17
ივნისიდღის ზოგადი ასტროლოგიური პროგნოზი
აშშ-ში ადამიანის მაგვარ მაიმუნებს შორის ხატვის კონკურსი მოეწყო. გამარჯვებულად შტატ ლუიზიანაში მცხოვრები, 37 წლის შიმპანზე ბრენტი აღიარეს და ჯილდოდ 10 000 დოლარი გადასცეს. მისი ნახატი ენით იყო შესრულებული.
მეორე ადგილი ფლორიდელი ჩიტას ნამუშევარს მიაკუთვნეს, რომელსაც 5 000 დოლარი გადაეცემა. ჩიტა პარალელურად "ჟიურის სიმპათიაც" გახდა. მესამე ადგილი და 2,500 დოლარი მაიმუნს, სახელად რიპლის ერგო.
არტ-პროექტი ცხოველთა დაცვის ამერიკულმა ორგანიზაციამ განახორციელა. გამარჯვებული ამავე ორგანიციის შიმპანზეთა ცენტრში ცხოვრობს. მოგებული 10 000 დოლარი ცენტრის ბინადრების კეთილდღეობას მოხმარდება.
კონკურსში ათობით ნამუშევარი იყო წარმოდგენილი, რომლებიც აშშ-ის ტერიტორიაზე ცხოველთა დაცვის სხვადასხვა ცენტრების ბინადრებმა შეასრულეს. მომდევნო ეტაპზე ნამუშევრების ღია შეფასება მოეწყო, რაშიც 27 000 ადამიანი მონაწილეობდა.
მომზადებულია humanesociety.org-ის მიხედვით.
