"ქართული ოცნების" დაკვეთით ჩატარებული კვლევის თანახმად, გამოკითხულთა 65%-ის აზრით, საპრეზიდენტო არჩევნებში გიორგი მარგველაშვილი გაიმარჯვებს.
კითხვაზე, თქვენი არჩევანის მიუხედავად, როგორ ფიქრობთ, ვინ გაიმარჯვებს არჩევნებში, "ქართული ოცნების" კანდიდატს 65% ასახელებს, "ნაციონალური მოძრაობის" კანდიდატ დავით ბაქრაძეს - 7%, "დემოკრატიული მოძრაობის" ლიდერ ნინო ბურჯანაძეს - 4%, კითხვაზე პასუხი არ აქვს რესპონდენტთა 19%-ს.
რაც შეეხება ნდობას არჩევნების შედეგებისადმი, კითხვაზე, რამდენად სამართლიანად ჩატარდება საპრეზიდენტო არჩევნები, გამოკითხულთა 21% პასუხობს, რომ არჩევნები სრულიად სამართლიანად ჩატარდება, 39%-ის აზრით - სამართლიანად, 23%-ის აზრით, მეტ-ნაკლებად სამართლიანად, ხოლო 4%-ის აზრით - უსამართლოდ.
საკვლევ-საკონსულტუციო ცენტრმა "ფსიქოპროექტმა" ინსტიტუტებისადმი ნდობის რეიტინგიც შეადგინა, რომელშიც კვლავ საქართველოს ეკლესია ლიდერობს.
