"მე ვუს­მენ პა­ლიტ­რას - 103.9" - ხში­რად იხი­ლავთ ავ­ტო­მო­ბილს ამ წარ­წე­რით უკა­ნა მი­ნა­ზე. რა­დიო "პა­ლიტ­რა" დღეს ერთ-ერთი ყვე­ლა­ზე პო­პუ­ლა­რუ­ლი რა­დი­ოა, რა­საც მრა­ვალ­ფე­რო­ვა­ნი გა­და­ცე­მე­ბი­სა და დახ­ვე­წი­ლი მუ­სი­კის ეთერ­ში გას­ვლის წყა­ლო­ბით მი­აღ­წია. ტალ­ღის - 103.9 ეთერ­ში გას­ვლა 2008 წლის აგ­ვის­ტოს ომს უკავ­შირ­დე­ბა: "პა­ლიტ­რამ" მა­უ­წყებ­ლო­ბა სა­ინ­ფორ­მა­ციო გა­და­ცე­მით, 2008 წლის 17 აგ­ვის­ტოს და­ი­წყო.

"პა­ლიტ­რა­მე­დი­ის" სა­ინ­ფორ­მა­ციო სამ­სა­ხუ­რის ყო­ფი­ლი ხელ­მძღვა­ნე­ლი, ბაია ცა­ნა­ვა ეთერ­ში გას­ვლას "ტრა­გი­კულ ის­ტო­რი­ას" უწო­დებს. ამ­ჟა­მად, რო­გორც რა­დი­ოს დი­რექ­ტო­რი, ზაზა ქან­თა­რია აღ­ნიშ­ნავს, "პა­ლიტ­რა" თა­ვის სი­ტყვას ამ­ბობს და მო­მავ­ლის­თვის უფრო დიდი გეგ­მე­ბი აქვს და­სა­ხუ­ლი, ხოლო სა­ზო­გა­დო­ებ­რი­ვი პროგ­რა­მე­ბის ხელ­მძღვა­ნე­ლი, თა­მარ ცა­გა­რე­იშ­ვი­ლი მი­იჩ­ნევს, რომ რა­დიო "პა­ლიტ­რას" უკვე 5 წე­ლია, ქვეყ­ნის მა­ჯის­ცე­მა­ზე უდევს ხელი და უდი­დე­სი მი­სია - სა­ქარ­თვე­ლოს სამ­სა­ხურ­ში დგო­მა აკის­რია.

ბაია ცა­ნა­ვა, "პა­ლიტ­რა­მე­დი­ის" სა­ინ­ფორ­მა­ციო სამ­სა­ხუ­რის ყო­ფი­ლი ხელ­მძღვა­ნე­ლი:

- ომის და­წყე­ბის პე­რი­ოდ­ში ახალ სა­ე­თე­რო ბა­ზას ვამ­ზა­დებ­დით. გა­და­წყვე­ტი­ლი იყო, რომ რო­გორც ყვე­ლა­ფე­რი ახა­ლი მე­დი­ა­ში, "პა­ლიტ­რის" მუ­შა­ო­ბის და­წყე­ბა და მსმე­ნე­ლის წი­ნა­შე გა­ნახ­ლე­ბუ­ლი ეთე­რით წარ­დგო­მა სექ­ტემ­ბრი­დან მომ­ხდა­რი­ყო. გან­ვი­თარ­და ცნო­ბი­ლი მოვ­ლე­ნე­ბი ანუ და­ი­წყო სა­ო­მა­რი მოქ­მე­დე­ბე­ბი და "პა­ლიტ­რა­მე­დი­ის" ხელ­მძღვა­ნე­ლებ­მა მი­ი­ღეს გა­და­წყვე­ტი­ლე­ბა, გა­მომ­დი­ნა­რე იქი­დან, რომ ინ­ფორ­მა­ცი­ა­ზე მო­თხოვ­ნა ძა­ლი­ან დიდი იყო და სა­ჭი­რო იყო, ეთერ­ში და­უ­ყოვ­ნებ­ლივ გავ­სუ­ლი­ყა­ვით. ფაქ­ტობ­რი­ვად, ეთერ­ში გას­ვლის პა­რა­ლე­ლუ­რად ხდე­ბო­და სა­ე­თე­რო ბა­ზა­ში ტექ­ნი­კუ­რი სა­მუ­შა­ო­ე­ბის ჩა­ტა­რე­ბა და შე­სა­ბა­მი­სად, მა­უ­წყებ­ლო­ბა ძა­ლი­ან რთუ­ლი იყო. კარ­გად მახ­სოვს, იმ დროს, როცა თბი­ლი­სის თავ­ზე რუ­სუ­ლი თვითმფრი­ნა­ვე­ბი დაფ­რი­ნავ­და, რა­დიო "პა­ლიტ­რის" ტექ­ნი­კუ­რი ჯგუ­ფი ან­ძა­ზე იმ­ყო­ფე­ბო­და და გა­დამ­ცე­მის და­მონ­ტა­ჟე­ბა მიმ­დი­ნა­რე­ობ­და. ამის გა­კე­თე­ბა ფი­ზი­კუ­რად ძა­ლი­ან სა­ხი­ფა­თო იყო... ეთერ­ში სა­ინ­ფორ­მა­ციო გა­მოშ­ვე­ბით გა­ვე­დით. გვქონ­და სლო­გა­ნი: "ინ­ფორ­მა­ცია რე­ა­ლურ დრო­ში". სა­ინ­ფორ­მა­ციო გა­მოშ­ვე­ბა ახა­ლი ინ­ფორ­მა­ცი­ის მი­ღე­ბის­თა­ნა­ვე გა­დი­ო­და, არ გვქო­ნია გან­სა­ზღვრუ­ლი დრო, სრუ­ლი სა­ა­თი ან ნა­ხე­ვა­რი სა­ა­თი. ფაქ­ტობ­რი­ვად, 24-სა­ა­თი­ან სა­მა­უ­წყებ­ლო რე­ჟიმ­ში ვმუ­შა­ობ­დით. ალ­ბათ, ის სიყ­ვა­რუ­ლი და ნდო­ბა, რაც რა­დიო "პა­ლიტ­რას" აქვს, სწო­რედ იმ დრო­ი­დან მოჰ­ყვე­ბა, როცა ერთ-ერთი მე­დი­ა­სა­შუ­ა­ლე­ბა ვი­ყა­ვით, რო­მე­ლიც მსმე­ნელს ინ­ფორ­მა­ცი­ას ოპე­რა­ტი­უ­ლად და ძა­ლი­ან ფრთხი­ლად აწ­ვდი­და, რად­გან გარ­და იმი­სა, რომ სან­დო­ო­ბა არ­სე­ბობ­და, იყო გარ­კვე­უ­ლი თე­მე­ბი, რომ­ლე­ბიც სა­ზო­გა­დო­ე­ბის­თვის ძა­ლი­ან დიდი სიფრ­თხი­ლით უნდა მიგ­ვე­წო­დე­ბი­ნა სა­ხელ­მწი­ფო ინ­ტე­რე­სე­ბი­დან და სამ­ხედ­რო სტრა­ტე­გი­ი­დან გა­მომ­დი­ნა­რე. ვფიქ­რობ, ეს მო­ვა­ხერ­ხეთ. მთე­ლი გუნ­დი და­უ­ღა­ლა­ვად შრო­მობ­და. ფაქ­ტობ­რი­ვად, არა მხო­ლოდ იმ 5 დღის, არა­მედ ომის შემ­დგო­მი თვე-ნა­ხევ­რის გან­მავ­ლო­ბა­ში ოფი­სი­დან არ გა­მოვ­სულ­ვართ, ვმუ­შა­ობ­დით იმის­თვის, რომ რა­დი­ომსმე­ნე­ლის­თვის რე­ა­ლუ­რად სან­დო და გა­და­მოწ­მე­ბუ­ლი ინ­ფორ­მა­ცია მიგ­ვე­წო­დე­ბი­ნა. იმ დრო­ის­თვის, რო­გორც ჩვენ, ისე­ვე ჩვე­ნი მსმე­ნე­ლი ძალ­ზე შეშ­ფო­თე­ბუ­ლი და აღელ­ვე­ბუ­ლი იყო იმით, რაც ჩვე­ნი ქვეყ­ნის თავს ხდე­ბო­და. აი, ასე­თი ტრა­გი­კუ­ლი ის­ტო­რი­აა ამ რა­დი­ოს ეთერ­ში გას­ვლა, თუმ­ცა ეს გუნ­დის­თვის დიდი გა­მოც­და იყო. იყო ბევ­რი ისე­თი პე­რი­ო­დი, როცა ჩვენ ერ­თად სხვა, ძა­ლი­ან სე­რი­ო­ზუ­ლი გა­მოც­დე­ბი ჩა­ვა­ბა­რეთ, მა­გა­ლი­თად - 26 მა­ი­სის მოვ­ლე­ნე­ბი, ფო­ტო­რე­პორ­ტი­ო­რე­ბის და­კა­ვე­ბის საქ­მე, წი­ნა­სა­არ­ჩევ­ნო პე­რი­ო­დი. მი­ხა­რია, რომ "პა­ლიტ­რა" ძა­ლი­ან ბევ­რი მსმე­ნე­ლის­თვის საყ­ვა­რე­ლი რა­დი­ოა, ისე­თი­ვე წარ­მა­ტე­ბუ­ლი, კარ­გი და რე­ი­ტინ­გუ­ლი, რო­გო­რიც 5 წლის წინ ჩა­მო­ყა­ლიბ­და. ის თა­ვად ძა­ლი­ან წარ­მა­ტე­ბუ­ლი მე­დი­ა­სახ­ლის ნა­წი­ლია: "პა­ლიტ­რა­მე­დი­ას" აქვს ბევ­რი რე­ი­ტინ­გუ­ლი გა­მო­ცე­მა: გა­ზე­თი "კვი­რის პა­ლიტ­რა", სა­ინ­ფორ­მა­ციო სა­ა­გენ­ტო "ინ­ტერპრეს­ნი­უ­სი", რო­მე­ლიც ძა­ლი­ან მიყ­ვარს. ეს გა­მარ­თუ­ლი, აწყო­ბი­ლი მე­დი­ა­სახ­ლია და დიდი პერ­სპექ­ტი­ვე­ბი აქვს. რაც მთა­ვა­რია, "პა­ლიტ­რა" ყვე­ლა ჟურ­ნა­ლის­ტის­თვის, პრო­დი­უ­სე­რი­სა და რე­დაქ­ტო­რის­თვის სრულ თა­ვი­სუფ­ლე­ბას იძ­ლე­ვა, ეს კი უმ­თავ­რე­სია. ასე იყო მთე­ლი მისი არ­სე­ბო­ბის მან­ძილ­ზე და ვიცი, რომ ახ­ლაც ასეა. ეს შო­რი­დან უფრო კარ­გად ჩანს, რად­გან ამ მე­დი­ა­სახლს არ წარ­მო­ვად­გენ და კარ­გად ვგრძნობ, რომ იქ ყვე­ლა­ფე­რი ისევ ისეა, რო­გორც ჩემი მუ­შა­ო­ბის დროს, წლე­ბის გან­მავ­ლო­ბა­ში იყო, რაც ძა­ლი­ან მა­ხა­რებს. ვუ­ლო­ცავ რა­დიო "პა­ლიტ­რას" 5 წლის იუ­ბი­ლეს!

ზაზა ქან­თა­რია, რა­დიო "პა­ლიტ­რი­სა" და ტე­ლე­ვი­ზია "პა­ლიტ­რა TV"-ს დი­რექ­ტო­რი:

- "პა­ლიტ­რა­ში" საქ­მი­ა­ნო­ბა 2012 წელს, ნო­ემ­ბრის და­სა­წყის­ში და­ვი­წყე. დამ­ხვდა რა­დიო და ტე­ლე­ვი­ზია, მაგ­რამ ეს უკა­ნას­კნე­ლი ეთერ­ში "გლო­ბალ TV"-ის სა­შუ­ა­ლე­ბით გა­დი­ო­და, აგ­რეთ­ვე, ვებგ­ვერ­დზე, დღე­ვან­დელ­თან შე­და­რე­ბით, და­ბა­ლი ხა­რის­ხით იტ­ვირ­თე­ბო­და. ჩემი მოს­ვლის შემ­დგომ ტექ­ნი­კუ­რი გან­ვი­თა­რე­ბა, სხვა­დას­ხვა სა­კა­ბე­ლო ქსელ­ში ჩარ­თვა და­ვი­წყეთ, რად­გა­ნაც სიხ­ში­რე არ გვქონ­და. სა­კა­ბე­ლო­ებ­თან ხელ­შეკ­რუ­ლე­ბე­ბი გა­ვა­ფორ­მეთ, ხა­რის­ხი ავა­მაღ­ლეთ და სა­ტე­ლე­ვი­ზიო ხა­რისხზე დავ­სვით, ამის შემ­დეგ მა­უ­წყებ­ლო­ბა და­ვი­წყეთ.

- ყვე­ლა გა­და­ცე­მა, რო­მე­ლიც "რა­დი­ოს" ეთერ­შია, "პა­ლიტ­რა TV"-ზეც გა­დის. ხომ არ აპი­რებთ, რომ შემ­დგომ­ში, რა­დიო და ტე­ლეპ­როგ­რა­მე­ბი უფრო მე­ტად გა­მიჯ­ნოთ ერ­თმა­ნე­თის­გან?

- ამ ეტაპ­ზე ეს ორი სა­შუ­ა­ლე­ბა - ტე­ლე­ვი­ზია და რა­დიო გა­ნუყ­რე­ლი "მე­გობ­რე­ბი" არი­ან. სა­მო­მავ­ლო გეგ­მე­ბი დიდი გვაქვს, მაგ­რამ კონ­კრე­ტუ­ლად რა იქ­ნე­ბა, ამას დრო გვიჩ­ვე­ნებს. გვინ­და, რომ ტე­ლე­ვი­ზია გან­ვი­თარ­დეს. შეგ­ნე­ბუ­ლად არ მსურს, წი­ნას­წარ ვი­სა­უბ­რო იმ დე­ტა­ლებ­ზე, რომ­ლე­ბიც მო­მავ­ლის პერ­სპექ­ტი­ვაა რო­გორც რა­დი­ოს­თვის, ასე­ვე ტე­ლე­ვი­ზი­ის­თვის. ჩვე­ნი გეგ­მე­ბი ძა­ლი­ან სა­ინ­ტე­რე­სოა, მარ­თვის სის­ტე­მი­სა და ში­ნა­არ­სობ­რი­ვი დატ­ვირ­თვის თვალ­საზ­რი­სით, მათ გან­ხორ­ცი­ე­ლე­ბას დრო სჭირ­დე­ბა, მაგ­რამ დიდი გეგ­მე­ბი გვაქვს და­სა­ხუ­ლი და ჩვე­ნი ხელ­მძღვა­ნე­ლო­ბის დახ­მა­რე­ბით, ყვე­ლა­ფე­რი იქ­ნე­ბა. მთა­ვა­რია, ჯერ ე.წ. სა­ტე­ლე­ვი­ზიო იმი­ჯი შევ­ქმნათ და გან­ვი­თა­რე­ბა­ზე შემ­დეგ ვი­ფიქ­როთ. არ ვიცი, ვინ რო­გორ ფიქ­რობს, - თუ ამ მოკ­ლე ხან­ში რა შეგ­ვე­მა­ტა გან­სხვა­ვე­ბუ­ლი და ახა­ლი, - მაგ­რამ ძა­ლი­ან ბევ­რი რამ შე­იც­ვა­ლა, რა თქმა უნდა - უკე­თე­სო­ბის­კენ. ანა­ლო­გი­უ­რი სი­ურპრი­ზე­ბი მსმე­ნელს აუ­ცი­ლებ­ლად ექ­ნე­ბა მო­მა­ვალ­ში, რად­გან ყო­ველ­დღი­უ­რად, ნა­ბიჯ-ნა­ბიჯ მი­ვი­წევთ წინ. ალ­ბათ ყვე­ლა­ფე­რი ნელ-ნელა ხდე­ბა და ამი­ტომ შე­იძ­ლე­ბა, ეს შე­უმ­ჩნე­ვე­ლი იყოს. ჩვე­ნი რა­დიო თა­ვის სი­ტყვას ამ­ბობს, რო­გორც სა­ინ­ფორ­მა­ციო, ასე­ვე - მუ­სი­კა­ლუ­რი კუ­თხით და მო­მა­ვალ­ში კი­დევ უფრო მეტს იტყვის.

- რა­დიო "პა­ლიტ­რას" ძა­ლი­ან ბევ­რი პო­ლი­ტი­კუ­რი გა­და­ცე­მა აქვს, რო­მელ­თა მი­მართ მსმე­ნე­ლე­ბი დიდ ინ­ტე­რესს გა­მო­ხა­ტა­ვენ, მაგ­რამ ხომ არ გგო­ნი­ათ, რომ რა­დიო ამ მხრივ ცო­ტა­თი გა­დატ­ვირ­თუ­ლია და გა­სარ­თო­ბი სეგ­მენ­ტი "იჩაგ­რე­ბა"?

თა­მარ ცა­გა­რე­იშ­ვი­ლი, რა­დიო "პა­ლიტ­რის" სა­ზო­გა­დო­ებ­რი­ვი პროგ­რა­მე­ბის ხელ­მძღვა­ნე­ლი:

- ერთი შე­ხედ­ვით, ეს ნამ­დვი­ლად ასეა. ზო­გა­დად, ჩვენ ქვეყ­ნის მა­ჯის­ცე­მა­ზე გვე­დო და გვი­დევს ხელი. ქვე­ყა­ნა­ში სი­ტუ­ა­ცია ჯერ კი­დევ ვერ და­ლაგ­და, რომ ჩვენს პრი­ო­რი­ტე­ტად გარ­თო­ბა იქ­ცეს. იქ, სა­დაც პრი­ო­რი­ტე­ტი გარ­თო­ბაა, ნაკ­ლე­ბი პრობ­ლე­მა არ­სე­ბობს. ჩვენ­თან პრობ­ლე­მა მე­ტია და ამ­დე­ნად, გარ­თო­ბა ნაკ­ლე­ბად პრი­ო­რი­ტე­ტუ­ლია, თუმ­ცა ეს იმას არ ნიშ­ნავს, რომ ამ სეგ­მენ­ტის ამუ­შა­ვე­ბის­კენ არ მი­ვი­წევთ. ზო­გა­დად, პო­ლი­ტი­კუ­რი გა­და­ცე­მე­ბი მეტ ფიქ­რს, ანა­ლიზს, ჩვენ გარ­შე­მო არ­სე­ბუ­ლი პრობ­ლე­მე­ბის ჩაწ­ვდო­მას მო­ი­თხოვს. ამი­ტომ, ჩვე­ნი თვალ­თა­ხედ­ვით, ეს ჩვენს მსმე­ნელს გა­ცი­ლე­ბით მე­ტად სჭირ­დე­ბო­და, ვიდ­რე - გარ­თო­ბა. ქვე­ყა­ნა ფეხ­ზე უნდა დად­გეს და ამ ნა­ბი­ჯებს ახლა ვდგამთ. მი­უ­ხე­და­ვად იმი­სა, რომ და­მო­უ­კი­დებ­ლო­ბის მო­პო­ვე­ბი­დან 22 წე­ლია გა­სუ­ლი, ჯერ­ჯე­რო­ბით ვერ ჩა­მოვ­ყა­ლიბ­დით. ჩა­მო­ყა­ლი­ბე­ბის პრო­ცე­სის­თვის ხელ­შე­წყო­ბა უპირ­ვე­ლე­სი პრი­ო­რი­ტე­ტი იყო და არის. სწო­რედ ამი­ტო­მაა, რომ რა­დი­ოს­თვის ძა­ლი­ან დაკ­ვირ­ვე­ბით ვარ­ჩევთ წამ­ყვა­ნებს, თე­მებს. ეს იმის­თვის კეთ­დე­ბა, რომ მა­ყუ­რე­ბელს, მსმე­ნელს რე­ა­ლო­ბის აღ­ქმა­ში, გა­აზ­რე­ბა­სა და ცი­ვი­ლი­ზე­ბუ­ლი ნა­ბი­ჯე­ბის გა­დად­გმა­ში და­ვეხ­მა­როთ.

- აღ­ნიშ­ნეთ, რომ ძა­ლი­ან დაკ­ვირ­ვე­ბით არ­ჩევთ კად­რებს. კონ­კრე­ტუ­ლად, რა კრი­ტე­რი­უ­მე­ბით ხელ­მძღვა­ნე­ლობთ ჟურ­ნა­ლის­ტე­ბი­სა და ამა თუ იმ გა­და­ცე­მის წამ­ყვა­ნე­ბის შერ­ჩე­ვი­სას?

- პირ­ველ რიგ­ში, ეს არის კომ­პე­ტენ­ტუ­რო­ბა იმ სა­კი­თხებ­ში, რა­საც ისი­ნი აშუ­ქე­ბენ. ასე­ვე - პრო­ფე­სი­ო­ნა­ლიზ­მი და მათი ავ­ტო­რი­ტე­ტი. ეთერ­ში გა­მოს­ვლი­სა და გა­და­ცე­მის წაყ­ვა­ნის უფ­ლე­ბა უნდა გქონ­დეს: უფ­ლე­ბის ქო­ნა­ში ის იგუ­ლის­ხმე­ბა, რომ რო­დე­საც შენს სა­ხელ­სა და გვარს გა­ი­გო­ნე­ბენ, არ უნდა თქვან, რომ შენი აზრი არ აინ­ტე­რე­სებთ, რად­გან არაპრო­ფე­სი­ო­ნა­ლად გთვლი­ან. კად­რებს ძი­რი­თა­დად, ამ პრი­ო­რი­ტე­ტე­ბის მი­ხედ­ვით ვარ­ჩევთ.

- რა­დიო "პა­ლიტ­რის" ლო­ზუნგზე გკი­თხავთ: "სი­მარ­თლე უმ­თავ­რე­სია" - ზუს­ტად ეს სი­ტყვე­ბი გა­მო­ხა­ტავს ძა­ლი­ან მარ­ტი­ვად ჟურ­ნა­ლის­ტი­კის მი­ზანს...

- დიახ, ეს სი­ტყვე­ბი იმ მრწამსს გა­მო­ხა­ტავს, სა­ი­თაც მივ­დი­ვართ. ახლა 5 წლის ვართ და ახა­ლი ლო­ზუნ­გიც შე­მოგ­ვე­მა­ტა: "პა­ლიტ­რა" - შენი სან­დო თა­ნამ­გზავ­რი". ეს ნიშ­ნავს, რომ ჩვენ უნდა გვენ­დოთ, იმი­ტომ, რომ ინ­ფორ­მა­ცია ისე არ მო­ი­პო­ვე­ბა, მიხ­ვი­დე და სა­დღაც, ხის ძირ­ში იპო­ვო, აიღო და რაც გინ­და, ის გა­დას­ცე. ოპე­რა­ტი­უ­ლო­ბა და სან­დო­ო­ბა - ეს მნიშ­ვნე­ლო­ვა­ნი ფაქ­ტო­რე­ბია. 5 წელი ძა­ლი­ან რთუ­ლი იყო, რად­გან მა­უ­წყებ­ლო­ბა ომის დროს და­ვი­წყეთ. შემ­დე­გაც გრძელ­დე­ბო­და ომი - ვგუ­ლის­ხმობ არა მხო­ლოდ რუ­სეთ­თან და არა მხო­ლოდ ტე­რი­ტო­რი­ე­ბის შე­სა­ნარ­ჩუ­ნებ­ლად, არა­მედ - ადა­მი­ა­ნე­ბის უფ­ლე­ბე­ბის დაც­ვის­თვის. ეს ძა­ლი­ან მნიშ­ვნე­ლო­ვა­ნი იყო. მთე­ლი 5 წლის გან­მავ­ლო­ბა­ში ამ ომში ვართ და ის ჯერ არ დას­რუ­ლე­ბუ­ლა. სა­ნამ არ მოვა ისე­თი ხე­ლი­სუფ­ლე­ბა, როცა ჩვენ მოგ­ვე­ცე­მა უფ­ლე­ბა, ხე­ლე­ბი და­ვიკ­რი­ფოთ და გარ­თო­ბა­ზე ვი­ფიქ­როთ, მა­ნამ ალ­ბათ, მე ვი­ტყო­დი, რომ ჩვე­ნი მრწამ­სი, კრე­დო და არა ლო­ზუნ­გი, არ შე­იც­ვლე­ბა. უნდა ვიდ­გეთ იმის სამ­სა­ხურ­ში, რაც ქვე­ყა­ნას ფეხ­ზე დად­გო­მა­ში და­ეხ­მა­რე­ბა.

იხი­ლეთ ვი­დეო

ეკა აბა­ში­ძე

ჟურ­ნა­ლი "გზა"

(გა­მო­დის ხუთ­შა­ბა­თო­ბით)