ბოლო დროს გახ­ში­რე­ბუ­ლი პე­დო­ფი­ლი­ის შემ­თხვე­ვე­ბი სა­ზო­გა­დო­ე­ბის ყუ­რა­დღე­ბის ცენ­ტრში მას შემ­დეგ კი­დევ უფრო მო­ექ­ცა, რაც კა­ხეთ­ში მომ­ხდა­რი ფაქ­ტე­ბის­თვის მო­სა­მარ­თლე­ებ­მა საპ­რო­ცე­სო გა­რი­გე­ბის თა­ნახ­მად, დამ­ნა­შა­ვე­ებს გარ­ყვნი­ლი ქმე­დე­ბე­ბის­თვის კა­ნო­ნით გათ­ვა­ლის­წი­ნე­ბუ­ლი, ისე­დაც მი­ზე­რუ­ლი სას­ჯე­ლი მი­ნი­მუ­მამ­დე და­უყ­ვა­ნეს. 65 წლის მა­მა­კა­ცი, რო­მელ­მაც აღი­ა­რა, რომ 4 წლის მე­ზო­ბელ გო­გო­ნას­თან გა­უ­კუღ­მარ­თე­ბულ ქმე­დე­ბას სჩა­დი­ო­და, მხო­ლოდ 6 თვით თა­ვი­სუფ­ლე­ბის აღ­კვე­თით "და­ის­ჯე­ბა", 46 წლის მა­მა­კა­ცი კი, რო­მელ­მაც თა­ნა­სოფ­ლე­ლი 10 წლის ბიჭი გა­ა­უ­პა­ტი­უ­რა - 1,5 წლით.

ამ ფაქ­ტმა სა­ზო­გა­დო­ე­ბის დიდი ნა­წი­ლის აღ­შფო­თე­ბა გა­მო­იწ­ვია. ხალ­ხი მი­იჩ­ნევს, რომ დამ­ნა­შა­ვე­ე­ბი ცი­ხე­ში აუ­ცი­ლებ­ლად ხან­გრძლი­ვი დრო­ით უნდა აღ­მოჩ­ნდნენ და უმ­კაც­რე­სად და­ი­სა­ჯონ, რათა მსგავ­სი ქმე­დე­ბე­ბი არ "წა­ხა­ლის­დეს" და კი­დევ უფრო არ გახ­შირ­დეს. მომ­ხდარ­ზე კო­მენ­ტა­რის გა­კე­თე­ბა ორი­ვე საქ­მის ბრალ­დე­ბის მხა­რის პრო­კუ­რორს - თინა ზუ­ბაშ­ვილს ვთხო­ვე. მისი თქმით, ვი­ნა­ი­დან გო­გო­ნას შემ­თხვე­ვა­ში ბრალ­დე­ბულს ძა­ლა­დო­ბის ფაქ­ტი არ და­უ­დას­ტურ­და, ჩა­ტა­რე­ბუ­ლი გა­მო­ძი­ე­ბის შე­დე­გად, მუხ­ლი შე­ეც­ვა­ლა. აღ­სა­ნიშ­ნა­ვია, რომ მცი­რე­წლო­ვან­თან გარ­ყვნი­ლი ქმე­დე­ბის ჩა­დე­ნის­თვის კა­ნო­ნი 2 წლით თა­ვი­სუფ­ლე­ბის აღ­კვე­თას ით­ვა­ლის­წი­ნებს, სქე­სობ­რი­ვი კავ­ში­რის დამ­ყა­რე­ბის შემ­თხვე­ვა­ში კი - მხო­ლოდ 3 წლით.

თინა ზუ­ბაშ­ვი­ლი:

- ოთხი წლის გო­გო­ნას შემ­თხვე­ვა­ში გა­უ­პა­ტი­უ­რე­ბის ფაქ­ტი ან სქე­სობ­რი­ვი კავ­ში­რი არ და­ფიქ­სი­რე­ბუ­ლა, ეს გარ­ყვნი­ლი ქმე­დე­ბა იყო, რაც თუ არ ვცდე­ბი, მაქ­სი­მუმ ორი წლით თა­ვი­სუფ­ლე­ბის აღ­კვე­თას ით­ვა­ლის­წი­ნებს. შვე­ბუ­ლე­ბა­ში გახ­ლა­ვართ, სამ­სა­ხურ­ში არ ვარ და ზუს­ტად არ მახ­სოვს. ბრალ­დე­ბუ­ლი ასა­კო­ვა­ნი მა­მა­კა­ცია, ამი­ტომ მი­ე­სა­ჯა 6 თვით თა­ვი­სუფ­ლე­ბის აღ­კვე­თა. მე­ო­რე შემ­თხვე­ვა­ში, რო­დე­საც სა­უ­ბა­რია მა­მა­კაც­სა და 10 წლის ბიჭ­ზე, ბრა­ლად ერთი წელი და ექ­ვსი თვე გა­ნი­სა­ზღვრა.

- რა­ტომ არ მი­ე­სა­ჯა ამ ადა­მი­ა­ნებს მაქ­სი­მა­ლუ­რი სას­ჯე­ლი? რო­დე­საც ამ ასა­კის მა­მა­კა­ცე­ბი მსგავს უხამს ქმე­დე­ბებს სჩა­დი­ან, რაც, შე­საძ­ლოა, მათ­თვის პირ­ვე­ლი შემ­თხვე­ვა არ იყო, ნორ­მა­ლუ­რი ფსი­ქი­კის არ­ქო­ნა­ზე მი­უ­თი­თებს და ზნე­ობ­რი­ვი თვალ­საზ­რი­სი­თაც მი­უ­ღე­ბე­ლია. თქვენ კი ერთ-ერთ ინ­ტერ­ვი­უ­ში აღ­ნიშ­ნავთ, რომ 65 წლის მა­მა­კა­ცის­თვის 6 თვე ზო­მი­ე­რი სას­ჯე­ლია.

- დიახ, აბ­სო­ლუ­ტუ­რად ზო­მი­ე­რი სას­ჯე­ლია, მუხ­ლი ამა­ზე მეტ სას­ჯელს არ ით­ვა­ლის­წი­ნებს. ჩემს გა­და­წყვე­ტი­ლე­ბა­ზე სხვა არაფ­რის თქმა არ შე­მიძ­ლია.

- შე­საძ­ლე­ბე­ლია, რომ მსგავს საქ­მე­ებ­ზე საპ­რო­ცე­სო გა­რი­გე­ბა არ შედ­გეს? ასე­თი გა­ნა­ჩე­ნის გა­მო­ტა­ნამ და ფაქ­ტობ­რი­ვად, და­უს­ჯე­ლო­ბამ, შე­საძ­ლოა, პე­დო­ფი­ლი­ის "წა­ხა­ლი­სე­ბა" გა­მო­იწ­ვი­ოს. თუმ­ცა, ფაქ­ტია, არც ის "მაქ­სი­მა­ლუ­რი" სას­ჯე­ლე­ბი - 2 და 3 წე­ლია ადეკ­ვა­ტუ­რი.

- კა­ნო­ნი არ კრძა­ლავს საპ­რო­ცე­სო შე­თან­ხმე­ბის გა­ფორ­მე­ბას, ამა­ში უკა­ნო­ნო არა­ფე­რია. ჩემი გან­სჯის სა­გა­ნი არ არის, შე­იძ­ლე­ბა თუ არა საპ­რო­ცე­სო გა­რი­გე­ბის გა­ფორ­მე­ბა. საპ­რო­ცე­სო შე­თან­ხმე­ბა ნე­ბის­მი­ერ საქ­მე­ზე, ნე­ბის­მი­ერ ეტაპ­ზე შე­იძ­ლე­ბა გა­ფორმ­დეს, საქ­მის დას­რუ­ლე­ბამ­დე, გა­ნა­ჩე­ნის გა­მო­ტა­ნამ­დე და სა­ბო­ლოო სი­ტყვის თქმამ­დე. ეს ისე­თი თე­ო­რი­უ­ლი სა­კი­თხია, რომ მხო­ლოდ სა­ტე­ლე­ფო­ნო ინ­ტერ­ვი­უ­თი ვერ ამო­ი­წუ­რე­ბა.

- რა­ტომ უნდა და­ინ­დოს კა­ნონ­მა ასე­თი ადა­მი­ა­ნე­ბი? რამ­დე­ნი­მე თვის შემ­დეგ, შე­საძ­ლოა, იმ პი­როვ­ნე­ბამ იგი­ვე ან უა­რე­სი ქმე­დე­ბა ჩა­ი­დი­ნოს და სხვა ბავ­შვის ფსი­ქი­კა და­ან­გრი­ოს.

- კა­ნო­ნი მეტ სას­ჯელს არ ით­ვა­ლის­წი­ნებს და ამა­ზე ზე­მოთ ხომ ვერ წა­ვალთ? ეს სან­ქცი­ის ფარ­გლე­ბია.

- ადა­მი­ა­ნუ­რი თვალ­საზ­რი­სით, თქვენ ეს ნორ­მა­ლუ­რად მი­გაჩ­ნი­ათ? რამ­დე­ნი­მე თვე­ში ის მა­მა­კა­ცი კვლავ იმ ბავ­შვის მე­ზობ­ლად გა­აგ­რძე­ლებს ცხოვ­რე­ბას, რაც, რა თქმა უნდა, მო­ზარდს კვლავ სტრე­სულ სი­ტუ­ა­ცი­ა­ში ჩა­აგ­დებს.

- რა­ღაც მო­მენ­ტში ალ­ბათ ასეა, მაგ­რამ მუხ­ლი კა­ნო­ნის შე­სა­ბა­მი­სად იქნა მი­ყე­ნე­ბუ­ლი, რა­საც სან­ქცი­ის კა­ნო­ნი ით­ვა­ლის­წი­ნებს და სას­ჯე­ლიც მის ფარ­გლებ­ში გა­ნი­სა­ზღვრა.

- რო­გო­რი იყო ექ­სპერ­ტი­ზის დას­კვნა?

- საქ­მის დე­ტა­ლე­ბის თქმის უფ­ლე­ბა არ მაქვს.

- გა­სა­გე­ბია თქვე­ნი პო­ზი­ცია.

შარ­შან ზა­ფხულს, 9 წლის მო­ზარ­დთან გარ­ყვნი­ლი ქმე­დე­ბის გამო და­კა­ვე­ბუ­ლი 57 წლის მა­მა­კა­ცის საქ­მი­თაც და­ვინ­ტე­რეს­დით და პრო­კუ­რორს -

ნა­თია მუ­ხი­აშ­ვილს და­ვუ­კავ­შირ­დი:

- საქ­მე ძი­ე­ბა­შია, სა­სა­მარ­თლო­შია წარ­მარ­თუ­ლი და მიმ­დი­ნა­რე­ობს არ­სე­ბი­თი გან­ხილ­ვა. ამ კონ­კრე­ტულ შემ­თხვე­ვა­ზე საპ­რო­ცე­სო შე­თან­ხმე­ბა­ზე სა­უ­ბა­რი არ არის. რო­გორც აღ­ვნიშ­ნე, ამ ეტაპ­ზე არ­სე­ბი­თი გან­ხილ­ვა მიმ­დი­ნა­რე­ობს. ვერც მსგავს ფაქ­ტებ­ზე გა­ვა­კე­თებ კო­მენ­ტარს, რად­გან კომ­პე­ტენ­ტუ­რი არ ვარ. მო­გეხ­სე­ნე­ბათ, სას­ჯელს მო­სა­მარ­თლე აწე­სებს და არც იმ საქ­მე­ე­ბის ში­ნა­არ­სი ვიცი.

გვან­ცა გურ­გე­ნი­ძე, თსუ-ის იუ­რი­დი­უ­ლი ფა­კულ­ტე­ტის მე­სა­მე კურ­სის სტუ­დენ­ტი:

- გარ­ყვნი­ლი ქმე­დე­ბა - აღ­ნიშ­ნუ­ლი და­ნა­შა­უ­ლი სა­ქარ­თვე­ლოს სის­ხლის სა­მარ­თლის კო­დექსში 141-ე მუხ­ლი­თაა გათ­ვა­ლის­წი­ნე­ბუ­ლი და სხვა სქე­სობ­რი­ვი და­ნა­შა­უ­ლე­ბის­გან გან­სხვავ­დე­ბა. ეს გან­სხვა­ვე­ბა იმა­ში მდგო­მა­რე­ობს, რომ გარ­ყვნი­ლი ქმე­დე­ბის დროს, დამ­ნა­შა­ვე და­ზა­რა­ლე­ბულ­თან სქე­სობ­რივ კონ­ტაქტს არ ამ­ყა­რებს, იგი მის გარ­ყვნას სხვა ქმე­დე­ბით ახ­დენს. ასე­თი ქმე­დე­ბა შე­იძ­ლე­ბა იყოს რო­გორც ფი­ზი­კუ­რი, ისე ინ­ტე­ლექ­ტუ­ა­ლუ­რი. ფი­ზი­კუ­რი გარ­ყვნი­ლი ქმე­დე­ბა ვლინ­დე­ბა, მა­გა­ლი­თად, 16 წელს მი­უღ­წე­ვე­ლი პი­რის თან­დას­წრე­ბით სქე­სობ­რი­ვი კავ­ში­რის დამ­ყა­რე­ბა­ში, სექ­სუ­ა­ლუ­რი ხა­სი­ა­თის რა­ი­მე ზე­მოქ­მე­დე­ბის გან­ხორ­ცი­ე­ლე­ბა­ში სხვა პირ­თან, ან სა­კუ­თარ სხე­ულ­ზე. ასე­ვე, თუ დამ­ნა­შა­ვე 16 წელს მი­უღ­წე­ველ პირს ას­წავ­ლის, თუ რო­გორც გა­ნა­ხორ­ცი­ე­ლოს სა­კუ­თარ სხე­ულ­ზე გარ­ყვნი­ლი ქმე­დე­ბა ან/და ხე­ლით ეხე­ბა მისი სხე­უ­ლის ერო­გე­ნულ ად­გი­ლებს. რაც შე­ე­ხე­ბა ინ­ტე­ლექ­ტუ­ა­ლურ გარ­ყვნილ ქმე­დე­ბას, ამ დროს დამ­ნა­შა­ვე თვი­თონ კი არ ახორ­ცი­ე­ლებს რა­ი­მე სა­ხის გარ­ყვნილ ქმე­დე­ბას, არა­მედ იგი სხვა სა­შუ­ა­ლე­ბე­ბით აც­ნობს 16 წელს მი­უღ­წე­ველს სექ­სუ­ა­ლუ­რი ცხოვ­რე­ბის ისეთ დე­ტა­ლებს, რა­მაც შე­საძ­ლოა, მო­ზარ­დში სექ­სუ­ა­ლუ­რი ლტოლ­ვა გა­მო­იწ­ვი­ოს. აღ­ნიშ­ნუ­ლი შე­იძ­ლე­ბა გან­ხორ­ცი­ელ­დეს, რო­გორც დამ­ნა­შა­ვის მხრი­დან ინ­ტი­მურ თე­მებ­ზე სა­უბ­რის წარ­მარ­თვით, ასე­ვე და­ზა­რა­ლე­ბუ­ლი­სათ­ვის პორ­ნოგ­რა­ფი­უ­ლი მა­სა­ლის ჩვე­ნე­ბით. უნდა აღი­ნიშ­ნოს, რომ ამ და­ნა­შა­უ­ლის მსხვერ­პლი 16 წელს მი­უღ­წე­ვე­ლი პი­რია. სა­ქარ­თვე­ლოს კა­ნონ­მდებ­ლო­ბით აღ­ნიშ­ნუ­ლი და­ნა­შა­უ­ლი ის­ჯე­ბა გა­მას­წო­რე­ბე­ლი სა­მუ­შა­ო­თი, ვა­დით ერთ წლამ­დე ან/და თა­ვი­სუფ­ლე­ბის აღ­კვე­თით, ვა­დით ორ წლამ­დე.

მომ­ხდარ­ზე მო­სახ­ლე­ო­ბის და­მო­კი­დე­ბუ­ლე­ბა ფაქ­ტობ­რი­ვად, ერ­თგვა­რო­ვა­ნია, უმე­ტე­სო­ბის აზ­რით, დამ­ნა­შა­ვე­თათ­ვის გა­მო­ტა­ნი­ლი სას­ჯე­ლი აბ­სო­ლუ­ტუ­რად არა­ა­დეკ­ვა­ტუ­რია.

ხა­თუ­ნა გრძე­ლიშ­ვი­ლი, ეკო­ნო­მის­ტი, 46 წლის:

- სა­სა­მარ­თლოს მხრი­დან ასე­თი გა­ნა­ჩე­ნის გა­მო­ტა­ნა ჩემ­თვის მი­უ­ღე­ბე­ლია. შე­იძ­ლე­ბა ხმა­მა­ღა­ლი ნათ­ქვა­მია, მაგ­რამ ასეთ გარ­ყვნილ ადა­მი­ანს სა­მუ­და­მო პა­ტიმ­რო­ბას მი­ვუს­ჯი­დი. ფაქ­ტია, რომ 65 წლის კაცი მსგავს ქმე­დე­ბას გა­უთ­ვით­ცნო­ბი­ე­რებ­ლად არ სჩა­დის. ის ავად­მყო­ფია და კვლა­ვაც გა­ი­მე­ო­რებს. ერთი ბავ­შვის ცხოვ­რე­ბა და ფსი­ქი­კა ხომ უკვე და­ან­გრია, შე­იძ­ლე­ბა მო­მა­ვალ­ში სხვაც "იმ­სხვერ­პლოს". ამი­ტომ, მკაც­რად უნდა და­ი­სა­ჯოს, რომ ეს სხვე­ბის­თვი­საც სა­მა­გა­ლი­თო გახ­დეს! ვფიქ­რობ, ასე­თი მო­სა­მარ­თლე­ე­ბი თა­ვი­ანთ ად­გი­ლებ­ზე არ უნდა იყ­ვნენ. დიდი ხნის წინ, ერთი ჩემი ნაც­ნო­ბი მო­სა­მარ­თლე გარ­კვე­უ­ლი წნე­ხის ქვეშ მო­ექ­ცა და ისეთ რა­ღა­ცას აი­ძუ­ლებ­დნენ, რისი გა­კე­თე­ბაც ადა­მი­ა­ნურ პრინ­ცი­პებს ეწი­ნა­აღ­მდე­გე­ბო­და. ამის გამო, ორ­ჯერ ინ­ფარ­ქტიც კი გა­და­ი­ტა­ნა, ამი­ტომ, გან­ცხა­დე­ბა და­წე­რა და წა­მო­ვი­და. ჩემი აზ­რით, რო­დე­საც საქ­მე ბავ­შვებ­ზე ძა­ლა­დო­ბას ეხე­ბა, მო­სა­მარ­თლე­ე­ბი და პრო­კუ­რო­რე­ბი ლმო­ბი­ე­რე­ბი და დამთმო­ბე­ბი არ უნდა იყ­ვნენ. საპ­რო­ცე­სო გა­რი­გე­ბა არ უნდა ხდე­ბო­დეს. ერთი მა­გა­ლი­თი რომ იქ­ნე­ბა მკაც­რად დას­ჯის, სხვე­ბი ვე­ღარ გა­ბე­და­ვენ. ბი­ჭის გა­უ­პა­ტი­უ­რე­ბის­თვის თუ მა­მა­კა­ცი სა­თა­ნა­დოდ არ და­ი­სა­ჯა, ჩვე­ნი საშ­ვე­ლი აღარ ყო­ფი­ლა...

თა­ვი­ანთ აზრს სა­ინ­ფორ­მა­ციო პორ­ტა­ლის - "ამ­ბე­ბი.ჯი"-ს მკი­თხვე­ლე­ბიც აფიქ­სი­რე­ბენ:

SHARK:

- რა 6 თვე და 1 წელი?! პე­დო­ფი­ლებს სა­მუ­და­მო პა­ტიმ­რო­ბა! პრე­ვენ­ცი­ის მიზ­ნით მა­ინც იქ­ნე­ბა ეს გა­მო­სა­დე­გი. რო­გორ შე­იძ­ლე­ბა ბავ­შვზე მო­ძა­ლა­დე არა­ა­და­მი­ანს ასე­თი სა­სა­ცი­ლო სას­ჯე­ლი შე­უ­ფარ­დო? გა­მო­ვა და კი­დევ ბევრ ბავ­შვს გა­ა­უ­პა­ტი­უ­რებს, მერე რა პა­სუხს გას­ცემთ მათ მშობ­ლებს? პე­დო­ფი­ლი ყო­ველ­თვის გა­აგ­რძე­ლებს თა­ვის ბო­როტ ქმე­დე­ბას, ის და­ა­ვა­დე­ბუ­ლია. მთავ­რო­ბა რომ ბუ­სუ­სი­ან და ხი­ლის არო­მა­ტი­ან პრე­ზერ­ვა­ტი­ვებ­ზე ბჭობს, საქ­მეს მი­ხე­დონ, ჯო­ბია! ეს ნა­ძი­რა­ლე­ბი რომ გა­მოვ­ლენ, გა­უ­პა­ტი­უ­რე­ბუ­ლი ბავ­შვე­ბის მშობ­ლე­ბი სა­მარ­თალს თა­ვი­სით მო­იყ­ვა­ნენ სის­რუ­ლე­ში, ესე­ნი კი მათ და­ი­ჭე­რენ და 15 წელს მი­უს­ჯი­ან. ყვე­ლას მო­გი­წო­დებთ, მი­ხე­დეთ თქვენს პა­ტა­რებს, მაქ­სი­მა­ლუ­რი ყუ­რა­დღე­ბა მი­აქ­ცი­ეთ მათ! კე­თი­ლი მე­ზო­ბე­ლიც კი შე­საძ­ლოა, მო­ძა­ლა­დედ მო­გევ­ლი­ნოთ.

მე­რა­ბი:

- "ბავ­შვზე ძა­ლა­დო­ბა არ გა­მოვ­ლინ­და", რას ნიშ­ნავს?! 4 წლის ბავ­შვი კა­ბას შე­მო­ი­ხევ­და, თვალს ჩა­ი­ლურ­ჯებ­და და მერე, ზო­გი­ერ­თი შან­ტა­ჟის­ტი ქა­ლი­ვით პო­ლი­ცი­ა­ში გა­იქ­ცე­ო­და? ამ მო­სა­მარ­თლე­ე­ბი­სა და პრო­კუ­რო­რე­ბის კვა­ლი­ფი­კა­ცია გა­და­სა­ხე­დია!

ია:

- პრო­კუ­რო­რი რომ ამ­ბობს, ბავ­შვზე ძა­ლა­დო­ბა არ გა­მოვ­ლინ­დაო, მცი­რე­წლო­ვან­თან სწო­რედ ეს არის გა­სათ­ვა­ლის­წი­ნე­ბე­ლი. ძა­ლა­დო­ბა არ არის სა­ჭი­რო, რომ მაგ ასა­კის ბავ­შვი ასეთ საქ­მე­ში ჩა­ით­რიო, რად­გან ის ისე­დაც ვერ ხვდე­ბა, რა ხდე­ბა. თუ ძა­ლა­დო­ბა არ იყო, უნდა ვი­გუ­ლის­ხმოთ, რომ ბავ­შვი თვი­თონ და­თან­ხმდა? რა სი­სუ­ლე­ლეა ეს ყვე­ლა­ფე­რი? არის თუ არა ძა­ლა­დო­ბის ნიშ­ნე­ბი, დამ­ნა­შა­ვე მა­ინც მკაც­რად უნდა და­ი­სა­ჯოს!

რო­გორც ვხე­დავთ, და­მო­კი­დე­ბუ­ლე­ბა ძა­ლი­ან მწვა­ვეა, თუმ­ცა იუ­რის­ტე­ბი მა­ინც კა­ნო­ნის ენით სა­უბ­რო­ბენ და არ მი­იჩ­ნე­ვენ, რომ მსგავ­სი ქმე­დე­ბის ჩამ­დე­ნი ადა­მი­ა­ნე­ბი ცი­ხე­ში უფრო დიდი ხნით უნდა გა­ამ­წე­სონ, რათა შემ­დგომ­ში კი­დევ მეტი ადა­მი­ა­ნის მო­მა­ვა­ლი არ შე­ი­წი­რონ.

თამ­თა და­დე­შე­ლი

ჟურ­ნა­ლი "გზა"

(გა­მო­დის ხუთ­შა­ბა­თო­ბით)