მნიშვნელოვანი ინფორმაცია
24
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გვანცა ბაგრატიონი - "ბერას გამო შეყვარებულსაც მივატოვებ და ქმარსაც"
02:55 / 28-08-2013
რეპერი გვანცა ბაგრატიონი საზოგადოებამ 2 წლის წინ ბერა ივანიშვილის განსაკუთრებული თაყვანისმცემლის სტატუსით გაიცნო. გვანცამ ბერას ლექსი მიუძღვნა და თავის მიერ შექმნილი პორტრეტიც აჩუქა.
- გვანცა, საზოგადოებამ ბერა ივანიშვილის თაყვანისმცემლის სტატუსით გაგიცნო. დღემდე მის თაყვანისმცემლად რჩები?
- სიტყვები - "თაყვანისმცემელი" და "ფანი" - არ მიყვარს. მე მხოლოდ საკუთარი თავის ფანი ვარ. ბერას ძალიან დიდ პატივს ვცემ, ვუსმენ მის სიმღერებს, თვალს ვადევნებ მის შემოქმედებას. წარმატებებს ვუსურვებ ამერიკაში, რადგან საქართველოში ნიჭიერ ადამიანს განვითარების პერსპექტივა არ აქვს. აქ მხოლოდ ლანძღვა-გინების მომტანია პოპულარობა.
- იცნობ ბერას?
- როგორ არ ვიცნობ. როგორც კი საქართველოში ჩამოვიდა, გავიცანი. საოცრად კარგი ადამიანია, "ლამბორჯინითა" და ძვირფასი საჩუქრებით მას ვერ გააკვირვებ, ამიტომ მისი პორტრეტი შევქმენი და ვაჩუქე. ბერას გული რომ მოიგო, მას სითბო და სიყვარული უნდა დაანახო. მინდა, ჩემი გული და სულიც ვაჩუქო.
- ერთ-ერთ ინტერვიუში განაცხადე, რომ სექსის სანაცვლოდ ფულს გთავაზობენ...
- ეს ადრე იყო, როცა კლიპი გადავიღე. ხალხმა იფიქრა, რომ საცვლებსა და საცურაო კოსტიუმში კლიპი საკუთარი თავის პიარისთვის გადავიღე. იფიქრეს, რომ "მარიაჟი" მეძავი ვარ. გაუნათლებლები არიან ქართველი ბიჭები, მწერდნენ, შენთან სექსი რა ღირსო. ხალხი ზღვისპირა ქალაქებში უფრო თამამად ჩაცმული დადის, ვიდრე მე ვიყავი კლიპში. ეგ როგორ იფიქრეს, რომ სექსის გამო გადავიღე ასეთი კლიპი!
- შეყვარებული ხარ?
- შეყვარებული არ ვარ, მაგრამ ერთი ბიჭი მომწონს. ვნახოთ, რა იქნება.
- ბერამ რომ გთხოვოს ცოლობა, რა რეაქცია გექნება?
- დავთანხმდები აუცილებლად. მაგის გამო შეყვარებულსაც მივატოვებ და ქმარსაც. ნებისმიერი გოგო ინატრებს ისეთ ოჯახში მოხვედრას, როგორიც ბერას ჰყავს. რა სინდისით უნდა თქვა უარი ბერას ცოლობაზე?
- შენი აზრით, ბიძინა ივანიშვილს სარძლოდ მოეწონები?
- ვიცი, რომ ბიძინა ივანიშვილი ცოტა სხვანაირად მიყურებს, ვიცი, არ მოვწონვარ. ვფიქრობ, მას და ეკას ჩემნაირი რძალი არ მოეწონებათ, ალბათ უფრო ჩადრიან გოგოს ეძებენ. ვინც ეკრანზე შიშველი არ ჩანს. მათ ოჯახს კდემამოსილი გოგო უფრო შეეფერება (იცინის).
- პრეზიდენტის ვაჟი არ მოგწონს?
- კარგი ბიჭია ედუჩა სააკაშვილი, ის ბერასგან განსხვავებულია. მაგრამ ედუჩას ცოლად ნამდვილად არ გავყვებოდი. როგორც ვიცი, ახლა ის ჩინეთშია, დიდი ხანია არ შევხვედრივარ. ქართველი ბიჭებისთვის მშობლების აზრი მნიშვნელოვანია, სააკაშვილის ვაჟი უფრო მომიყვანს ცოლად, ვიდრე ბერა, რადგან მიშა სხვანაირად უყურებს ყველაფერს. თუმცა ბერას ვერ ვუღალატებ, გამორიცხულია...
ფსიქოლოგის დასკვნა
ლევან ოდიშარია, ფსიქოლოგი: ეს ადამიანი, ერთი შეხედვით, შეიძლება თავხედი და ზედაპირული მოგეჩვენოთ, მაგრამ სინამდვილეში ასე არ არის. უყვარს ყურადღების ცენტრში ყოფნა და საკუთარ გრძნობებზე ხმამაღლა ლაპარაკი.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
