"რუ­სებს ერთი ჭიქა ღვი­ნო უფა­სოდ უნდა და­ვა­ლე­ვი­ნო, ყო­ვე­ლი მომ­დევ­ნო ჭიქა კი 2 ლარი ეღი­რე­ბა. თქვენ გი­ნა­ხავთ რუსი ერთ ჭი­ქა­ზე ჩერ­დე­ბო­დეს?"

"აუ­ცი­ლებ­ლად უნდა ავა­ღორ­ძი­ნოთ იდე­ო­ლო­გი­უ­რი ტუ­რიზ­მი, რო­მე­ლიც ადა­მი­ა­ნის ტვინ­ში ჩაჯ­დე­ბა. რუ­სეთ­ში, არ­ჩევ­ნებ­ში 30% მი­ი­ღო ზი­უ­გა­ნოვ­მა. ეს 30% არის 40 მი­ლი­ო­ნი რუსი, რო­მელ­საც აბო­დებს სტა­ლინ­ზე. ამი­ტომ ჩვენ სტა­ლი­ნი და ბე­რია იმ დო­ნემ­დე უნდა ავა­მაღ­ლოთ, რომ მათ ინ­ტე­რე­სი გა­უჩ­ნდეთ და ჩა­მო­ვიდ­ნენ. მა­გა­ლი­თად, უნდა გა­ვა­კე­თოთ ბე­რი­ას სახლ-მუ­ზე­უ­მი, წინ ძეგლით, სო­ჭი­დან გა­მო­სულ ავ­ტო­ბუსს კი ეწე­რე­ბა - "ბე­რი­ა­დან სტა­ლი­ნამ­დე", "პუ­ტინ­თან რა მე­საქ­მე­ბა? ზი­უ­გა­ნოვს 40 მი­ლი­ო­ნი რუსი უჭერს მხარს. მას ვთხოვ, გზა გა­მიხ­სნას სო­ჭი­დან, აფხა­ზეთ­ში ჩა­მო­სულ ტუ­რის­ტებს კი ზუგ­დი­დის გზას გა­ვუ­ყე­ნებ. თა­ნაც, ამ უმაღ­ლე­სი დო­ნის გზას მთლი­ა­ნად რუ­სებს ვა­კე­თე­ბი­ნებ".

გინდ და­ი­ჯე­რეთ, გინდ - არა, ეს პრე­ზი­დენ­ტო­ბის ერთ-ერთი კან­დი­და­ტის, ნი­კო­ლოზ ვე­ლი­ჯა­ნაშ­ვი­ლის წი­ნა­სა­არ­ჩევ­ნო და­პი­რე­ბე­ბია. ორი­გი­ნა­ლუ­რო­ბი­თა და ფან­ტა­ზი­ის დიდი უნა­რით გა­მო­ირ­ჩე­ვა კო­ა­ლი­ცია "ერ­თსუ­ლოვ­ნე­ბის" ერთ-ერთ ლი­დე­რი, მი­ხე­ილ-გელა სა­ლუ­აშ­ვი­ლი. რო­გორც თა­ვად ამ­ბობს, მისი საპ­რე­ზი­დენ­ტო პროგ­რა­მა იმ პრინ­ცი­პე­ბის გა­მომ­ზე­უ­რე­ბას ემ­ყა­რე­ბა, რა­საც სა­ქარ­თვე­ლოს სუ­ლი­ე­რი მი­სი­ის არსი შე­ი­ცავს, "ბოლო ჟამ­თან" და­კავ­ში­რე­ბით. "ჩვე­ნი საპ­რე­ზი­დენ­ტო პროგ­რა­მა ორი ნა­წი­ლის­გან შედ­გე­ბა: ეს არის ეროვ­ნულ-რე­ლი­გი­უ­რი და ეროვ­ნულ-პო­ლი­ტი­კუ­რი. ეროვ­ნულ-რე­ლი­გი­უ­რი ნა­წი­ლი დამ­ყა­რე­ბუ­ლია სა­ქარ­თვე­ლოს სუ­ლი­ერ მი­სი­ა­ზე, ანუ მას­ში გა­ა­ნა­ლი­ზე­ბუ­ლია ჩვე­ნი როლი მსოფ­ლიო სა­კა­ცობ­რიო ის­ტო­რი­ა­ში. ერთ-ერთ უდი­დეს ქარ­თულ ძეგლ­ში - "ქე­ბაი და დი­დე­ბაი ქარ­თუ­ლი­სა ენი­საი", გან­სა­ზღვრუ­ლია ქარ­თუ­ლი ენის მი­სია... ვფიქ­რობთ, მე­ო­რედ მოს­ვლის ად­გი­ლი იქ­ნე­ბა სა­ქარ­თვე­ლო და ჩემი გაპ­რე­ზი­დენ­ტე­ბის შემ­თხვე­ვა­ში, ამას ღირ­სე­უ­ლად დავ­ხვდე­ბით", - ამ­ბობს სა­ლუ­აშ­ვი­ლი... და­ნარ­ჩე­ნი საპ­რე­ზი­დენ­ტო კან­დი­და­ტე­ბის წი­ნა­სა­არ­ჩევ­ნო და­პი­რე­ბე­ბით თავს აღარ შე­გა­წყენთ, მათ სა­ზო­გა­დო­ე­ბა ისე­დაც ხში­რად უს­მენს და ხე­დავს. ვფიქ­რობ, ამ ეტაპ­ზე ის უფრო სა­ინ­ტე­რე­სო იქ­ნე­ბა, თუ რას ფიქ­რო­ბენ სა­ზო­გა­დო­ე­ბის­თვის ცნო­ბი­ლი თუ უც­ნო­ბი წარ­მო­მად­გენ­ლე­ბი პრე­ზი­დენ­ტო­ბის ცნო­ბილ და უც­ნობ კან­დი­და­ტებ­ზე.

ნო­დარ ნა­თა­ძე:

- ჩემი აზ­რით, ამ საპ­რე­ზი­დენ­ტო არ­ჩევ­ნებ­ში სა­ლო­მე ზუ­რა­ბიშ­ვი­ლის გარ­და, ყვე­ლა კა­რი­კა­ტუ­რაა ან უკე­თეს შემ­თხვე­ვა­ში, - მე­გობ­რუ­ლი შარ­ჟი. "რუს­თა­ვი 2" სპე­ცი­ა­ლუ­რად ქმნის ისეთ სი­ტუ­ა­ცი­ას, რომ ქარ­თვე­ლი ხალ­ხი დე­ბი­ლად წარ­მო­ა­ჩი­ნოს. ე.ი. ამ ტე­ლე­კომ­პა­ნი­ას უნდა დაგ­ვარ­წმუ­ნოს, რომ თითო პრე­ზი­დენ­ტო­ბის კან­დი­დატს 27 ათა­სი კაცი აძ­ლევს ხმას. გა­მო­დის, რომ სა­ქარ­თვე­ლო­ში, და­ახ­ლო­ე­ბით 100 ათა­სი კაცი დე­ბი­ლია.

- "რუს­თა­ვი 2" რა შუ­ა­შია?

- რა, არ იცით, რომ "რუს­თა­ვი 2" სა­ა­კაშ­ვი­ლის ტე­ლე­ვი­ზი­აა?

- თუნ­დაც ასე იყოს, გინ­დათ თქვათ, რომ პრე­ზი­დენ­ტო­ბის კან­დი­და­ტებს "რუს­თა­ვი 2" ეხ­მა­რე­ბა ხელ­მო­წე­რე­ბის შეგ­რო­ვე­ბა­ში?

- ამ ხელ­მო­წე­რე­ბის შეგ­რო­ვე­ბა რო­გორც ხდე­ბა, ყვე­ლამ კარ­გად იცით, თავს ნუ იკა­ტუ­ნებთ.

- კარ­გი, ბა­ტო­ნო ნო­დარ, სა­ლუ­აშ­ვი­ლი­სა და ვე­ლი­ჯა­ნაშ­ვი­ლის პროგ­რა­მებ­ზე რას იტყვით?

- გელა სა­ლუ­აშ­ვილს კარ­გად ვიც­ნობ და ვიცი, რომ კე­თილ­შო­ბი­ლი კა­ცია. თუმ­ცა ახლა ფან­ტას­ტი­კუ­რი პროგ­რა­მა აქვს. და­ნარ­ჩე­ნე­ბი რო­გორც უკვე გი­თხა­რით, კა­რი­კა­ტუ­რე­ბი არი­ან. აი, ბურ­ჯა­ნა­ძე კი ცალ­კე სა­უბ­რის თე­მაა...

- ბურ­ჯა­ნა­ძე რა­ტომ არის ცალ­კე სა­უბ­რის თემა?

- ხალ­ხს ის მო­ლა­პა­რა­კე ტი­კი­ნა ჰგო­ნია, სი­ნამ­დვი­ლე­ში კი რუ­სე­თის "ნომ­რი­ა­ნი აგენ­ტია". ის ცდი­ლობს, ხალ­ხი და­ა­ჯე­როს, რომ და­სავ­ლე­თი ტე­რი­ტო­რი­ე­ბის დაბ­რუ­ნე­ბა­ში არ გვეხ­მა­რე­ბა. არა­და, სწო­რედ და­სავ­ლე­თის წყა­ლო­ბით არ აღი­ა­რებს მსოფ­ლიო სე­პა­რა­ტის­ტუ­ლი რე­გი­ო­ნე­ბის და­მო­უ­კი­დებ­ლო­ბას. ბურ­ჯა­ნა­ძე იმა­საც ცდი­ლობს, რომ ხალ­ხი მო­ა­ტყუ­ოს, თით­ქოს პუ­ტი­ნი მას­თან შეთ­ქმუ­ლე­ბას აწყობს თა­ვი­სი ქვეყ­ნის წი­ნა­აღ­მდეგ და ტე­რი­ტო­რი­ე­ბის დაბ­რუ­ნე­ბას გვპირ­დე­ბა. მას ასე­ვე უნდა, შექ­მნას შთა­ბეჭ­დი­ლე­ბა, რომ თით­ქოს რუ­სე­თი არის და მო­მა­ვალ­შიც იქ­ნე­ბა ისე­თი ძალა, რო­მე­ლიც მსოფ­ლი­ოს თა­მა­შის წე­სებს უკარ­ნა­ხებს. სი­ნამ­დვი­ლე­ში რუ­სე­თი ასე­თი ძლი­ე­რი აღარ არის და აღარც არას­დროს იქ­ნე­ბა. გარ­და იმი­სა, რომ ბურ­ჯა­ნა­ძე რუ­სე­თის "ნომ­რი­ა­ნი აგენ­ტია", სა­ა­კაშ­ვილ­თან ერ­თად 26 მა­ი­სის ხოც­ვა-ჟლე­ტის თა­ნა­ავ­ტო­რიც არის.

- მარ­გვე­ლაშ­ვილ­ზე რას იტყვით?

- გა­მარ­ჯვე­ბის ძა­ლი­ან და­ბა­ლი შან­სი აქვს, არაშ­თამ­ბეჭ­და­ვი ფი­გუ­რაა.

- და­ვით ბაქ­რა­ძეს?

- ამას ალ­ბათ ბევ­რი ვერ ამ­ჩნევს, მაგ­რამ სი­ნამ­დვი­ლე­ში ბაქ­რა­ძეს პა­ტა­რა ბავ­შვის ტვი­ნი აქვს. თა­ვად გან­სა­ჯეთ, სა­პარ­ლა­მენ­ტო უმ­რავ­ლე­სო­ბას სა­კა­ნონ­მდებ­ლო ორ­გა­ნო­ში შე­მო­აქვს წი­ნა­და­დე­ბა, რომ პრე­ზი­დენტს უფ­ლე­ბე­ბი შე­უკ­ვე­ცოს, რომ სულ­მა არ წას­ძლი­ოს დარ­ჩე­ნილ მცი­რე დრო­ის მო­ნაკ­ვეთ­ში და რამე არ მი­ქა­როს. ბაქ­რა­ძე კი ამ­ბობს, მხარს არ და­გი­ჭერთ, რად­გან თქვენ ჩვენს თა­ნა­პარ­ტი­ე­ლებს აპა­ტიმ­რებთ და ამის გამო ნა­წყე­ნე­ბი ვარ­თო. ამ კაცს არ ეს­მის, რომ კა­ნო­ნის მი­უ­ღებ­ლო­ბა იმის გამო, რომ ნა­წყე­ნი ხარ, არ შე­იძ­ლე­ბა.

რეზო ესა­ძე, რე­ჟი­სო­რი:

- სი­მარ­თლე გი­თხრათ, საპ­რე­ზი­დენ­ტო კან­დი­და­ტე­ბის პროგ­რა­მებს კარ­გად არ ვიც­ნობ, მე მათი ნა­კე­თე­ბი საქ­მე­ე­ბი­დან გა­მომ­დი­ნა­რე, ვა­კე­თებ დას­კვნებს. სა­ხელ­მწი­ფოს მმარ­თველ­თა ალი­ან­სი ივა­ნიშ­ვი­ლი­სა და ბურ­ჯა­ნა­ძის სა­ხით, აი, ეს არის ჩემ­თვის იდე­ა­ლუ­რი წყვი­ლი. იმ სივ­რცის­თვის, იმ ამ­ბე­ბის­თვის, რაც დღეს ჩვენ ირ­გვლივ ტრი­ა­ლებს, ამა­ზე უკე­თე­სი სა­ოც­ნე­ბო მე არ მაქვს.

- მაგ­რამ ეს ალი­ან­სი არ შედ­გა და ივა­ნიშ­ვი­ლის კან­დი­და­ტი მარ­გვე­ლაშ­ვი­ლია...

- საქ­მე რა არის, იცით? ივა­ნიშ­ვი­ლი არ არის იო­ლად ამო­საც­ნო­ბი ადა­მი­ა­ნი. მისი გო­ნე­ბა შორს მი­დის. მე ამას ვგრძნობ და სწო­რედ ეს "სი­შო­რე ფიქ­რი­სა" მაძ­ლევს სა­შუ­ა­ლე­ბას, ვი­ოც­ნე­ბო ივა­ნიშ­ვი­ლი-ბურ­ჯა­ნა­ძის ალი­ანსზე.

იმე­და კა­ხი­ა­ნი, მსა­ხი­ო­ბი:

- საპ­რე­ზი­დენ­ტო კან­დი­და­ტებს შო­რის მხო­ლოდ და­ვით ბაქ­რა­ძეს არ ვენ­დო­ბი. მისი პარ­ტი­ის ლი­დე­რებს ძა­ლი­ან დიდ ცოდ­ვებ­ში აქვთ ფეხი ჩად­გმუ­ლი. ვერ და­ვი­ჯე­რებ, რომ ბაქ­რა­ძემ არ იცო­და, რა­საც "ნა­ცი­ო­ნა­ლე­ბი" აკე­თებ­დნენ. და­ნარ­ჩე­ნი წე­სი­ე­რი ხალ­ხია. უბ­რა­ლოდ, ვფიქ­რობ, რომ პრე­ზი­დენ­ტო­ბას ცოტა სხვა რამე უნდა... ეს გა­ცი­ლე­ბით სე­რი­ო­ზუ­ლი მი­სი­აა, ვიდ­რე ვი­ღა­ცებს წარ­მო­უდ­გე­ნი­ათ.

- თქვენ არ­ჩე­ვა­ნი უკვე გა­ა­კე­თეთ?

- კი გა­ვა­კე­თე. მე "ქარ­თუ­ლი ოც­ნე­ბის" მხარ­დამ­ჭე­რი ვარ და შე­სა­ბა­მი­სად, არ­ჩევ­ნებ­ზე ხმას მარ­გვე­ლაშ­ვილს მივ­ცემ.

- მარ­გვე­ლაშ­ვი­ლი ივა­ნიშ­ვი­ლის მიერ წა­მო­ყე­ნე­ბუ­ლი კან­დი­და­ტი რომ არ იყოს, ხმას მა­ინც მის­ცემ­დით?

- კი, რა­ტო­მაც არა? ის იმ­სა­ხუ­რებს მხარ­და­ჭე­რას. ნი­ჭი­ე­რი, გა­ნათ­ლე­ბუ­ლი კა­ცია. თუმ­ცა, სი­მარ­თლე გი­თხრათ, ჩემი ოც­ნე­ბა მაქვს... ნება რომ მქონ­დეს, პრე­ზი­დენ­ტო­ბის კან­დი­და­ტად და­ვა­სა­ხე­ლებ­დი ზუ­რაბ აბა­ში­ძეს, რო­მე­ლიც ახლა ჩვე­ნი წარ­მო­მად­გე­ნე­ლია რუ­სეთ­ში. ეს კაცი დიპ­ლო­მა­ტიც არის, გა­წო­ნას­წო­რე­ბუ­ლი ადა­მი­ა­ნიც და გა­ნათ­ლე­ბუ­ლიც. დი­მიტ­რი გე­ლო­ვა­ნის არ იყოს, კარ­გი შე­სა­ხე­დი, კარ­გი ოჯა­ხის შვი­ლი. აი, რო­გო­რია ზუ­რაბ აბა­ში­ძე.

ნანა აკო­ფაშ­ვი­ლი, პე­და­გო­გი:

- ე.ი. რას არ გა­ი­გებს და მო­ის­მენს კა­ცის ყური, ეს რა მო­ვის­მი­ნე? ვე­ლი­ჯა­ნაშ­ვი­ლის საპ­რე­ზი­დენ­ტო პროგ­რა­მის შე­სა­ხებ რომ გა­ვი­გე, თმა ყალ­ყზე და­მიდ­გა. არ ვი­ცო­დი, მე­ტი­რა თუ მე­ცი­ნა? ნუთუ ამ ადა­მი­ანს თან­ხას გა­მო­უ­ყო­ფენ და სა­არ­ჩევ­ნო კამ­პა­ნი­ას ჩა­ა­ტა­რე­ბი­ნე­ბენ? კი, მაგ­რამ, წი­ნა­სა­არ­ჩევ­ნო პე­რი­ო­დია თუ ცირ­კი? მას­ხა­რად შალ­ვა ნა­თე­ლაშ­ვი­ლი არ გვე­ყო­ფო­და?

- რა­ტომ ფიქ­რობთ, რომ შალ­ვა ნა­თე­ლაშ­ვი­ლი მას­ხა­რაა?

- რა­ტომ? იმი­ტომ, რომ ნა­თე­ლაშ­ვი­ლი რაც თავი მახ­სოვს, გვე­ჩხუ­ბე­ბა და გვა­ვალ­დე­ბუ­ლებს, გინ­დათ თუ არა, ქვეყ­ნის ბედი მე მან­დე­თო. რას გა­დაგ­ვკი­დე­ბია, ნე­ტავ? მა­გას ისიც ეყოს, თა­ვის დრო­ზე ხალ­ხი ხმას რომ აძ­ლევ­და და ვერ შე­იშ­ნო­ვა.

გუ­რამ მა­ლა­ზო­ნია, მძღო­ლი:

- ზუს­ტად აღარ მახ­სოვს, ვე­ლი­ჯა­ნაშ­ვი­ლი იყო თუ სა­ლუ­აშ­ვი­ლი, რო­მე­ლი­ღა­ცამ თქვა, ღმერ­თმა და­გი­ფა­როთ, მე რომ გავ­ხდე პრე­ზი­დენ­ტიო. კი, მაგ­რამ რას გვა­ში­ნებს? თუ ფიქ­რობს, რომ სა­ზო­გა­დო­ე­ბის­თვის სა­ში­შია, და­ე­ტი­ოს თა­ვის­თვის. ისე­დაც ბევ­რი "სა­ში­ში" კან­დი­და­ტი გვყავს.

- მა­გა­ლი­თად, კი­დევ ვინ არი­ან სა­ში­შე­ბი?

- ბაქ­რა­ძე, მარ­გვე­ლაშ­ვი­ლი და ბურ­ჯა­ნა­ძე.

- რა­ტომ?

- ბაქ­რა­ძე იმი­ტომ, რომ უცოდ­ვე­ლი სა­ხით გა­მო­დის და გვა­ტყუ­ებს, რომ არა­ფე­რი იცის, რო­გორ აწა­მებ­დნენ და აუ­პა­ტი­უ­რებ­დნენ ხალ­ხს "ნა­ცი­ო­ნა­ლე­ბი". ნე­ტავ, ისიც არ იცო­და, რომ ჩვენს ფუ­ლებს ჭამ­დნენ და ხალ­ხს შიმ­ში­ლით სულს ხდიდ­ნენ? მარ­გვე­ლაშ­ვი­ლი იმი­ტომ არის სა­ში­ში, რომ რა უნდა, თვი­თონ არ იცის. ჯერ ვი­თომ მი­ნის­ტრო­ბაც არ უნ­დო­და, ახლა პრე­ზი­დენ­ტო­ბაც და­ა­ძა­ლეს თურ­მე. და­ა­ძა­ლეს რა, ტოლ­მა იყო? კი, მაგ­რამ, ამ კაცს თუ მარ­თლა არ უნდა სა­პა­სუ­ხის­მგებ­ლო თა­ნამ­დე­ბო­ბა­ზე ყოფ­ნა, რა­ტომ აძა­ლე­ბენ? რაც შე­ე­ხე­ბა ბურ­ჯა­ნა­ძეს, ეს ყვე­ლა­ზე სა­ში­ში ქა­ლია. მახ­სოვს, რო­დე­საც ხე­ლი­სუფ­ლე­ბა­ში იყო, მოს­კოვ­ში ჩა­ვი­და და დუ­მის დე­პუ­ტა­ტებს სულ თითი უქ­ნია. მერე სა­ა­კაშ­ვილ­ზე გაბ­რაზ­და და პუ­ტინს ლა­მის ხელ­ზე ეამ­ბო­რა. გაბ­რა­ზე­ბუ­ლი და გა­ბო­რო­ტე­ბუ­ლი ქა­ლია და მის­გან ყვე­ლა­ფე­რია მო­სა­ლოდ­ნე­ლი. ნამ­დვი­ლად არ ვენ­დო­ბი.

- ვინ­მეს თუ ენ­დო­ბით?

- ყვე­ლა­ზე მე­ტად ზუ­რა­ბიშ­ვილს ვენ­დო­ბი. ამ­ბი­ცი­უ­რი კი ჩანს, მაგ­რამ თა­ვი­სი სი­ტყვის პატ­რო­ნია.

ხა­თუ­ნა ბახ­ტუ­რი­ძე

ჟურ­ნა­ლი "გზა"

(გა­მო­დის ხუთ­შა­ბა­თო­ბით)