იორმურანლოელები ახალ გამგებლთან შეხვედრას ითხოვენ

რამდენიმე თვეა, საგარეჯოს მუნიციპალიტეტს გამგებლის მოვალეობის შემსრულებელი უძღვება. ცისმარ თედიაშვილი ამ თანამდებობაზე მას შემდეგ დაინიშნა, რაც ყოფილი გამგებელი გიორგი ლოლაძე ქრთამის აღების ბრალდებით დააკავეს. როგორც იორმურანლოს თემის მოსახლეობა ამბობს, გიორგი ლოლაძე მათ სოფელს ხშირად სტუმრობდა და პრობლემებით ინტერესდებოდა, მისი შემცვლელი კი ჯერ თვალით არ უნახავთ. ისინი იმედს იტოვებენ, რომ წლების განმავლობაში დაგროვილი და გადაუჭრელი პრობლემები, ამჯერად მაინც მოგვარდება.

"ლოლაძე რამდენჯერმე იყო მოსული, ჩვენი პრობლემებით დაინტერესდა და დახმარებასაც დაგვპირდა. კარგი ბიჭი ჩანდა და ვფიქრობ, ეს შემთხვევა რომ არა, აუცილებლად მოგვხედავდა. ამჟამად ვიღაც ქალბატონი დაინიშნა, ჯერ ჩვენამდე არ მოსულა, არ უკითხავს, რა გვიჭირს და რა გვილხინს. იქნებ დაინტერესდეს, ჩამოვიდეს ჩვენს სოფლებში და ნახოს, რა პირობებში ვცხოვრობთ. იმედია, ვინმე მოგვხედავს, ჩვენც ადამიანები ვართ", - აცხადებენ იორმუღანლოში.

იხილეთ ვრცლად

”სპექტრი”