლისიდღის ზოგადი ასტროლოგიური პროგნოზი
სამშაბათი, მთვარის მეთოთხმეტე დღე დაიწყება 21:15-ზე, მთვარე მშვილდოსანშია – კარგია ნებისმიერი ბიზნესის დასაწყებად. ამ დღეს დაწყებული საქმეები თავისით გამოვა. შესაძლებელია დაწინაურება, ხელფასის მატება, ჯილდოები და დამსახურებული აღიარება. დაიწყეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კარგია კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. სასარგებლოა კუჭისა და ნაწლავების გაწმენდა. ფიზიკური აქტივობა სასარგებლოა. გაუფრთხილდით მხედველობას. ყურადღებით მოუსმინეთ ყველაფერს, რასაც გეუბნებათ საყვარელი ადამიანი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
იაშვილის კლინიკის ექიმები დღეს საპროტესტო აქციას გამართავენ
02:46 / 02-09-2013
იაშვილის სახელობის ბავშვთა კლინიკის ექიმების ნაწილი საავადმყოფოს წინ დღეს, 11.00 საათზე საპროტესტო აქციას გამართავს.
როგორც "ინტერპრესნიუსს" იაშვილის სახელობის ბავშვთა საავადმყოფოს ექიმებმა განაცხადეს, მათი პროტესტი თექინ ატიკს უკავშირდება, რომელიც კომპანია "უნივერსალ ჰოსპიტალ გრუპის" წარმომადგენლია.
ექიმების თქმით, თექინ ატიკი ორი დღის წინ რეანიმაციულ განყოფილებაში ღამით შევიდა, აპარატურის ნაწილი დაამტვრია და ექიმებს შეურაცხყოფა მიაყენა.
"ორი დღის წინ ღამით, რეანიმაციაში მომხდარი ინციდენტის შესახებ ბევრმა იცის. ახალი თურქი მეპატრონე თექინ ატიკი ნასვამ მდგომარეობაში რეანიმაციაში შევარდა. ყვიროდა და იგინებოდა. რაღაც დისკეტა ჰქონდა მოტანილი, რომელიც კომპიუტერში არ ჩაიტვირთა, ამაზე კიდევ უფრო განერვიულდა და აპარატურის მტვრევა დაიწყო. ხელში აიღო კომპიუტერი და მაგიდაზე დაანარცხა. კომპიუტერის მტვრევას ექიმის 400 ლარიანი კონტაქტური სათვალეც შეეწირა, რომელიც მაგიდაზე იდო. საპატრულო პოლიციაც მოვიდა და თვითმხილველებს ჩვენება ჩამოართვა. თექინ ატიკის ყვირილი მეოთხე და მეხუთე სართულებზეც კი ესმოდათ", - განაცხადა ინციდენტის თვითმხილველმა.
მისივე ინფორმაციით, თექინ ატიკი ღამით კლინიკის განყოფილებებში ჩუმად დადის და თუ რომელიმე მედპერსონალს მძინარეს ნახავს ფოტოსურათებს უღებს.
"ინტერპრესნიუსმა" აღნიშნული ინფომაცია იაშვილის კლინიკის ადმინისტრაციაში გადაამოწმა, სადაც დაუდასტურეს ინციდენტის შესახებ ინფორმაცია და ისიც აღნიშნეს, რომ თექინ ატიკის წინააღმდეგ სისხლის სამართლის საქმეა აღძრული. შსს-ში კი აცხადებენ, რომ თექინ ატიკს სამართალდამცავების მხრიდან გაფრთხილება მიეცა.
კომპანია "ავანტე ჰოსპიტალ მენეჯმენტ გრუპის" 5 კლინიკა თურქულ-გერმანულმა კომპანია "უნივერსალ ჰოსპიტალ გრუპმა" შეიძინა, რომლის წარმომადგენელი თექინ ატიკია.
"უნივერსალ ჰოსპიტალ გრუპმა" იაშვილის სახელობის ბავშვთა კლინიკაში, ციციშვილის სახელობის ბავშვთა "ახალ კლინიკაში", პედიატრიის, ალერგოლოგიისა და რევმატოლოგიის ცენტრში, ქალთა სამედიცინო ცენტრ "ახალ სიცოცხლეში" და ბათუმის დედათა და ბავშვთა ჯანმრთელობის დაცვის რესპუბლიკურ ცენტრში 20 მილიონ 500 ათასი აშშ დოლარი გადაიხადა.
ახალი მფლობელი აღნიშნულ კლინიკებში 25 მილიონი აშშ დოლარის ტექნიკურ გადაიარაღებას და ახალი აპარატურის შემოტანას აპირებს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალები ხდება ცნობილი თორნიკე რიჟვაძის საქმეზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
