15
ივნისიდღის ზოგადი ასტროლოგიური პროგნოზი
რამდენიმე დღის წინ ქუთაისში, გრიშაშვილის ქუჩაზე 7 ნომერში მდებარე შენობაზე წარწერა "წართმეულია" გაჩნდა. 888.21 კვ. მიწის ფართზე მდებარე შენობა, შპს "შიტრიტ ჯგუფმა" 2011 წლის 18 თებერვლს შეიძინა და ვალდებულება აიღო, რომ სასტუმროს მოწყობა 2013 წლის პირველ იანვრამდე დასრულდებოდა. თუმცა ამ დრომდე შენობის მხოლოდ გარე ფასადია მოწესრიგებული.
2013 წლის მარტში "შიტრიტ ჯგუფმა" აღნიშნული შენობა კვლავ მერიას გადასცა საკუთრებაში და ამ დროისთვის მერიის კუთვნილებაა. ახლა კი, შპს-ს უფროსმა, გვარად ფილიპიამ განცხადება შეიტანა და შენობის დაბრუნებას ითხოვს. აღსანიშნავია, რომ მიმდინარე საქმეში დევს ხელშეკრულება, რომლის მიხედვითაც ირკვევა, რომ "შიტრიტ ჯგუფმა" შენობა საკუთარი სურვილით აჩუქა მერიას. ამიტომ უცნობია, რის საფუძველზე აცხადებს "შიტრიტ ჯგუფი", რომ შენობაზე იძულებით ათქმევინეს უარი.
