მნიშვნელოვანი ინფორმაცია
20
ივლისიდღის ზოგადი ასტროლოგიური პროგნოზი
კვირა, მთვარის ოცდამეექვსე დღე დაიწყება 00:44-ზე, მთვარე ტყუპს ესტუმრება 13:21-ზე – შეიძლება იყოს ზედმეტი აურზაური და ენერგიის ფლანგვა ლაპარაკზე. მეტად დაისვენეთ. იყავით შერჩევითი კონტაქტებში. მოუსმინეთ მეგობრების რჩევებს. კოლეგებთან იყავით ნეიტრალური. მოერიდეთ პროვოკაციებსა და ცდუნებებს. გზებზე განსაკუთრებით ფრთხილად იყავით. კარგი დღეა კონტაქტებისა და გაცნობისთვის. ინფორმაციის, იდეების გაცვლა. ხელსაყრელია შეხვედრები და მოლაპარაკებები. აქტიური ორგანოებია: მხრები, მკლავები, თითები, ფილტვები, ენდოკრინული სისტემა. გაწმინდეთ ფანჯრები. გაანიავეთ სახლი. მოერიდეთ მძიმე საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ბიბლუსის" ახალი ინიციატივა - ქაღალდის პარკები პოლიეთილენის პარკების ნაცვლად
07:11 / 20-08-2013
"იყავი ბიბლუსელი, დაიცავი გარემო", - მაღაზიათა ქსელი "ბიბლუსი" ახალ მომსახურებას გთავაზობთ: ქაღალდის პარკები პოლიეთილენის პარკების ნაცვლად.
ცოტა ხნის წინ, პირველად "ბიბლუსის" მაღაზიათა ქსელში, მეორადი გადამუშავების ქაღალდებისგან დამზადებული პარკები გამოჩნდა. "ბიბლუსის" პიარ-მენეჯერი, მაირიამ წამალაშვილი აცხადებს, რომ აღნიშნულ ინიციატივასთან დაკავშირებით მომხმარებლის პოზიცია დადებითია.
"მნიშვნელოვანია, რომ ეს პარკი კვლავ ექვემდებარება გადამუშავებას და არ უქმნის საფრთხეს გარემოს. სწორედ ეს არის ჩვენი მიზანი, შევიტანოთ წვლილი გარემოს დაცვაში. ჩვენ შევიმუშავეთ სლოგანი "იყავი ბიბლუსელი - დაიცავი გარემო". გვსურს, რომ ჩვენი ერთგული მომხმარებელი ავიყოლიოთ და ჩავრთოთ ამ ინიციატივაში, რათა ყველამ ერთად ვიზრუნოთ ქვეყნის ეკოლოგიაზე", - აცხადებს მარიამ წამალაშვილი.
კავკასიის გარემოსდაცვითი არასამთავრობო ორგანიზაციები ქსელის გარემოსდაცვითი პროექტების კოორდინატორი, რეზო გეთიაშვილი "ბიბლუსის" წამოწყებას მიესალმება და აცხადებს, რომ ეს ძალიან მნიშვნელოვანია ადამიანების ცნობიერების ამაღლებისთვის.
"მსგავსი ინიციატივები მისასალმებელია და ის უფრო გრძელვადიან შედეგებს ემსახურება. ადამიანებში ნელ-ნელა უნდა ამაღლდეს გარემოსდაცვითი ცნობიერება, ამ მხრივ "ბიბლუსი" წარმოადგენს პიონერს. მნიშვნელოვანია, რომ "ბიბლუსის" საშუალებით ეს ინიციატივა მივა ძალიან ბევრ ადამიანამდე", - აცხადებს გეთიაშვილი.
გარემოსდაცვითი პროექტების კოორდინატორის შეფასებით, გარემოს დაცვის კუთხით პოლიეთილენის პაკებს მრავალი უარყოფითი მხარე აქვს, რადგან ის წარმოადგენს საშიშ ნარჩენს.
"ჩვენ ამ პრობლემებს ყოველი ფეხის გადადგმაზე ვაწყდებით და კარგად ვიცით ცელოფნის პარკებით რამდენად არის დაბინძურებული გარემო. ეს არის ურთულესი პრობლემა მსოფლიოში და სხვადასხვა მეთოდებით ცდილობენ ამ პრობლემის მოგვარებას, ერთ-ერთი მეთოდი არის ის, რომ შეიცვალოს პოლიეთილენის პარკები, მაგრამ ეს არ არის მარტივი, მთავარია, შეიცვალოს ადამიანების ცნობიერება.
ჩემი აზრით, "ბიბლუსის" მიერ დაწყებული კამპანია, კონკრეტულად არამარტო ცელოფნის პარკებს ჩაანაცვლებს, არამედ შეცვლის ადამიანების ცნობიერებას", - აღნიშნა გეთიაშვილმა.
სტასტიკის თანახმად, მსოფლიოში 1 წამის განმავლობაში 1 მილიონზე მეტი პოლიეთილენის პარკი იყრება, რომლებიც ბუნებაში 1000 წელზე მეტხანს რჩება. პოლიეთილენის მოხმარების შემცირებისა და მისი ქაღალდის პარკებით ჩანაცვლების პროპაგანდა დღეს მთელს მსოფლიოში მიმდინარეობს. "ბიბლუსი" ახალი ინიციატივით სწორედ ამ წამოწყებას უერთდება.
თეა ბითაძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ლევან ხაბეიშვილს პირდაპირ ეთერში თავს დაესხნენ - დაპირისპირების ამსახველი კადრები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
_2019-10-07_pcZAK5dDPSlBIBs.jpg)
