მნიშვნელოვანი ინფორმაცია
16
ივნისიდღის ზოგადი ასტროლოგიური პროგნოზი
ორშაბათი, მთვარის მეოცე დღე დაიწყება 01:14-ზე, მთვარე მერწყულშია – რეკომენდებულია კოლექტიური მუშაობა, ერთობლივი პრობლემების გადაჭრა. ფინანსური საკითხების მოგვარება. მშენებლობის დაწყება. ძველი კავშირების გაძლიერება. გამოავლინეთ ლიდერის თვისებები. არ არის რეკომენდებული შურისა და ბოროტების გამოვლენა. ეგოიზმის და საკუთარი შესაძლებლობების გადაჭარბებული შეფასება. გაუფრთხილდით ხერხემალს. დღე კარგია მარხვისთვის. კარგია რომანტიკული შეხვედრა წყნარ ატმოსფეროში.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ანრი ჯოხაძე - "დათო ტურაშვილის იუმორი ვერ გავიგე"
23:14 / 31-08-2013
სკანდალური მომღერალი ანრი ჯოხაძე აგვისტოს ცხელ დღეებს ბათუმში ატარებს. ამბობს, რომ დასვენება არ უყვარს და ზღვისპირა ქალაქს საქმეების გამო ესტუმრა.
- ანრი, ბევრმა მომღერალმა წელს უარი თქვა "ცეკვავენ ვარსკვლავებში" მონაწილეობაზე იმის გამო, რომ ერთ-ერთი კონკურსანტი გია სურამელაშვილია, შენ დათანხმდებოდი სურამელაშვილთან ერთად ცეკვას?
- (იცინის). ვიცეკვებდი, რა შემიშლიდა ხელს?
- ვარსკვლავად მიგაჩნია გია სურამელაშვილი ან მარიამ კუკუნაშვილი, რომელიც გიორგი ნაზღაიძის მეწყვილეა?
- გია რადგან მიიწვიეს პროექტში, ე.ი. ვარსკვლავია. მარიამ კუკუნაშვილს რაც შეეხება, ის ჩემი მეგობარია და ყველა მეგობარი ვარსკვლავია ჩემთვის. ვიცი, რომ წელს კონკურსში მონაწილეობა ერთ ნაკლებად ცნობილ კონკურსანტსაც შეუძლია და ალბათ მარიამი იქნება ასეთი, გიორგი ნაზღაიძეს რაც შეეხება, არც მსმენია, რომ ის იცეკვებს პროექტში.
- შენ რა გეგმები გაქვს?
- მინდა ახალი სიმღერები ჩავწერო, მაქვს რაღაც იდეები, მაგრამ კონკრეტულად რას გავაკეთებ, ვერ გეტყვით.
- ისევ სკანდალური იქნები?
- არანაირი სკანდალი არ იქნება, აღარ გეყოთ ეს სკანდალები? ქვეყანაში არაფერი ხდება ისეთი, სკანდალურად რომ გამოვხატო. ყველაფერი გაჩერებულია, ხალხს უკიდურესად უჭირს და ისეთი გაღიზიანებულია, ჩვეულებრივი ნამუშევარიც რომ მივაწოდო, შეიძლება აგრესიულად შეხვდეს.
- ხალხი აქამდეც გაჭირვებული იყო...
- ადრე ასე არ უჭირდა. ახლა არც არაფრის გაშარჟების სურვილი მაქვს, რადგან, სამწუხაროდ, ვერაფრის პერსპექტივას ვერ ვხედავ. ახალი მთავრობა მოვიდა, მაგრამ პირადად ჩემთვის ისევ ისე გრძელდება ცხოვრება, როგორც აქამდე. არც ერთ მთავრობასთან არ მაქვს არანაირი ვალდებულება, კოჭი გავუგორო. საზოგადოება უნდა მიხვდეს, რომ არც ერთ მთავრობას არ უნდა შესციცინებდეს თვალებში. ჩვენი ხალხი უცებ აღმერთებს პოლიტიკოსებს და დაფნის გვირგვინებს ადგამს თავზე, რამდენიმე წელიწადში კი იმავე მთავრობას ერთი შეცდომისთვის საშინლად ექცევა.
- ცნობილია, რომ აზერბაიჯანმა დავით ტურაშვილი პერსონა ნონ-გრატად გამოაცხადა. ტურაშვილმა კი განაცხადა, თუ მე არ შემიშვებენ ბაქოში, მაშინ იქ ისევ ანრი ჯოხაძე ჩავა და ვნახავთ, რა მოხდებაო, ხომ არ გაუნაწყენდი დათოს ამის გამო?
- გამეცინა ამ ინტერვიუზე. დათოს ადგილზე ჩემთვის ტრაგედია ის კი არ იქნებოდა, აზერბაიჯანმა პერსონა ნონ-გრატად რომ გამოაცხადა, არამედ ის, სხვისი სახელის ხსენება რომ დასჭირდა ჟურნალის გარეკანზე მოსახვედრად. მე გავყიდე ჟურნალის მთელი ტირაჟი, ჩემი სახელის ხსენების გამო კითხულობდნენ მთელ ინტერვიუს და ამის გამო დათოს მადლობაც არ უთქვამს. იუმორის გრძნობას არ ვუჩივი, მაგრამ ტურაშვილის იუმორი ვერ გავიგე. არ მიყვარს ლაპარაკი დაკომპლექსებულ ადამიანებზე, რომლებიც არაფრის გამო სხვას ესხმიან თავს.
- დათო ტურაშვილია დაკომპლექსებული ადამიანი?
- არც კი ვიცნობ დათო ტურაშვილს და რა ვიცი, როგორი ადამიანია? ზოგადად ვამბობ ამას, თუ ვინმეს ჩემი სახელის ხსენება დაეხმარება პოპულარობასა და საზოგადოებაში ინტეგრირებაში, მახსენონ - რა პრობლემაა, მაგრამ ზომიერების ფარგლებში, თორემ თუ გადააჭარბეს, უფრო პოპულარულს გავხდი!
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
როგორ მიმდინარეობს საქალაქო სასამართლოში „სტრატეგია აღმაშენებლის“ ლიდერის, გიორგი ვაშაძის პროცესი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
