მიხეილ სააკაშვილი: "მე-9 არხი" იყო ბედუკაძის გადაღებული ფილმის გასაშვებად შექმნილი არხი

"არ უნდა ეწყინოთ "მე-9 არხის" თანამშრომლებს, ისინი გამოიყენეს იმისთვის, რისთვისაც გამოიყენეს და მერე ჩვეულებრივად გვერდით ჩასწიეს", -ამის შესახებ საქართველოს პრეზიდენტმა, მიხეილ სააკაშვილმა მედიასთან შეხვედრაზე განაცხადა.

სააკაშვილის განცხადებით, ის "მე-9 არხს" არ მისტირის, თუმცა აღნიშნავს, რომ დამატებით ერთი არხის დახურვა, ცუდია.

"მე-9 არხი" იყო ერთი კონკრეტული რეჟისორის, ვლადიმერ ბედუკაძის გადაღებული ფილმის გასაშვებად შექმნილი არხი. ეს კადრები, რომელიც ბედუკაძემ გადაიღო, "მე-9 არხის" მფლობელს ხელში ჰქონდა მინიმუმ 2011 წლის ზაფხულში და როცა გადაწყვიტა პოლიტიკაში შემოსვლა, ამის შემდეგ ქმნის "მე-9 არხს". ამ არხის ერთადერთი ფუნქცია იყო, როდესაც მოვიდოდა მომენტი, გაეშვა ბედუკაძის მიერ გადაღებული თუ დადგმული კადრები ტელესივრცეში", - განაცხადა სააკაშვილმა.

"ინტერპრესნიუსი"