მნიშვნელოვანი ინფორმაცია
27
მაისიდღის ზოგადი ასტროლოგიური პროგნოზი
სამშაბათი, მთვარის ოცდამეათე დღე დაიწყება 04:18-ზე, მთვარის პირველი დღე დადგება 07:02-ზე, მთვარე ტყუპშია – ჰარმონიული და მარტივი დღეა, სიყვარულის, პატიებისა და მიღების. არ ღირს მნიშვნელოვანი საქმეების დაწყება. თუმცა, ის, რაც დღეს დაიგეგმება, მოგვიანებით წარმატებით განხორციელდება. ნუ გადატვირთავთ თავს ფიზიკურად და ემოციურად. ნაკლები ილაპარაკეთ. საღამოსკენ გაუმკლავდით ფინანსურ საკითხებს. გადაიხადეთ ვალები. მეტი დრო გაატარეთ ბუნებაში. დღეს არ შექმნათ ოჯახი. საყვარელ ადამიანთან ერთად გაისეირნეთ ბუნებაში. მოერიდეთ ოპერაციებს სასუნთქ ორგანოებზე. დაღლილობას სუფთა ჰაერზე გასეირნება, მსუბუქი ვარჯიში მოგიხსნით. მსუბუქად იკვებეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მუსლიმთა კავშირი მინარეთის დემონტაჟის კანონიერების დადგენას ითხოვს
02:02 / 27-08-2013
"ქართველ მუსლიმთა კავშირი" ადიგენის რაიონის სოფელ ჭელაში მეჩეთთან არსებული მინარეთის დემონტაჟთან დაკავშირებით განცხადებას ავრცელებს. მუსლიმთა კავშირის ხელმძღვანელი ტარიელ ნაკაიძე მინარეთის დემონტაჟის კანონიერების დადგენას ითხოვს. ტარიელ ნაკაიძე საქართველოს პრემიერ-მინისტრს მიმართავს, უზრუნველყოს კონსტიტუციით გარანტირებული რწმენის თავისუფლების უპირობო დაცვა.
"უკიდურეს აღშფოთებას გამოვხატავთ ადიგენის რაიონის სოფელ ჭელაში მდებარე მეჩეთის მინარეთის დემონტაჟთან დაკავშირებით, რომელიც ადგილობრივთა მიერ მოწოდებული ინფორმაციით, 2013 წლის 26 აგვისტოს განხორციელდა შინაგან საქმეთა სამინისტროს პოლიციის სხვადასხვა ქვედანაყოფების წარმომადგენელთა ჩარევის შედეგად. საქართველოს მუსლიმი მრევლი გამოვხატავთ უკიდურეს შეშფოთებას და მოვითხოვთ, მინარეთის დემონტაჟის კანონიერების დაუყოვნებლივ დადგენას. ასევე, მივმართავთ საქართველოს პრემიერ-მინისტრს, ყველაფერი იღონოს ბოლო პერიოდში მუსლიმების მიმართ დაძაბული ვითარების განმუხტვისათვის და უზრუნველყოს კონსტიტუციით გარანტირებული რწმენის თავისუფლების უპირობო დაცვა. ასევე, მნიშვნელოვანია პასუხი გაეცეს კითხვას, რამდენად წარმოადგენდა აუცილებლობას მინარეთის ამგვარი უხეში და პროვოკაციული ფორმით დემონტაჟი", - აღნიშნულია "ქართველ მუსლიმთა კავშირის" განცხადებაში.
ტარიელ ნაკაიძე სამართალდამცველებს მოუწოდებს, დაუყოვნებლივ მიიღონ ზომები, რათა კანონის ფარგლებში აღდგეს ჭელის მეჩეთის მინარეთი.
ძალიან შეურაცხყოფილი ვართ დღეს ჭელაში მომხდარი ფაქტის გამო, - ამის შესახებ სრულიად საქართველოს მუსლიმთა სამმართველოს მუფთმა ჯემალ პაქსაძემ ჟურნალისტებს განუცხადა. ბათუმის მეჩეთში გუშინ საღამოს სამუფთოს ადმინისტრაციის წევრები შეიკრიბნენ და მომხდართან დაკავშირებით იმსჯელეს. ჯემალ პაქსაძის თქმით, მინარეთის დემონტაჟში მონაწილეებმა ღვთის წინაშე დიდი ცოდვა ჩაიდინეს. მისივე განმარტებით, თუკი სარფის საბაჟოზე უკანონოდ იყო შემოტანილი მასალა, მოხდება მისი ხელმეორედ განბაჟება და მინარეთი მეჩეთს დაუბრუნდება.
"მწუხარებას გამოვთქვამთ დაზარალებული მრევლის გამო. ძალიან აღშფოთებული, ძალიან დამწუხრებულები ვართ. ეს არის მოუხდელი ცოდვა, ვინც შეეხო მინარეთს. შევხვდით ხელისუფლების წარმომადგენლებს, აჭარის მთავრობის თავმჯდომარეს, გვქონდა დედაქალაქთან კავშირიც. ხვალ ვაპირებთ ადგილზე ჩასვლას. მრევლს ავუხსნით, რა მოლაპარაკებებიც შედგა ჩვენსა და ხელისუფლებას შორის. თუ მასალა უკანონოდ იყო შემოტანილი საბაჟოზე, მოხდება მისი ხელმეორედ განბაჟება და საბოლოოდ, თავის ადგილს დაიკავებს მინარეთი", - აღნიშნა გუშინ ჯემალ პაქსაძემ.
მისივე განცხადებით, საქართველოს კონსტიტუციის მიხედვით ყველას აქვს რწმენისა და აღმსარებლობის უფლება. ჯემალ პაქსაძის თქმით, საქართველოს კანონმდებლობაში დღემდე არ არსებობს მეჩეთის მინარეთის მშენებლობაზე ოფიციალურად ნებართვის გაცემა.
"როდესაც ვამბობთ, რომ ჩვენ ვართ ტოლერანტი ერი, ეს აღარ უნდა მოხდეს XXI საუკუნეში და ყველა თავის სამლოცველოს პატივს უნდა სცემდეს. იმედი გვაქვს, ხელისუფლება გონივრულ ნაბიჯებს გადადგამს. კიდევ ერთხელ გამოვთქვამ მწუხარებას, დაზარალებული ქართველი მუსლიმების მიმართ. მათ თანავუგრძნობთ და მათ გვერდში ვართ. საქართველოს კონსტიტუციის მიხედვით, ყველას აქვს რწმენისა და აღმსარებლობის უფლება. ოღონდ, ჩვენს კონსტიტუციაში დღემდე არ არსებობს მეჩეთის მინარეთის მშენებლობაზე ოფიციალურად ნებართვის გაცემა. წმინდა ყურანი გვასწავლის, რომ კანონის გარეშე არ ვიმოქმედოთ. წლების განმავლობაში არ ხერხდება ამ პრობლემის მოგვარება. იმედი გვაქვს, კანონმდებლები მიიღებენ კანონს, რის მიხედვითაც, შევძლებთ მშენებლობას", - აღნიშნა ჯემალ პაქსაძემ.
სრულიად საქართველოს მუსლიმთა სამმართველოს წევრები და მუფთი ჯემალ პაქსაძე დღეს დილით ადიგენში გაემგზავრებიან.
გუშინ ადიგენის რაიონის სოფელ ჭელაში მეჩეთის მინარეთის დემონტაჟი მოხდა. დემონტაჟის დროს მოსახლეობასა და სამართალდამცავებს შორის შეხლა-შემოხლის დროს 20-ზე მეტი ადამიანი დააკავეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვინ ხარჯავს ყველაზე მეტს თავდაცვაზე და როგორ გამოიყურება საქართველოს შეირაღებული ძალების შესაძლობები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
