ნადია მიხალკოვამ სტალინის შვილი განასახიერა

ნიკიტა მიხალკოვის 26 წლის ქალიშვილმა ნადიამ იოსებ სტალინის შესახებ გადაღებულ ბიოგრაფიულ ფილმში სტალინის ქალიშვილი, სვეტლანა ალილუევა განასახიერა. ვასილ სტალინის როლი გელა მესხმა შეასრულა. ფილმის სახელია "ხალხის მამის ვაჟი".

ფილმის ერთ-ერთი რეჟისორის, სერგეი გინზბურგის თქმით, ნადიას გარდა ფილმში ვარკვლავური სახე არ იქნება. ”ცნობადობამ როლის მნიშვნელობა არ უნდა დაჩრდილოს. ეს ხომ ბანალური სერიალი არ არის”, - განაცხადა გინზბურგმა.

გადაღებები კრემლში დაიწყო და სტალინის აგარაკზე დასრულდა. ფილმის ძირითადი ნაწილი მინსკში გადაიღეს, სადაც 1940 წლის ზაფხულში განვითარებული მოვლენები აღადგინეს. ფილმი დიდ ეკრანებზე აგვისტოს ბოლოს გამოვა.

მომზადებულია segodnya.ua-ს მიხედვით.